Təşkilat komitəsinin rəhbəri Edqar Qrospironun sözlərinə görə, bu iki emblemin birliyi Alpların dağlarını və işığını rəmzləşdirərək vahid bir kimliyi formalaşdırır.

“Eyni dağ 2030-cu ildəki qış Olimpiya və Paralimpiya oyunlarını birləşdirəcək. Məhz buna görə də bizim hər iki emblemimiz eyni baxış bucağının bir-birini tamamlayan ifadələri kimi düşünülüb. Onlar birlikdə bizim cəhdlərimizi təcəssüm etdirir: olimpizm və paralimpizmə eyni yeri, gücü və təsəvvürü vermək.

Biz böyük tədbirlər təşkil etməyi bacarırıq. Bunu artıq sübut etmişik. Bizim təcrübəmiz, insanlarımız və infrastrukturumuz var”, – deyə Qrospiron bildirib.

“Alplar-2030” qış Olimpiya və Paralimpiya oyunlarının emblemlərində dağlıq bölgələrin iki elementindən — işıq və buzdan ilhamlanan rəng çalarlarının qamasından istifadə olunub. Tünd göy və mavi rənglər hündürlüyü, dərinliyi, sabitliyi və üfüqü xatırladır.

Qırmızı və çəhrayı isə günəş işığının dağ zirvələrini isitdiyi və mənzərəyə can verdiyi anları yenidən canlandırır. Onlar həm tədbirin enerjisini, həm də idman ruhunu təmsil edir”, – deyə Təşkilat komitəsinin izahatında qeyd olunur.

Futbolinfo.az xəbər verir ki, iki gün davam edəcək tədbirə Beynəlxalq Olimpiya Komitəsinin (BOK) prezidenti Kristi Koventri, Avropa Olimpiya Komitələrinin prezidenti Spiros Kapralos və digər ölkə MOK-larının rəsmiləri qatılıblar. Baş Assambleyada bir çox məsələlər haqqında müzakirələr aparılacaq.

İclasın ilk günündə Türkiyədə keçiriləcək İstanbul-2027 Avropa Oyunlarına hazırlıqla bağlı fikirlər səsləndiriləcək, həmçinin Milan-Kartino XXV Qış Olimpiya Oyunlarının və Milli Olimpiya Komitələri Assosiasiyasının (MOKA) hesabatı dinləniləcək.

Baş Assambleya zamanı həmçinin “Ən yaxşı avropalı gənc atlet” üçün nəzərdə tutulan 14-cü “Pyotr Nurovski” mükafatı və Avropa Olimpiya Komitəsinin “Xidmətlərinə görə” ordeninə layiq görülmüş şəxslərin mükafatlandırılma mərasimi də keçiriləcək.

Assambleyanın ikinci günündə Avropa Olimpiya Komitəsinin “Olimpiya çələngi” mükafatı öz sahibinə təqdim olunacaq. Bundan başqa, iclasda Braşov-2027 XVIII Qış Avropa Gənclər Olimpiya Festivalı və Linyano-Sabbiadoro-2027 XIX Avropa Gənclər Yay Olimpiya Festivalı və AOK-un komissiyasının hesabatları, WADA-nın tibb və antidopinqlə bağlı hesabatları dinləniləcək. İclasda 2027-ci ildə Monakoda keçiriləcək Kiçik Avropa Dövlətlərinin Oyunları ilə bağlı təqdimat və yeniliklərlə bağlı müzakirələr aparılıb.

İclasın sonuncu günündə AOK-un 56-cı Baş Assambleyasının Türkiyənin İstanbul şəhərində keçiriləcəyi elan olunacaq.

Futbolinfo.az xəbər verir ki, Olimpiada məktəblilər arasında idmanın inkişafı, sağlam həyat tərzinin təşviqi, fiziki hazırlığın yüksəldilməsi və istedadlı gənclərin üzə çıxarılması məqsədi daşıyır.

İştirakçılar ağırlıqqaldırma, atletika, badminton, basketbol, boks, cüdo, yunan-Roma güləşi, sərbəst güləş, bədii gimnastika, stolüstü tennis, taekvondo və velosiped idmanında yarışacaqlar. Ümumilikdə ölkəmizin 59 rayon və şəhərini 2000-dən çox məktəbli təmsil edəcək. Olimpiadada iştirak edəcək məktəblilər Elm və Təhsil Nazirliyinin, Gənclər və İdman Nazirliyinin tabeliyində, həmçinin Naxçıvan Muxtar Respublikasında fəaliyyət göstərən uşaq-gənclər idman məktəblərinin yetirmələridir.

