Ölkə futbolu
Aydının Tovuza köçməsinin əsas səbəbi
“Həm “Sumqayıt”la, həm “Turan Tovuz”la danışıqlar oldu. Özüm üçün ən optimal variantı seçdim. Ayxan Abbasovla yenidən işləmək istəyi də seçimimdə rol oynadı”. Bunu futbolino.az-a açıqlamasında “Sumqayıt”dan ayrılıb “Turan Tovuz”a keçən Aydın Bayramov deyib.
Qapıçı “Sumqayıt”da son zamanlar problem yaşaması və buna görə “gənclik şəhəri” təmsilçisindən ayrılması ilə bağlı gəzən xəbərlərə də münasibət bildirib: “Sumqayıt”da heç bir problemim olmayıb. Sadəcə, şəxsi qərarım idi. Düşündüm və belə qərara gəldim ki, “Turan Tovuz” daha yaxşı variantdır”.
Bayramov əyalət təmsilçisinin iki qapıçısı – Tərlan Əhmədli və Kamal Bayramovla mübarizəyə hazır olduğunu da sözlərinə əlavə edib: “İkisi də yaxşı qapıçıdır. Onlarla mübarizəyə hazıram. Oynamağımla bağlı qərarları baş məşqçi verəcək. Bu barədə hər şeyi düşünmüşəm”.
Gənc qolkiper “Turan Tovuz”un ildən-ilə daha yaxşı olacağına inandığını da bildirib: “Hər şey daha yaxşı olacaq. Komanda Premyer Liqaya təzə gəlib. Bundan sonra inkişaf edəcəyik”.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq