Futbolinfo.az Premyer Liqa klublarının rəsmiləşən yeni transferlərini təqdim edir:

Qarabağ
Gələn: Nicat Mehbalıyev (“Sumqayıt”: icarədən qayıdıb), Ovusu Kvabena (“Leqanes”, İspaniya)
Gedən: Simeon Slavçev (“Levski”, Bolqarıstan), Asmir Beqoviç (Bornmut, İngiltərə: icarə müddəti bitib), Riçard Almeyda (Baniyas, BƏƏ)
Müqavilə müddətini artıran:

Neftçi
Gələn: İbrahim Əliyev (“Sumqayıt-2”), Mirabdulla Abbasov (icarədən qayıdıb: “Səbail”), Saman Nariman Cahan (“Maşinsazi”, İran)
Gedən: Rauf Əliyev (“Səbail”), Kiril Petrov
Müqavilə müddətini artıran:

Qəbələ
Gələn: Ehtiram Şaverdiyev (“Sumqayıt”), Abdelrafek Jerar (“Union Sent Jiluaz”, Belçika)
Gedən: Davit Volkov (“Zirə”), İbrahima Niasse (“Lamiya”, Yunanıstan)
Müqavilə müddətini artıran:

Sabah
Gələn: Mario Marina (“Qoritsa”, Xorvatiya), Marko Deviç (“Vozdovats”, Serbiya), Yevgeni Koçuk (“Səbail”), Xulio Sezar Rodriqes (“Zirə”), Elgün Nəbiyev (“Sumqayıt”, icarədən qayıdıb)
Gedən: Hendrik Ekşteyn (“Səbail”), Rocer Roxas (“Deportes Tolimo”, Kolumbiya)
Müqavilə müddətini artıran:

Səbail
Gələn: Murad Qayalı (“Keşlə”), Rauf Əliyev (“Neftçi”), Hendrik Ekşteyn (“Sabah”), Peyman Keşavarz (“Göstəriş Fulad”, İran)
Gedən: Ağabala Ramazanov (“Zirə”), Elvin Yunuszadə, Mirabdulla Abbasov (“Neftçi”), İqor Korotetski, Yevgeni Koçuk (“Sabah”)
Müqavilə müddətini artıran:

Sumqayıt
Gələn:
Gedən: İbrahim Əliyev (“Neftçi”), Ehtiram Şahverdiyev (“Qəbələ”), Nicat Mehbalıyev (“Qarabağ”), Elgün Nəbiyev (“Sabah”)
Müqavilə müddətini artıran:

Zirə
Gələn: Ağabala Ramazanov (“Səbail”), Davit Volkov (“Qəbələ”), Alie Sesay (“Arda”, Bolqarıstan), Yovan Krneta (“Levadiakos”, Yunanıstan), George Anton (“Şerif”, Moldova)
Gedən: Soni Norde (“Melaka Yunayted”, Malayziya), Robin Nqalande, Xulio Sezar Rodriqes (“Sabah”)
Müqavilə müddətini artıran:

Keşlə
Gələn: Şohruh Qadoyev (“Bunyodkor”, Özbəkistan), Aleksandr Kristovao (“Əl-Moyzel”, Səudiyyə Ərəbistanı)
Gedən: Şahin Zəkiyev, Murad Qayalı (“Səbail”)
Müqavilə müddətini artıran:

Futbolinfo.az xəbər verir ki, “ağ-qaralar” “Desna” klubu ilə qarşılaşıb.

Ukrayna təmsilçisi ilə oyuna saat 18:00-da start verilib. “Ağ-qaralar” üç qolun qeydə alındığı bu matçdan məğlubiyyətlə ayrılıblar.

“Neftçi” Antalyada keçirdiyi əvvəlki yoxlama oyunlarında da Polşanın “LKS Lodz” klubuna 0:4, Kiyev “Dinamo”suna isə 1:2 hesabıyla uduzmuşdu.

Yoxlama oyunu
24 yanvar

Neftçi – Desna 1:2
Qol: Stiven Monroz, 66.
Antalya, “Emir Hotels Spor Kompleksi”nin stadionu.

Neftçi: 1. Səlahət Ağayev, 3. Mamadu Mbodj, 6. Voyislav Stankoviç, 7. Namiq Ələsgərov, 8. Emin Mahmudov (k), 9. Baqali Dabo, 11. Vangelis Platellas, 15. Saman Nəriman Cahan, 18. Tural Axundov, 36. Mamadu Kane, 77. Donald Gerye.

Ehtiyat oyunçular: 12. Kamran İbrahimov, 30. Aqil Məmmədov, 5. Anton Krivotsyuk, 17. Rəhman Hacıyev, 22. Mirabdulla Abbasov, 26. Ömər Buludov, 27. Nabi Silla, 28. Stiven Monroz, 33. Turan Vəlizadə.

Futbolinfo.az xəbər verir ki, Tərlan Əhmədovun rəhbərlik etdiyi kollektiv “Zemplin” klubu ilə üz-üzə gəlib.

Slovakiya təmsilçisi ilə oyuna saat 13:00-da start verilib. Qarşılaşmada hesabı bakılılar açıblar. Amma slovaklar fasilədən sonra məğlubiyyətdən xilas ola biliblər. Beləcə, “Keşlə” Türkiyə toplanışını heç-heçə ilə başa vurub və sabah Bakıya qayıdacaq.