Məktəblilərin Respublika İdman Olimpiadasının açılış mərasimi iyunun 20-də Bakı Kristal Zalında keçiriləcək. Yarışlar 21-26 iyun tarixlərini əhatə edəcək.

Şirkət 2025-ci il hesabat dövrünə aid 100.7 milyon vergi ödəyib. Bu məbləğdən hesablanmış sadələşdirilmiş və mənfəət vergisi məbləği 83.3 milyon manat təşkil edib. Qeyd edək ki, 2024-cü ildə bu göstərici 70.3 milyon manat olub.

2025-ci ildə “Azərlotereya”nın satışdan gəlirləri 373,70 milyon manat təşkil edib. Lotereya iştirakçıları üçün ayrılmış uduş fondunda artım müşahidə olunub. Bununla yanaşı, şirkətin xalis mənfəəti 73,9 milyon manat təşkil edib.

2025-ci il ərzində şirkət 4,8 milyon manat məbləğində investisiya edərək uzunmüddətli aktivlərini 44,6 milyon manatdan 49,4 milyon manata yüksəldib. O cümlədən, “Azərlotereya”nın 2025-ci ilin sonu cəmi aktivləri 130,4 milyon manat təşkil edib. Şirkətin 2024-cü ilin sonunda cəmi aktivləri 115,1 milyon manat olub.

“Azərlotereya”nın cəmi kapitalı 31 faiz artaraq 50,7 milyon manata çatıb. Hesabatla daha ətraflı “Azərlotereya”nın saytından tanış ola bilərsiniz.

Futbolinfo.az xəbər verir ki, bu barədə Gənclər və İdman Nazirliyi məlumat yayıb.

Siyahıya apreldə Albaniyanın paytaxtı Tiranada keçirilmiş Avropa çempionatında qızıl medal qazanan yunan-roma güləşçisi Həsrət Cəfərov (480 xal) başçılıq edir.

Yarışın digər qızıl mükafatçısı, sərbəst güləşçi Giorgi Meşvildişvili (460 xal) ikinci pillədə qərarlaşıb. Qitə birinciliyində gümüş medal qazanan sərbəst güləşçi Arseniy Djioyev (420 xal) ilk “üçlüy”ü qapayır.

Növbəti sıralarda Zelim Kotsoyev (cüdo, 390 xal), Səidcəmşid Cəfərov (boks, 350 xal), Elcan Hacıyev (cüdo, 340 xal), Murad Əhmədiyev (yunan-Roma güləşi, 330 xal), Zelim Tçkayev (cüdo, 320 xal), Ülvü Qənizadə (yunan-Roma güləşi, 300 xal) və Nurəddin Novruzov (sərbəst güləş, 270 xal) yer alıblar.

Futbolinfo.az xəbər verir ki, “İçərişəhər” Dövlət Tarix-Memarlıq Qoruğu İdarəsinin təşkilatçılığı, “Neftçi” İdman Klubu və “ADA Primary School”un tərəfdaşlığı ilə keçirilən şənlik uşaqlar üçün əsl bayram coşqusunun yaşandığı rəngarəng bir məkana çevrilib. Gün ərzində maraqlı oyunlara, idman yarışlarına və musiqili şoulara qatılan balacalar həm maraqlı vaxt keçirib, həm də fərqli interaktiv fəaliyyətlərdə fəal iştirak ediblər.

Qoruq ərazisində yaradılan idman, yarış və yaradıcılıq zonalarında uşaqlar minifutbol, basketbol, penalti turnirlərində və şahmat yarışlarında güclərini sınayıb, reaksiya oyunları ilə komandalararası müsabiqələrə qoşulublar. Böyük maraqla qarşılanan üzboyama, topların rənglənməsi və sənətkarlıq emalatxanalarında isə balacalar öz xəyal dünyalarını əks etdirmək imkanı qazanıblar. Animatorların çıxışları, hodulist şouları, DJ performansı, əl işlərindən ibarət sərgi və canlı orkestrin ifaları bayramın coşqusunu daha da artırıb. Bunlarla yanaşı, şənlik boyu fəaliyyət göstərən xüsusi iaşə zonasında uşaqlara sevdikləri bayram təamları təqdim olunub.

Tədbirə qatılan tanınmış idmançılar – “Neftçi” İdman Klubunun təmsilçiləri – cüdo üzrə Olimpiya, dünya və dördqat Avropa çempionu Hidayət Heydərov, sərbəst güləş üzrə üçqat dünya və dördqat Avropa çempionu Hacı Əliyev uşaqlarla görüşərək onlarla xatirə şəkilləri çəkdirib, imza mərasimində iştirak edib və onlarla motivasiyaedici tövsiyələrini bölüşüblər.

