Ölkə futbolu
“3-4 ildən sonra Avropa klublarında azərbaycanlı uşaqları görmək istəyirəm”
Xəbər verdiyimiz kimi, bu gün “Bakı” Madrid &ldquo…
Xəbər verdiyimiz kimi, bu gün “Bakı” Madrid “Atletiko”sunun futbol akademiyasına göndərəcəyi 1999-cu il təvəllüdlü futbolçuları mətbut nümayəndələrinə təqdim edib. Futbolinfo.az xəbər verir ki, tədbirdə iştirak edən “Bakı”nın prezidenti Hafiz Məmmədov da çıxış edib:
“Bu işləri cənab prezident İlham Əliyevin dəstəyi olmadan həyata keçirmək mümkün deyildi. Biz də belə məsələdə azacıq pay sahibi olmağa çalışırıq. Bu layihənin bünövrəsini Azad Rəhimov qoyub. Həmçinin AFFA prezidenti Rövnəq Abdullayevə və “Atletiko” rəhbərliyinə təşəkkürümüzü bildiririk. Mən bu uşaqlara tövsiyyəmdə bildirdim ki, “Siz ulu öndər Heydər Əliyevin əsgərlərisiz”. İnşallah, onlar Azərbaycanın adını yüksəklərə qaldıracaqlar. “Atletiko” kimi elit klubun təcrübəsindən yararlanmaq qürurvericidi. “Lans” da Fransanın 2-ci liqasında oynamasına baxmayaraq, köklü klubdu. Bizim bu yöndə “Lans”la da əməkdaşlığımız nəzərdə tutulub. Mən təkcə “Bakı”nın oyunçularına dəstək vermirəm. Digər komandalarda da istedadlı uşaqlar varsa, versinlər, biz onlara hər yöndən dəstək olmağa hazırıq. Bu uşaqların minimum 3 il İspaniyada qalması gözlənilir. Amma yenə də bu onların özünü necə göstərməsindən asılıdı. Üç-dörd ildən sonra Avropa klublarında azərbaycanlı uşaqları görmək istəyirəm. Mən buna inanıram. Üstəlik, 2016-cı ildə ölkəmizdə 17 yaşadək futbolçular arasında Avropa çempionatı təşkil olunacaq. Həmin vaxt bu futbolçular yığmanın əsasını təşkil etməlidi”.
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu