“Ayaks” baş məşqçisini istefaya göndərdi

“Ayaks” baş məşqçisini qovdu. Dünən növbəti uğursuz matçını keçirən amsterdamlılar çıxış yolunu Alfred Şröyderi istefaya göndərməkdə gördü.

Futbolinfo.az xəbər verir ki, “Ayaks” dünən evdə “Volendam”la heç-heçə (1:1) etməklə 5-ci pilləyə endi. Lider “Feyenoord”dan 7 xal geri düşən komandanın oyununda da ciddi geriləmə his olunur. Düzdür, yayda bir çox futbolçuların satılmasından sonra bu aqibət haradasa gözlənilən idi. Amma Niderland klubu rəhbərliyi məşqçinin uğursuz işlədiyini düşünür.

Yayda “Brügge”ni tərk edib “Ayaks”a gələn 50 yaşlı mütəxəssis yeni klubunda 25 matçın yarıdan çoxunda qələbəyə həsrət qaldı. 6 heç-heçə və 7 məğlubiyyəti ona bağışlamadılar.