Bu məbləğə onun “Mançester Siti” ilə əmək müqaviləsi, reklamları və ictimaiyyət qarşısında çıxışları daxildir.

“Forbes”in 2026-cı ildə 25 yaşa qədər ən çox qazanan 6 idmançısı:

Erlinq Haland (futbol) – 80 milyon dollar

Entoni Edvards (basketbol) – 69 milyon dollar

Karlos Alkaras (tennis) – 61,5 milyon dollar

Vinisius Junior (futbol) – 60 milyon dollar

Keyd Kanningem (basketbol) – 58,6 milyon dollar

Yannik Sinner (tennis) – 54,6 milyon dollar

Futbolinfo.az xəbər verir ki, mərasimdə Milli Olimpiya Komitəsinin vitse-prezidentləri Çingiz Hüseynzadə, Zemfira Meftahətdinova, Fərid Mansurov, AzƏOK sədri, AƏOH-un İcraiyyə Komitəsinin üzvü Xəzər İsayev, millət vəkilləri, MOK-un İcraiyyə Komitəsinin, eləcə də Atletlər Komissiyasının üzvləri, olimpiya mükafatçıları, tanınmış idmançılar və idman ictimaiyyətinin nümayəndələri iştirak ediblər.

Əvvəlcə Avropa Olimpiya Komitələri (EOC) prezidenti Spiros Kapralosun Avropa Ədalətli Oyunlar Hərəkatına ünvanladığı, ədalətli oyun prinsiplərinin inkişafı və təşviqinə dair video müraciəti nümayiş olunub. Tədbirdə çıxış edən Çingiz Hüseynzadə Milli Olimpiya Komitəsində Ədalətli Oyunlar Komissiyasının artıq 28 ildir fəaliyyət göstərdiyini xatırladıb:

“Böyük fəxr hissi ilə qeyd etmək istəyirəm ki, Azərbaycanda Ədalətli Oyunlar Komissiyası Avropada ilk yaranan komissiyalardan biridir. 28 il əvvəl – 1998-ci ildə Milli Olimpiya Komitəsinin prezidenti, cənab İlham Əliyevin təşəbbüsü ilə MOK-da ilk belə komissiya yaradılıb. Son illərdə bu mükafatlar Dünya Ədalətli Oyun Günü ərəfəsində təqdim edilir. İdmanda ədalətli oyun və feyr pley prinsipləri ən vacib məsələlərdən biridir. İdman sahəsində ədalətli oyunlar prinsipi vacib məsələlərdən biridir. Çünki ədalətsiz idman idman deyil. Son illərdə beynəlxalq Olimpiya Hərəkatında “Təhlükəsiz idman” anlayışı da geniş yayılıb. Bu anlayış idmançıların hüquqlarının qorunmasına, onların zədələrdən və ədalətsizlikdən müdafiəsinə xidmət edir. Bundan əlavə, ədalətli oyunda hakimliyin rolu da böyükdür. Hakimliyin obyektiv və ədalətli olması son dərəcə vacibdir. Bütün bunlar saf idmanın insanlığa xidmət etməsinə yönəlmiş amillərdir. İdmanın gözəlliyi də məhz onun ədalətindədir. Hər kəsi Dünya Ədalətli Oyun Günü münasibətilə təbrik edirəm”.

Sonra Avropa Ədalətli Oyunlar Hərəkatının İcraiyyə Komitəsi üzvlərinin və Azərbaycan idmançılarının ədalətli oyun prinsiplərinə dair fikirlərini əks etdirən videoçarx təqdim edilib.

Ardınca çıxış edən Xəzər İsayev qeyd edib ki, MOK-un Ədalətli Oyunlar Komissiyası 1998-ci ildə Azərbaycan Prezidenti, Milli Olimpiya Komitəsinin prezidenti İlham Əliyevin təşəbbüsü ilə yaradılıb və bu günə qədər Avropa və Beynəlxalq Ədalətli Oyunlar Hərəkatı ilə sıx əməkdaşlıq edir:

“Biz Avropa və Beynəlxalq Ədalətli Oyunlar Komissiyaları ilə birgə işlər görürük. Artıq hər kəs Azərbaycanda idmanın ədalətlə idarə olunduğunun şahidi olub. Bu gün komissiya Avropa Ədalətli Oyunlar hərəkatında öz mövqeyini tutub. Beynəlxalq qurumun sonuncu İcraiyyə Komtitəsinin iclasında texniki komissiyanın Avropa üzrə rəhbəri vəzifəsinə Azərbaycan nümayəndəsi Aysel Sultanovanın təyin olunması da bunun bariz nümunəsidir”.

