Futbolinfo.az xəbər verir ki, hazırlıq baş məşqçi Ravşan Xocayevin rəhbərliyi altında Almaniyadan sonra Bakıda davam etdirilir.

Bakı Boks Mərkəzində təşkil olunan toplanışda yığmamızla yanaşı, Türkmənistan millisi də iştirak edir. Birgə məşqlər avqustun 22-də yekunlaşacaq.

Toplanış Bolqarıstanda keçiriləcək Avropa çempionatına hazırlıq xarakteri daşıyır.

Futbolinfo.az xəbər verir ki, bu barədə Bakı Şəhər Halqası məlumat yayıb.

Yarışın ən gənc iştirakçısı 12, ən yaşlı iştirakçısı isə 79 yaşındadır.

“Kürü keçək?! 5” açıq suda üzmə yarışı avqustun 8-də Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə Mingəçevirdə, Kür çayının sahilində təşkil olunacaq.

Qeyd olunub ki, turnir son illərdə Azərbaycanda açıq suda üzmə üzrə ən böyük kütləvi idman layihələrindən birinə çevrilib. Layihənin məqsədi sağlam həyat tərzinin təşviqi, su idman növlərinin təbliği, bu sahənin daha geniş yayılması və inkişafına töhfə verməkdir.

Mingəçevirdə beşinci dəfə təşkil ediləcək yarışa maraq 2022-ci ildən etibarən hər il artaraq bu il ən yüksək səviyyəyə çatıb. Bu il ilk dəfə yarış iki – 350 və 1000 metr məsafələr üzrə keçiriləcək. İştirakçılardan 111 nəfər 1000 metr, 505 nəfər isə 350 metr məsafədə mübarizə aparacaq.

Yarış kişilər və qadınlar arasında 12–17, 18–23, 24–35, 36–55, 56–70 və 71 yaşdan yuxarı olmaqla altı yaş kateqoriyası üzrə təşkil ediləcək. Hər yaş kateqoriyasında kişi və qadınlar arasında ilk üç yeri tutan iştirakçılar mükafatlandırılacaq.

Məlumata görə, cütlük Əbu-Dabidə keçirilən basketbol tədbirlərindən birində tanış olub. Tia Yurçiçin əvvəlki nikahından olan oğlu Domenik Kenny Smitə ingilis dilində yaxınlaşaraq söhbət edib və bu tanışlıq sonradan Smitlə Yurçiç arasında münasibətin yaranmasına səbəb olub.

Tia Yurçiç sosial şəbəkələrdə geniş izləyici auditoriyasına malik fenomendir və o, keçmiş basketbolçu Kris Uorrenlə nikahından Domenik adlı oğul övladına sahibdir. Bu nikah Yurçiç üçün üçüncü, Kenni Smit üçün isə ikinci boşanmadan sonrakı üçüncü evlilikdir. Smitin keçmiş həyat yoldaşı Qvendolin Osbornla nikahından iki övladı var.

Bu barədə Futbolinfo.az-a klubun mətbuat xidmətindən bildirilib.

Belaruslu blokçu ilə müqavilənin müddəti 2026/2027 mövsümünü əhatə edəcək.

Təcrübəli idmançı əslində karyerasını 2026-cı ildə Milanda keçiriləcək Qış Olimpiya Oyunlarından sonra bitirməyi planlaşdırırdı. Lakin 2025-ci ilin noyabrında məşq zamanı yıxılan Qut-Behrami dizinin ön çarpaz bağlarını qırıb və bu səbəbdən olimpiya mövsümünü tamamilə buraxmalı olub.

Qeyd edək ki, Lara Qut-Behrami Pekin-2022 Qış Olimpiya Oyunlarında supernəhəng slalom növündə qızıl medal qazanıb. O, həmçinin eniş və nəhəng slalom yarışlarında bürünc medalın sahibi olub. İsveçrəli xizəkçi karyerası ərzində iki dəfə dünya çempionu olub, Dünya Kubokunun mərhələlərində 48 qələbə qazanıb və iki dəfə Böyük Kristal Qlobusa sahib çıxıb.

Bu barədə Futbolinfo.az-a Azərbaycan Milli Antidopinq Agentliyindən (AMADA) bildirlib.

