Bu barədə klubun mətbuat xidməti məlumat yayıb.

Daha öncə “Sepahan”, “Ankara Keçiörengücü”, “Ferizaj”, “Dukaqjini” və “Səbail” kimi klublarda çıxış edən futbolçu artıq “Baku Sportinq”in uğurları üçün çalışacaq.

Çempionatda yeni mövsümə bu gün start veriləcək. “Baku Sportinq” ilk turda saat 17:00-da “Karvan-Yevlax”la qarşılaşacaq.

Klubun mətbuat xidmətinin yaydığı məlumata görə, komandanın ev oyunları Şamaxı Olimpiya Mərkəzinin stadionunda keçiriləcək. Xaçmaz Olimpiya İdman Kompleksinin stadionu 1-ci Liqa matçları üçün əlverişsiz hesab olunduğundan Şimal təmsilçisi bu addımı atıb.

Komanda ilk turda sabah “Gəncəbasar”ı qəbul edəcək.

Xatırladaq ki, Şamaxıdakı əsas stadionda Misli Premyer Liqa təmsilçiləri “Şamaxı” ev oyunlarını keçirir. Tezliklə “Araz-Naxçıvan” da bura köçməyi planlaşdırır.

I Liqa təmsilçisi Həmzəalı Mikayılovu mövsümün sonuna qədər icarəyə götürüb.

“Sabah”ın müdafiəçi 21 yaşadək futbolçulardan ibarət Azərbaycan millisinin da üzvüdür.

Futbolinfo.az xəbər verir ki, indiyə qədər 10 fərqli ölkədə çalışmış 37 yaşlı italiyalı mütəxəssis komandada müdafiə təşkilinə, eləcə də avrokuboklarda rəqiblərin təhlilinə cavabdehdir.

Zuddas “Euronews”a açıqlamasında məşqçi heyəti ilə futbolçular arasında anlaşmanın yüksək səviyyədə olduğunu söyləyib: “Valdas Dambrauskas üçün baş məşqçi kimi, bizim üçün isə məşqçilər heyəti olaraq ən böyük məmnunluq ondan ibarətdir ki, futbolçuların komandadakı prinsiplərimizi mənimsədiyini və onlara inandığını aydın şəkildə görə bilirik. Bəzən onlar qurduğumuz struktur daxilində həll yollarını özləri tapırlar. Oyunu anlama səviyyələri bizə daim fərqli strategiyalar və dəyişikliklər təklif etməyə imkan verir. Bu da getdikcə daha rəqabətədavamlı olmağımıza kömək edir”.

Qeyd edək ki, ötən mövsüm “qızıl dubl” edən “Sabah” Çempionlar Liqasının əsas mərhələsinə yüksəlib. Azərbaycan çempionu bu mərhələdə ilk oyununu sentyabrın 10-da səfərdə “Mançester Yunayted”ə qarşı keçirəcək.

Klub prezidenti bildirib ki, UEFA Çempionlar Liqasının əsas mərhələsinə gedən yol böyük xərclər deyil, analitika üzərində qurulub: “Biz “Moneyball” fəlsəfəsindən (məhdud resursla daha ağıllı qərarlar verərək, bazarın gözdən qaçırdığı dəyəri tapmaq yanaşması – red.) ilham aldıq. Bu fəlsəfə göstərdi ki, məlumatlardan və futbolçu seçimindən ağıllı istifadə klubun maliyyə imkanlarının yol verdiyindən daha yüksək səviyyədə rəqabət aparmasına kömək edə bilər”.

Bununla belə, Adıgözəlov üçün insan amili hər şeydən öndə gəlir: “Futbolçular aktiv və ya statistik göstəricilərdən əvvəl insandırlar. Biz oyunçulara yüksək səviyyəli məşq və yaşayış şəraiti yaratmağa, onlara və ailələrinə hörmətlə yanaşmağa çalışırıq”.

