Ançelotti Ardanın qaydacağı vaxtı açıqladı

Karlo Ançelotti komandadakı durum barədə danışıb. “Real”ın baş məşqçisi zədəlilərin durumunu açıqlayıb.

Futbolinfo.az xəbər verir ki, təcrübəli mütəxəssis Çempionlar Liqasının qrup mərhələsində ilk oyun ərəfəsində keçirdiyi mətbuat konfransında jurnalistlərin suallarını cavablayıb: “Arda Gülər növbəti həftənin bazar ertəsi komanda ilə məşqlərə başlayacaq. Əməliyyatdan sonra bərpa prosesini bitirmək üzrədir. Luka Modriç yaxşı vəziyyətdədir və sabah start heyətində olacaq. Təəssüf ki, Dani Karvahal qarşıdakı matçda bizə kömək etməyəcək”.

Xatırladaq ki, “Real” sabah “Union Berlin”i qəbul edəcək.