Tədbirdə çıxış edən millət vəkilləri Könül Nurullayeva və Eyvaz Qurbanov isə Ədalətli Oyun Gününün mahiyyətini vurğulayaraq, idmanda etik davranış, qarşılıqlı hörmət və dürüstlük kimi dəyərlərin təbliğinin əhəmiyyətindən danışıblar.

Tədbirin sonunda Milli Olimpiya Komitəsinin Ədalətli Oyunlar Komissiyasının 2025-ci ilin yekunlarına əsasən təsis etdiyi mükafatlar sahiblərinə təqdim olunub.

“Ədalətli oyun prinsiplərinə sadiq bədən tərbiyəsi və idman xadimi” nominasiyası üzrə Azərbaycan Taekvondo Federasiyasının vitse-prezidenti Hikmət Səmədov, “Ədalətli oyun prinsiplərinə sadiq idmançı” nominasiyası üzrə ikiqat Paralimpiya çempionu Lamiyə Vəliyeva, “Ədalətli oyun prinsiplərinə sadiq məşqçi” nominasiyası üzrə güləş məşqçisi Cəbrayıl Həsənov, “Ədalətli oyun prinsiplərinə sadiq hakim” nominasiyası üzrə Avropa kubokları və Avropa çempionatlarında hakimlik etmiş voleybol hakimi Fuad Ağayev, “Ədalətli oyun prinsiplərinin ən yaxşı təbliğatçısı” nominasiyası üzrə isə ATV telekanalının əməkdaşı Sənan Şəfizadə mükafata layiq görülüblər.

Qaliblər Azərbaycan Milli Olimpiya Komitəsinin Ədalətli Oyunlar Komissiyası üzvlərinin rəyi, eləcə də MOK və idman federasiyalarının nümayəndələri arasında keçirilən sorğunun nəticələri əsasında müəyyən edilib.

Komissiya tərəfindən həmçinin “25 illik yubileyi və Ədalətli Oyunlar Hərəkatının təbliğindəki fəaliyyətinə görə” Olimpiya dünyası qəzetinə xüsusi mükafat təqdim olunub. Ardınca qəzetin 25 illik fəaliyyəti və feyr pley dəyərlərinin təbliğinə həsr olunmuş videoçarx nümayiş etdirilib.

Tədbirdə həmçinin AzƏOK sədri, AƏOH-un İcraiyyə Komitəsinin üzvü Xəzər İsayevə Beynəlxalq Ədalətli Oyunlar Komitəsinin “Ədalətli Oyun Karyerası” nominasiyası üzrə diplomu, eləcə də Paris-2024 Yay Paralimpiya Oyunlarının gümüş mükafatçısı Qaşim Maqomedova Avropa Ədalətli Oyunlar Hərəkatının “Ədalətli Oyun ruhu” mükafatı MOK-un vitse-prezidenti Çingiz Hüseynzadə, millət vəkilləri Eyvaz Qurbanov və Könül Nurullayeva tərəfindən təqdim edilib.

Tədbirin sonunda xatirə şəkli çəkdirilib.

Qeyd edək ki, 19 may dünyada “Dünya Ədalətli Oyun Günü” kimi qeyd olunur. BMT Baş Assambleyasının 1 iyul 2024-cü il tarixli qətnaməsinə əsasən bu tarix rəsmən elan edilib və idmanda ədalətli oyun prinsiplərinin qlobal səviyyədə təşviqinə həsr olunur. Bu il Dünya Ədalətli Oyun Günü ilə bağlı əsas beynəlxalq mərasim Beynəlxalq Ədalətli Oyunlar Komitəsi və Avropa Ədalətli Oyunlar Hərəkatının birgə təşkilatçılığı ilə Belçikanın paytaxtı Brüssel şəhərində keçiriləcək.

Müsabiqədə iştirak etmək üçün müraciət və ona əlavə edilən sənədlər elektron formada mib.media.gov.az portalı vasitəsilə Azərbaycan Respublikasının Medianın İnkişafı Agentliyinə təqdim edilir. Bu haqda qurumun saytı məlumat yayıb.

Müsabiqənin əsas şərti müsabiqə elan olunan günədək son 3 aylıq dövr ərzində dərc olunmuş və ya yayımlanmış materialı təqdim etməkdir.