“Sabah”ın bütün heyətinin ümumi bazar dəyəri təxminən 16,65 milyon avroya bərabərdir. Bu rəqəm “Barselona”nın 1,1 milyard avroluq və “Mançester Yunayted”in 900 milyon avroluq heyət dəyərindən olduqca uzaqdır. Liqa mərhələsindəki rəqib “Napoli”nin mərkəz müdafiəçisi Benua Badişilinin “Çelsi”dən transferi üçün ödədiyi məbləğ Azərbaycan çempionunun heyətinin dəyəri ilə eynidir. Bundan həvəsdən düşməyən Maqsud Adıgözəlov zəhmətə inandığını vurğulayıb: “Çempionlar Liqası bu gün hər kəsin görə bildiyi nəticədir. Bizi xüsusilə qürurlandıran isə insanların 9 il ərzində görmədiyi sistem, mədəniyyət və bu nəticənin arxasında dayanan işdir”.

“Sabah”ın prezidenti Çempionlar Liqasının əsas mərhələsindəki mübarizəyə də özünəməxsus şəkildə fikir bildirib. Onun sözlərinə görə, uzunmüddətli perspektivdə əsas təsir futbolda heç nəyin əlçatmaz olmadığını anlamaqdır: “Stadionda oturub “Barselona” və ya “Borussiya”nın “Sabah”a qarşı oynamasına baxan bir oğlan və ya qız futbol haqqında fərqli xəyallar qurmağa başlaya bilər. Əgər bu nailiyyət daha çox uşağın futbola gəlməsinə, daha çox ailənin stadionlara üz tutmasına və Azərbaycan futboluna inamın artmasına səbəb olarsa, onda onun təsiri “Sabah”ın özündən də böyük olacaq”.

Qeyd edək ki, “Sabah” Liqa mərhələsində “Barselona”, “Borussiya” (Dortmund), “Napoli” və “Slaviya” ilə evdə, “Arsenal”, “Mançester Yunayted”, “Vilyarreal” və “Vikinq”lə səfərdə qarşılaşacaq. Azərbaycan çempionu ilk oyununu sentyabrın 10-da səfərdə “Mançester Yunayted”ə qarşı keçirəcək.

Futbolinfo.az xəbər verir ki, 31 yaşlı cinah oyunçusu qarşıda duran vəzifənin miqyasının həyəcan deyil, diqqət məsələsi olduğunu əlavə edib: “Qeyd etmələr artıq geridə qalıb. İndi bütün diqqətimizi qarşıdakı vacib və çətin oyunlara yönəltməyin vaxtıdır. Təsnifat mərhələsində komandanı sona qədər dəstəkləyən azarkeşlərə də təşəkkür edirik. Hətta Danimarka, İngiltərə, Finlandiya və Rumıniyada evimizdən çox uzaqda oynadığımız zaman belə tək deyildik. Xaricdə yaşayan həmvətənlərimizə minnətdarıq. Onlar stadionlara gəlib həmin oyunlarda bizi dəstəklədilər”.

Qeyd edək ki, “Sabah” Liqa mərhələsində ilk oyununu sentyabrın 10-da səfərdə “Mançester Yunayted”ə qarşı keçirəcək.

Futbolinfo.az xəbər verir ki, nəşr eyni zamanda Azərbaycan çempionunun baş məşqçisi Valdas Dambrauskasdan da açıqlama alıb.

ÇL-in əsas mərhələsinə yüksələn ilk Baltikyanı təmsilçisi ölkənin məşqçi nümayəndəsi olan 49 yaşlı mütəxəssis 2002-ci ildə Litva televiziyasında yayımlanan “Kim milyonçu olmaq istəyir?” verilişindəki iştirakı ilə hazırkı uğurunun əlaqələndirilməsinə münasibət bildirib. O, həmin verilişdə qazandığı pulla UEFA məşqçilik lisenziyası almaq üçün İngiltərəyə köçüb, “Fulhem”, “Brentford” və “Mançester Yunayted”in gənclər akademiyalarında çalışıb.

