Ölkə futbolu
“Qəbələ” mübarizəni dayandırdı
Futbol üzrə Avropa Liqasının 2-ci təsnifat mərhələsinin ca…
Futbol üzrə Avropa Liqasının 2-ci təsnifat mərhələsinin cavab oyunları keçirilir.
Futbolinfo.az xəbər verir ki, Azərbaycanın bu turnirdəki təmsilçisi “Qəbələ” də bu gün növbəti matçına çıxıb.
Gürcüstanın “Dinamo” klubu ilə mübarizə aparan “qırmızı-qaralar” bu dəfə Tiflis təmsilçisi ilə səfərdə üz-üzə gəlib. Doğma meydanda 2 cavabsız qola üzülən Sənan Qurbanovun yetirmələrinə mərhələ adlamaq üçün öz qapılarını toxunulmaz saxlamaq şərtilə, 3 qol vurmaq lazım idi. Amma bu vəzifəni daha yaxşı yetirən tərəf "Dinamo" olub. Nəticədə, Azərbaycan təmsilçisi mübarizəni dayandırmaq məcburiyyətində qalıb.
Bu cütün qalibi növbəti mərhələdə Hollandiyanın "Feyenoord" klubu ilə mübarizə aparacaq.
Avropa Liqası
2-ci təsnifat mərhələsinin cavab oyunu
1 avqust
Dinamo – Qəbələ 3:0
Qol: L.Şengeliya, 68; 88. K.Karikari, 90+3.
Hakimlər: Petri Vilyanen, Riku Vihreavuri, Mika Lamppu, Dennis Antamo (hamısı Finlandiya).
Tiflis. Boris Payçadze adına stadion.
İlk oyun – 2:0.
Dinamo: 1. Perales Najera, 3. Viktor Mongil, 5. Davit Kobouri, 8. Georgi Kuxianidze, 10. Levan Şengeliya (k), 15. Georgi Papava, 16. Georgi Kimadze, 19. Levan Kutaliya, 24. Nodar İaşvili, 32. Nika Ninua, 38. Nodar Kavtaradze.
Ehtiyat oyunçular: 12. Sergey Litovçenko, 2. Qudza Ruxaya, 4. Abdel Mediub, 6. Bakar Kardava, 9. Kvame Karikari, 11. Akaki Şulaya, 14. Arfanq Daffe.
Baş məşqçi: Feliks Miranda.
Qəbələ: 1. Anar Nəzirov (k), 2. Amin Seydiyev, 3. İvitsa Zuniç, 5. Rasim Ramaldanov, 8. Qismət Alıyev, 9. Davit Volkov, 10. Klesio, 11. Asif Məmmədov, 13. Kristian Kouakou, 21. Ferreyra Lopes, 77. Merab Giqauri.
Ehtiyat oyunçular: 94. Tərlan Əhmədli, 4. Sadiq Quliyev, 6. Kamal Mirzəyev, 7. Roman Hüseynov, 14. Ülvi İsgəndərov, 19. Rövlan Muradov, 74. Yusif Nəbiyev.
Baş məşqçi: Sənan Qurbanov.