Müsahibə
Bombardir: “Keşlə”də ən yaxşı futbolçu yoxdu”
Son turda vurduğu qol Lorentso Frutosu bombardirlər yarışında ilk…
Son turda vurduğu qol Lorentso Frutosu bombardirlər yarışında ilk pilləyə çıxardı. “Keşlə”də debüt mövsümünü keçirən hücumçu “Zirə”ylə matçda fərqlənməklə komandasının da 2-ci sıraya şərik olmasına yardım etdi. 4 qol böyük göstərici deyil, lakin Frutosun oyunçu keyfiyyətlərinə baxmaq üçün cəmi 6 oyunda bu qədər fərqlənmək kifayət edir.
– “Zirə” üzərində qələbə qazandınız. İki uğursuz oyundan sonra bu qələbəni nəyə borclusunuz?
– Çox sevinirəm ki, 3 xalı əldə etdik. Biz buna layiq idik. 3 xala çox ehtiyacımız var idi. Son 2 oyunun birində uduzmuşduq, birində heç-heçə etmişdik. İndi də qalib gəlməyi bacardıq. Bizim komanda hər matçda qələbəyə layiqdi.
– Səni komandanın lideri sayanlarla razısan?
– Yox, bu barədə heç düşünmürəm də. Mənə görə bizim ən yaxşı oyunçumuz yoxdu. Ən yaxşı olan komandadı. Birlikdə uğurlu nəticələr əldə etməyi bacarırıq. Hər kəs “Keşlə”nin adı üçün meydana çıxır.
– “Keşlə”nin qarşısına nə hədəf qoyulub?
– Biz oyundan oyuna daha yaxşı oynamağı düşünürük. Bugünkü nəticələrə görə vəziyyətimiz yaxşıdı, istədiyimiz nəticəni almışıq. Lakin 6 matçdan sonra nəsə demək çətindi. Bizi mövsümün sonuna qədər çətin bir yol gözləyir.
– Çempionatda mübarizə səni qane edir?
– Azərbaycan çempionatı haqqında çox şey bilmirəm. Amma burada yaxşı komandalar və güclü futbolçular var. Xeyli sayda yüksək səviyyəli oyunlar keçib. Ona görə də burada oynamaq xoşuma gəlir.
– Hər hansı komandanın “Qarabağ”a qarşı müqavimət göstərəcəyinə inanırsan?
– “Qarabağ” geridə qalan 6 turda mükəmməl çıxış edib və 6 qələbə qazanıb. Onlar rəqiblərlə aralarında çox ciddi fərq yaradıblar. Hansısa komandanın onlara çempionluq yolunda ciddi maneə yaratması çox çətin olacaq. Amma futbolda hər şey mümkündü.
– Qarşıda “Sumqayıt”la oyun var…
– Biz səfərə qələbə üçün gedəcəyik. İstənilən rəqiblə oyun çətindi, amma hədəfimiz 3 xaldı. Həftəboyu ciddi şəkildə bu oyuna hazırlaşacağıq və istədiyimiz kimi oynasaq, 3 xal da bizim olacaq.
FƏRİD
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-16 09:10
Lunyov “Qarabağ”dan ayrıla bilər
- Ölkə futbolu2024-04-17 09:23
Mirzov “Neftçi”dən ayrılır: Premyer Liqadan təklifləri var