Premyer-liqa
“Böyük oyun” və paytaxt derbisi
Topaz Premyer Liqasının 12-ci turu bu gün keçiriləcək …
Topaz Premyer Liqasının 12-ci turu bu gün keçiriləcək iki oyunla davam edəcək. Futbolinfo.az xəbər verir ki, oyunlar müxtəlif vaxtda "Şəfa" stadionu və "Bakcell Arena"da baş tutacaq.
Günün ilk qarşılaşması "Şəfa"da keçiriləcək. "İnter" "Rəvan"la münasibətlərinə aydınlıq gətirəcək. "Bankirlər" ötən tur AZAL üzərində qazanılan qələbədən sonra daha iddialı görünür. Hazırda 13 xalla 7 yerdə qərarlaşan Kaxaber Sxadadzenin yetirmələri "Rəvan" üzərində qazanılan qələbədən sonra bir neçə pillə irəliləmək şansı qazana bilər. Şahin Diniyevlə ilk matçda məğlub olan, ikinci oyunda meydanı sülhlə tərk edən "aslanlar"ın heyətində yalnız Tofiq Mikayılov yer almayacaq. İki komanda arasında bugünədək keçirilən 5 oyunun heç birində "Rəvan" qalib gələ bilməyib. Bu üzdən də Diniyevin komandası həm heç-heçəyə nail olmaqla, həm də qələbə qazanmaqla bir ilkə imza atmaq şansına malikdilər.
Günün növbəti oyunu isə 8-ci km-də keçiriləcək. "Neftçi" doğma azarkeşlər arasında "Xəzər Lənkəran"ı qəbul edəcək. Böyük marağa səbəb olan "Böyük oyun"un start fiti 19:00-da çalınacaq. Bu oyunu Naxçıvanda keçirilən Super Kubokun revanşı kimi də qəbul etmək olar. Lakin, İntizam Komitəsinin qərarına əsasən rəqib azarkeşlərin meydanda olmaması "Böyük oyun"a təsir edəcək. Hər iki tərəfin iddialı açıqlamaları maraqlı oyuna işarə verir. Bakı klubu 3 xal qazanarsa, turnir cədvəlinin liderlik kürsüsünə sahib çıxacaq. Cənublular is qələbə sayəsində vəziyyətini biraz da yaxşılaşdıracaq.
Qeyd edək ki, hesabat turunun ilk oyun günündə “Bakı” doğma divarlar arasında “Simurq”a 3:2 hesabıyla qalib gəlib.
Topaz Premyer Liqası
12-ci tur
2 noyabr (şənbə)
17:00. İnter – Rəvan
Hakimlər: Əliyev Vüsal, Əmiraslanov Knyaz, Yusifov Cavanşir, Əhmədov Tahir.
Bakı. “Şəfa” stadionu.
19:00. Neftçi – Xəzər Lənkəran
Hakimlər: Məmmədov Orxan, Musayev Elman, Vaqif Musayev, Paşayev Ömər.
Əlavə köməkçi hakimlər: Ağayev Əliyar, Diniyev Ramil.
“Bakcell Arena” stadionu.
Turun digər oyunları: 3 noyabr (15:00. Sumqayıt – AZAL, 17:00. Qarabağ – Qəbələ).
1 | Qarabağ | 11 | 7 | 3 | 1 | 20 | 4 | +16 | 24 |
2 | Neftçi | 11 | 6 | 4 | 1 | 14 | 7 | +7 | 22 |
3 | Qəbələ | 11 | 7 | 1 | 3 | 17 | 9 | +8 | 22 |
4 | Bakı | 12 | 5 | 3 | 4 | 21 | 14 | +7 | 18 |
5 | AZAL | 11 | 4 | 3 | 4 | 11 | 15 | –4 | 15 |
6 | Simurq | 12 | 3 | 5 | 4 | 11 | 12 | –1 | 14 |
7 | İnter | 11 | 4 | 1 | 6 | 18 | 16 | +2 | 13 |
8 | XL | 11 | 3 | 4 | 4 | 9 | 13 | –4 | 13 |
9 | Rəvan | 11 | 1 | 4 | 6 | 5 | 21 | –16 | 7 |
10 | Sumqayıt | 11 | 1 | 2 | 8 | 5 | 20 | –15 | 5 |
Bombardirlər:
6 – Əfran İsmayılov (Bakı).
5 – Mindauqas Kalonas (Bakı), Reynaldo (Qarabağ).
4 – Vaqif Cavadov (İnter), Junior Nildo (Xəzər Lənkəran), Daniel Subotiç (Qəbələ), Bahodır Nasimov (Neftçi), Baçana Sxadadze (İnter).
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-17 09:23
Mirzov “Neftçi”dən ayrılır: Premyer Liqadan təklifləri var
- Milli komanda2024-04-17 12:23
Yığmamızın baş məşqçi postuna isveçrəli namizəd
- Ölkə futbolu2024-04-16 17:02
Lunyovun meneceri: “Qarabağ”dan təklif gözləyirik”