“Keşlə” Antalyada keçirdiyi əvvəlki yoxlama oyunlarında Almaniyanın “Zvikkau” klubuna 1:4, Rusiya “Arsenal”ına isə 1:2 hesabıyla uduzmuşdu.

Yoxlama oyunu
24 yanvar

Keşlə – Zemplin 1:1
Türkiyə, Antalya.

Futbolinfo.az xəbər verir ki, La Liqa təmsilçisi “Rayo Valyekano”dan Adrian Embarbanı heyətinə qatıb.

Bu barədə “Espanyol”un rəsmi saytı məlumat yayıb. 27 yaşlı yarımmüdafiəçi ilə müddəti 2024-cü ilin yayına qədər olan müqavilə imzalanıb.

“Espanyol” ispan futbolçu üçün “Rayo Valyekano”ya 10 milyon avro ödəyib.

Embarba bu mövsüm “Rayo Valyekano” formasıyla Sequndada 23 oyunda 7 qol vurub və 11 məhsuldar ötürmə edib.

Futbolinfo.az xəbər verir ki, qış fasiləsindən sonrakı ilk turun oyunları iki günü əhatə edəcək.

Bütün görüşlər “CBC Sport” kanalı vasitəsi ilə canlı yayımlanacaq.

Azərbaycan Premyer Liqası
15-ci tur
1 fevral

Zirə – Sabah
Zirə İdman Kompleksinin stadionu, 15:00

Neftçi – Sumqayıt
8-ci km stadionu, 17:30

2 fevral

Qəbələ – Keşlə
Qəbələ şəhər stadionu, 15:00

Səbail – Qarabağ
“ASCO Arena”, 17:30.

Futbolinfo.az xəbər verir ki, Turin təmsilçisinin müdafiəçisi Danilo sıradan çıxıb. Bu barədə İtaliya mətbuatı məlumat yayıb.

İtaliya kubokunun 1/4 final mərhələsinin “Roma” ilə keçirilən matçında (3:1) zədələnən braziliyalı futbolçu, iki həftə yaşıl meydanlardan uzaq qalacaq.

Bu mövsüm A Seriyasında 10 oyuna çıxan Danilo, bir qolla yadda qalıb.

Futbolinfo.az xəbər verir ki, A Seriyası təmsilçisi “Napoli”dən Lorentso Tonellini heyətinə qatıb.

Bu barədə “Sampdoriya”nın rəsmi saytı məlumat yayıb. 30 yaşlı müdafiəçi mövsümün sonuna qədər “Sampdoriya”nın formasını geyinəcək.

“Ağ-göylər” mövsümün sonunda 2,5 milyon avro ödəməklə Tonellinin transfer hüquqlarına sahib ola bilər.

2016-cı ildən “Napoli”də çıxış edən müdafiəçi, ötən mövsümü də icarə əsasında “Sampdoriya”da keçirmişdi.

Futbolinfo.az xəbər verir ki, bu, “Monako”nun hücumçusu Vissam Ben Yedderdir. Bu barədə turnirin mətbuat xidməti məlumat yayıb.

Ben Yedder dekabrda Liqa 1-də iştirak etdiyi 4 oyunda 4 qol və 1 məhsuldar ötürmə ilə yadda qalıb. Hücumçu həm də, 14 qolla çempionatın bombardiridir.

Futbolinfo.az klubun saytına istinadən xəbər verir ki, “qırmızılar”ın hücumçusu Sadio Mane zədələnərək, meydanı erkən tərk edib.

Oyunun 33-cü dəqiqəsində Takumi Minamino ilə əvəzlənən seneqallı futbolçunun vəziyyətinə tibbi müayinədən sonra aydınlıq gələcək. Komandanın baş məşqçisi Yurgen Klopp futbolçunun vəziyyəti ilə bağlı bunları deyib:

“Zədənin dəqiq nə olduğunu bilmirik. Problem əzələdədir. Hazırda Manenin vəziyyətini bilmirik, tibbi müayinəni gözləməliyik”.

Futbolinfo.az xəbər verir ki, Ağdam klubunun yeni transferi Ovusu Kvabena da dünən komanda ilə ilk məşqinə çıxıb.

Qanalı hücumçu Azərbaycan çempionuna keçidi haqda “Qarabağ”ın rəsmi saytına açıqlama verib.

“Qarabağ”la 3,5 illik müqavilə imzalayan 22 yaşlı hücumçu bunları söyləyib:

“Qarabağ”a gəldiyim üçün xoşbəxtəm. Çempionlar Liqası və Avropa Liqasında çıxış edən bir klubda oynamaq arzum idi. Ümid edirəm ki, burda hər şey mənim üçün yaxşı olacaq. Azərbaycanın 6 dəfə ardıcıl çempion olan komandasına gəldiyimi və azarkeşlərin məndən çoxlu qollar gözlədiyini yaxşı başa düşürəm. Əlimdən gələnin ən yaxşısını edəcəm.

“Qarabağ”dan təklif gələndə burda heç kimi tanımırdım. Bilirdim ki, iki il öncə Çempionlar Liqasında çıxış edib. Və belə klubda oynamaq mənim üçün arzu idi, təklif gələndə çox sevindim. Gənc futbolçuyam və bu təklif mənim üçün əla imkandı.

Öz şəxsi hədəfim haqda heç nə deməyəcəm, məncə, ən yaxşısı elə meydanda göstərməkdi. Bilirəm, azarkeşlər indi fikirləşir ki, mən necə futbolçuyam. Ümid edirəm ki, oyunumla özümü onlara sevdirəcəm”.