Müsabiqəyə təqdim edilən materiallar:

Jurnalist müsabiqə elan olunan günədək son 3 (üç) aylıq dövr ərzində çap mediası və onlayn media subyektində dərc olunmuş hər hansı bir yazısını aşağıdakı nominasiyalardan yalnız biri üzrə müsabiqəyə təqdim edir:

– ən yaxşı reportaj;

– ən yaxşı ictimai-siyasi təhlil;

– ən yaxşı sosial-iqtisadi təhlil;

– ən yaxşı müsahibə;

– ən yaxşı mədəniyyət materialı;

– ən yaxşı köşə yazısı;

– ən yaxşı jurnalist araşdırması;

– ən yaxşı oçerk.

Jurnalist müsabiqə elan olunan günədək son 3 (üç) aylıq dövr ərzində audiovizual media subyektində yayımlanmış və həcmi (xronometrajı) ən çoxu 5 (beş) dəqiqə olan süjetini aşağıdakı nominasiyalardan yalnız biri üzrə müsabiqəyə təqdim edir:

– ən yaxşı ictimai-siyasi reportaj;

– ən yaxşı sosial-iqtisadi reportaj;

– ən yaxşı tematik (idman, mədəniyyət və s.) reportaj.

Materialların qiymətləndirilməsi Azərbaycan Respublikasının Medianın İnkişafı Agentliyi tərəfindən cəlb edilmiş 3 (üç) müstəqil ekspert tərəfindən həyata keçirilir.

Müsabiqənin yekununda yazılar üçün nəzərdə tutulmuş nominasiyaların hər biri üzrə 5 (beş) jurnalist, süjetlər üçün nəzərdə tutulmuş nominasiyaların hər biri üzrə isə 5 (beş) jurnalist və 5 (beş) operator qalib elan edilir və mükafatlandırılır.

Müsabiqəyə müraciət qəbulu 20 may 2026-ci il 18:00 tarixinədək davam edəcəkdir.

MEDİA – fərdi jurnalist müsabiqəsinin keçirilməsi qaydaları ilə buradan tanış ola bilərsiniz.

Müsabiqə qaydaları

Müraciət forması

Futbolinfo.az xəbər verir ki, dəyişikliklər həm dopinq pozuntularına tətbiq olunan sanksiyaları, həm də Terapevtik istifadə üçün istisna (Tİİ) prosedurlarını əhatə edir.

“Yeni qaydalara əsasən, nümunəsində qadağan olunmuş maddə aşkarlanan idmançı ilə bağlı işə xitam verilməsi üçün antidopinq təşkilatları əvvəlcədən WADA-nın təyin etdiyi müstəqil ekspertin rəyini almalı olacaq. Əks halda həmin qurum uyğunsuzluq riski ilə üzləşə bilər. Bundan başqa, şərti olaraq yarış və məşqlərdən kənarlaşdırılan idmançılar qərardan narazı qaldıqları halda əvvəlcə Səhiyyə Nazirliyinin tabeliyində fəaliyyət göstərən müstəqil İntizam Komitəsinə, daha sonra isə Beynəlxalq İdman Arbitraj Məhkəməsinə müraciət edə biləcəklər”, – AMADA-dan bildirilib.

Qaydalardakı digər mühüm yenilik diskvalifikasiya müddətləri ilə bağlıdır:

“Qadağan olunmuş maddənin orqanizmə necə daxil olduğunu və bunun nəticələrə təsir göstərmədiyini sübut edən idmançılar daha yüngül sanksiya ala biləcəklər. Pozuntunu etiraf edən və təklif olunan hüquqi nəticələrlə razılaşan şəxslər üçün də cəzanın müəyyən hissəsinin azaldılması nəzərdə tutulub. Yeni qaydalara əsasən, dopinq pozuntularına görə idmançılara təkcə diskvalifikasiya deyil, maliyyə cərimələri də tətbiq olunacaq. Eyni zamanda, milli federasiyaların antidopinq sahəsində öhdəlikləri sərtləşdirilib və qaydalara əməl etməyən qurumlara qarşı müxtəlif sanksiyalar nəzərdə tutulub”.

Qeyd olunub ki, WADA-nın Terapevtik İstifadə üçün İstisnalar üzrə Beynəlxalq Standartında (ISTUE) da bir sıra dəyişikliklər edilib:

“Yeni standartda Tİİ meyarları daha konkret formada müəyyənləşdirilib, retroaktiv müraciət prosedurları genişləndirilib və Tİİ komitələrinin fəaliyyəti ilə bağlı məxfilik, müstəqillik və qərar qəbuletmə mexanizmləri gücləndirilib. Bununla yanaşı, qərarların ADAMS sisteminə daxil edilməsi və müraciət müddətləri ilə bağlı daha dəqiq tələblər müəyyən olunub”.