Premyer-liqa
Sadıq Sadıqov: Bu oyunda qələbə bizim üçün çox vacib idi
“Neftçi”nin prezidenti Sadıq Sadıqovun futbolinfo…
“Neftçi”nin prezidenti Sadıq Sadıqovun futbolinfo.az saytına müsahibəsi
– Komandanızın “Xəzər Lənkəran”la oyununu neçə qiymətləndirirsiz?
– Komandamız oynadı və uddu.
– Super Kubok oyunu ilə bu oyun arasında fərq nə idi?
– Heç bir fərq yox idi. Super Kubok oyununun Naxçıvanda keçirilməsini “Xəzər Lənkəran” azarkeşləri pis qarşıladılar. Güya biz də naxçıvanlıyıq deyə, oyunu öz yerimizdə təşkil etdik. Biz də Naxcıvanda qonaqpərvərliyimizi göstərdik. Qismət. Azlıqda oynamaqlarına baxmayaraq Super Kuboku “Xəzər Lənkəran” götürdü. Biz onları təbrik etdik və aramızda olan bütün problemləri elə Naxçıvanda həll etdik. Bu gün revanş götürdüyümüzü deməzdim. Sadəcə, bizim üçün vacib oyunlardan biri idi. Çünki Naxçıvandakı oyundan sonra özünü təsdiq etmək üçün bu qələbə bizim üçün vacib idi. “Neftçi” də bunu bacardı.
– “Böyük oyun”u böyük edən azarkeşlərin yarısının yoxluğu oyunun böyüklüyünə təsir etdimi? Bilirsiniz ki, bu oyunu əsas maraqlı edən hər iki klubun çılğın azarkeşləridi…
– Azərbaycan çempionatının bütün oyunları böyükdü. Stadionda təxminən 3-4 min azarkeş vardı. Lənkəranlı azarkeşlər də gəlsəydi, 7000 azarkeş olardı. “Bakcell Arena” da elə 7000 azarkeş tutur. Nəzərə alaq ki, “Xəzər Lənkəran”ın 20-30 min azarkeşi var. Ancaq İntizam Komitəsi belə qərar verdi ki, onların azarkeşləri bu oyunda iştirak etməsin. O da sırf təhlükəsizlik baxımından atılmış bir addım idi.
– 28 mayda keçirilmiş Kubokun finalında və 25 avqustda keçirilən oyunlarda baş verən insidentlər çox böyük səs-küyə səbəb oldu. Sizcə, İntizam Komitəsinin bu cəzası ilə qarşıdurmaların qarşısını almaq mümkün olacaq?
– Bu, AFFA-dan yox, klublardan asılı olan bir işdi. Klublar azarkeşlərlə münasibəti elə qurmalıdılar ki, belə xoşagəlməz hallar baş verməsin. AFFA sadəcə olaraq, cəza tədbiq edə bilər. Ona görə də bütün dünya futbolunda olan cəzanı tətbiq etdi. Yadınızdadırsa, kubok oyununda da “Neftçi”ni 89 000 manat cərimələmişdilər. AFFA sadəcə, səhv edən klubu cərimələyə bilər. Azarkeşlərlə komandalar arasında söz-söhbətə isə klub çıxış yolu tapmalıdı. Bu gün iki klub bir yerdə bu məsələni həll etməlidi. Mən isə belə başa düşürəm ki, bu məsələ artıq həll olunub. Özünüz də gördüz ki, meydanda rəqabətin yüksək olmasına baxmayaraq, futbolçular bir-biri ilə çox mehriban idilər. Biz mehribanlığı Naxçıvanda yaratdıq, bunun həmişə belə qalması üçün də əlimizdən nə gəlirsə, edəcəyik.
– Yeni baş məqşçi Nazim Süleymanov haqda da fikirlərinizi bilmək istərdik. Sizcə, Süleymanov “Neftçi”nin istədiklərini komandaya verə biləcəkmi?
– Bəli. Ən azından Nazim Süleymanov 4 ildi ki, milli komandada Berti Foqtsla birgə işləyir. Özünüz də yaxşı bilirsiz ki, Foqts çox iddialı məşqçidi, hər mütəxəssisi bəyənmir. Əgər Nazim müəllim millidə işləməyə layiqdirsə, demək “Neftçi”ni də çalışdırmağa layiqdi.
RÖYA KƏRİMLİ
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi
- Ölkə futbolu2024-04-18 09:45
Mirzov “Neftçi” ilə yeni müqavilə imzalamayacaq