Dünya futbolu
“Borussiya” – “Mançester Siti” matçının yeri dəyişdirildi
Futbol üzrə UEFA Çempionlar Liqasının 1/8 final mərhələsi çərçivəsində Almaniyanın “Borussiya” (Münhenqladbax) və İngiltərənin “Mançester Siti” klubları arasında keçiriləcək ilk oyunun yeri dəyişdirilib.
Futbolinfo.az xəbər verir ki, qarşılaşmanın Macarıstanın paytaxtı Budapeştdəki “Puşkaş Arena”da keçiriləcəyi açıqlanıb. Bu barədə UEFA-nın rəsmi saytı məlumat yayıb.
Qitə futbol qurumunun belə qərar verməsinin səbəbi koronavirus pandemiyasının yaratdığı problemlərdir. Məsələ burasındadır ki, pandemiya ilə əlaqədar Almaniya və İngiltərə arasındakı beynəlxalq uçuşlar dayandırılıb.
Qeyd edək ki, “Borussiya” – “Mançester Siti” matçı fevralın 24-də baş tutacaq.
Xatırladaq ki, UEFA daha öncə ÇL-in 1/8 final mərhələsi çərçivəsində İngiltərənin “Liverpul” və Almaniyanın “Leypsiq” klubları arasında keçirilməli olan qarşılaşmanın da Budapeştdə keçirilməsinə qərar vermişdi. Həmin oyun da fevralın 16-da “Puşkaş Arena”da baş tutacaq.
Bu iki oyundan əlavə, ÇL-in 1/8 final mərhələsi çərçivəsində İspaniyanın “Atletiko” və İngiltərənin “Çelsi” klubları arasında keçiriləcək ilk matçın da yerinin dəyişdirildiyi iddia olunur. Bu qarşılaşmanın da əvvəlcədən nəzərdə tutulduğu kimi Madriddə yox, Rumıniyanın paytaxtı Buxarestdə keçiriləcəyi bildirilir. Lakin UEFA hələlik bunu rəsmi olaraq açıqlamayıb. Qarşılaşma fevralın 23-də baş tutacaq.
- Müsahibə2024-02-06 16:00
“Azərbaycan vətəndaşı olmaq istəyirəm” – “Turan Tovuz”un Ayxanı
- Premyer-liqa2024-02-07 12:10
Premyer Liqada qış bazarlığı – YENİLƏNİR
- Ölkə futbolu2024-02-08 08:00
Limit oyunu: “Sumqayıt” – “Neftçi” matçının dəhşətli statistikası
- Ölkə futbolu2024-02-08 09:52
Rövnəq Abdullayev dönəmi bitir – onu Vaqif Sadıqov əvəz edəcək