Digər idman növləri
Azərbaycan karateçilərindən AÇ-də 6 medal
Azərbaycan karateçiləri Kiprin Larnaka şəhərində keçirilmiş Yeniyetmə və Gənclərin 50-ci Avropa çempionatında 6 medal qazanıblar.
Futbolinfo.az xəbər verir ki, mükafatların üçü qızıl, biri gümüş, ikisi isə bürüncdür.
Aysu Əliyeva (59 kq) 16-17 yaşlı qız, Fərid Savadov (55 kq) oğlanlar, Əminağa Quliyev isə (60 kq) 21 yaşadək gənclər arasında Avropa çempionu olub. Gülay Orucova 14-15 yaşlı yeniyetmələrin mübarizəsində gümüş, eləcə də Rahim Əzim (70+) eyni yaş qrupunda, Hüseyn Məmmədli isə 21 yaşadək gənclərin yarışında bürünc medala sahib çıxıb.
Salman Salmanov (kata) 14-15 yaşlı yeniyetmələrdə, Fatima Məmmədova (-47 kq) isə onunla eyni yaş qrupunda kumite yarışlarının bürünc mükafatını əldən verib. Bu nəticə ilə Azərbaycan ümumi komanda hesabında 4-cü yeri tutub. 3 yaş qrupu üzrə 50-ci qitə çempionatında 48 ölkədən 1114 karateçi iştirak edib.
Azərbaycan Milli Karate Federasiyasının prezidenti və Avropa Karate Federasiyasının İdarə Heyətinin üzvü Yaşar Bəşirov idmançıların mükafatlandırılma mərasimində iştirak edib.
- Dünya futbolu2024-01-20 19:57
İsgəndərli Türkiyədə ilk qələbəsinə sevindi
- Premyer-liqa2024-01-20 12:00
Premyer Liqada qış bazarlığı – YENİLƏNİR
- Ölkə futbolu2024-01-19 15:08
19 il öncəki tarixi qələbənin iştirakçısı: “Uduzmağa haqqımız yox idi”
- Ölkə futbolu2024-01-19 13:15
Ramilin Türkiyədə növbəti cəhdi