Layihənin əsas məqsədi gənc güləşçilərin peşəkar inkişafına dəstək vermək, onların texniki və taktiki hazırlığını gücləndirmək, məşqçilərin bilik və bacarıqlarını təkmilləşdirmək, təmiz idman dəyərlərini təşviq etmək, idman psixologiyası və performansın idarə olunması sahəsində maarifləndirməni artırmaqdır.

Bununla yanaşı, proqram müxtəlif ölkələrdən olan idmançılar arasında qarşılıqlı təcrübə paylaşımına, dostluq əlaqələrinin möhkəmlənməsinə və qarşılıqlı anlaşmanın güclənməsinə şərait yaradır.

Layihə çərçivəsində AMADA nümayəndələri iştirakçılar üçün antidopinq mövzusunda maarifləndirici seminar keçiriblər. Təlim zamanı antidopinq qayda pozuntuları, dopinq nəzarəti prosesi, qadağan olunmuş maddə və üsulların sağlamlığa mənfi təsirləri, eləcə də 2027-ci il yanvarın 1-dən qüvvəyə minəcək Ümumdünya Antidopinq Məcəlləsi və beynəlxalq standartlarda nəzərdə tutulan yeniliklər barədə ətraflı məlumat verilib.

İnteraktiv formada təşkil olunan seminarda iştirakçılar antidopinq mövzusuna həsr edilmiş viktorinada biliklərini sınayıblar. Fəallığı ilə seçilən iştirakçılara AMADA tərəfindən xatirə hədiyyələri təqdim olunub.

Seminarda 20 ölkədən 100-dək güləşçi və məşqçi iştirak edib.

Qurum bəyan edib ki, bu qərarı qətiyyən dəstəkləmir və Ukrayna boksunun maraqlarını, eləcə də beynəlxalq idmanın fundamental dəyərlərini müdafiə etməyə davam edəcək.

Xatırladaq ki, Dünya Boks Təşkilatı (World Boxing) bu il aprelin 29-da Rusiya və Belarus idmançılarına yalnız neytral status altında bütün yaş qruplarında keçirilən yarışlarda iştirak icazəsi vermişdi. Qərara əsasən, hər bir boksçu müstəqil qurumun yoxlamasından keçməli, bununla bağlı xərclər isə Rusiya və Belarusun milli federasiyaları tərəfindən ödənilməlidir.

İspaniyalı tennisçi, daha əvvəl imtina etdiyi Sinsinnati “Masters”indən sonra Uinston-Seylemdə keçiriləcək ATP 250 turnirinə vəsiqə almaq üçün müraciət etmək istəyir. Avqustun 23-dən 29-na qədər keçiriləcək  yarışda Alkaras uzun fasilədən sonra korta çıxmaq niyyətindədir. Bununla belə, ispaniyalı tennisçinin komandası hələlik ABŞ Açıq çempionatında iştirakla bağlı yekun qərar verməyib.

Xatırladaq ki, “US Open-2026” turniri avqustun 30-dan sentyabrın 13-dək təşkil olunacaq.

İspaniyalı sürücü 2027 və 2028-ci illəri əhatə edəcək yeni müqavilə qarşılığında mövsümə görə 40 milyon avro qazanmaq istəyir. Hazırda isə “Aston Martin” Alonsoya ildə 30 milyon avro əməkhaqqı ödəyir.

Qeyd edək ki, bir müddət əvvəl “Uilyams” Karlos Saynsa mövsümə 30 milyon avrodan çox maaş nəzərdə tutan yeni müqavilə təklif etmişdi. Prosesləri diqqətlə nəzarətdə saxlayan “Aston Martin” rəhbəri Edrian Nyui Alonsonun tələblərini dinləməyə hazırdır.

Futbolinfo.az xəbər verir ki, 4-cü turda İslandiya seçməsi ilə qarşılaşan Azərbaycan komandası məğlub olub – 74:77.

Qeyd edək ki, millimiz daha əvvəl Rumıniyaya 55:81, Portuqaliyaya 52:90, Niderlanda isə 72:79 hesabı ilə uduzub.

Bu nəticədən sonra A qrupunda İslandiya 7 xalla liderdir. Rumıniya və Portuqaliya seçmələri 6 xalla ikinci-üçüncü pillələri bölüşür. Niderland və Azərbaycan yığmalarının aktivində isə 4 xal var.