“Düşünürəm ki, televiziya viktorinası ilə bağlı bu hekayə bir qədər şişirdilir. Bəzən çətin olurdu. Çox çalışmalı idim və bəzən həm özüm, həm də ətrafımdakı insanlar şübhəyə düşəndə belə, özümə inanmalı olurdum. Mən bu nailiyyəti bir mərhələ kimi qəbul edirəm və inanıram ki, əsas olan keçilən yoldur. Qarşıda başqa arzular da var. Mən həqiqətən dayanmaq istəmirəm”, – deyə Dambrauskas bildirib.

O, Çempionlar Liqası ilə yanaşı, Misli Premyer Liqasındakı mübarizəyə də böyük önəm verəcəklərini deyib: “Hamı Çempionlar Liqasından danışır, amma orada oynamağımıza imkan yaradan Azərbaycan çempionatıdır. Diqqətimizi qorumağımız və keçirəcəyimiz hər oyuna hazırlaşmağımız çox vacibdir. Bizdə çox yaxşı beynəlxalq mühit var. Çox vaxt start heyətində 11 fərqli milliyyətdən olan futbolçulara yer veririk. Belə bir mühitdə fəlsəfəmizin əsaslandığı başlıca prinsip hörmətdir”.

Qeyd edək ki, “Sabah” Liqa mərhələsində “Barselona”, “Borussiya” (Dortmund), “Napoli” və “Slaviya” ilə evdə, “Arsenal”, “Mançester Yunayted”, “Vilyarreal” və “Vikinq”lə səfərdə qarşılaşacaq.

Futbolinfo.az saytının əldə etdiyi məlumata görə, qəsəbə təmsilçisi daha bir legionerin transferini yekunlaşdırıb. Xorvatiyanın “Riyeka” klubunun vingeri Dimitri Leqbo karyerasını Azərbaycanda davam etdirəcək.

Fil Dişi Sahilidən olan 25 yaşlı sol cinah oyunçusunun həm klubu, həm də özü ilə hərtərəfli razılıq əldə olunub. “Zirə”nin keçidi gün ərzində açıqlaması gözlənilir.

Leqbo “Riyeka”ya bu ilin əvvəlində Finlandiya “İnter”indən keçib və xorvatlarla müqavilə müddəti 2028-ci ilin yayına qədərdir. Afrikalı futbolçu 2021-2023-cü illərdə Ermənistanda “Ararat”ın formasını geyinib.

Qeydə alınan nəticələr belədir:

2 sentyabr 2026

“Zirə” – “Rekord”  2:0

Qollar:  №19. Əli Hüseynov (45, 68)

Baş hakim:  İlqar Əhmədov

Köməkçi hakimlər:   Ruslan Məmmədov, Anar Kərimli

Dördüncü hakim:  Məhəmməd Rəhimli

Hakim inspektor:  Ramil Diniyev

BFF nümayəndəsi: Məhərrəm Əliyev

“Neftçi” – “Ulduz”   2:1

Qollar: №5. Kənan Əzimov (16), №7. Ədalət Hüseynli (26) // №9. Yusif Əlizadə (48, pen.)

Baş hakim:  Fərid Quliyev

Köməkçi hakimlər:  Əhməd Əhmədsoy, Toğrul İbadov

Dördüncü hakim:  Niyaz Əhmədov

Hakim inspektor:  Ramil Diniyev

BFF nümayəndəsi: Ürfan Məmmədli

Sentyabrın 3-də keçiriləcək oyunların təqvimi

U-15  / VIII tur

  EFA  – “Qarabağ”

“Marafon” – “Sumqayıt”

“Qəbələ” – “Sabah”

Futbolinfo.az xəbər verir ki, klubun mətbuat xidmətinin açıqlamasında belə qeyd olunub:

“Yaxın gələcəkdə komandamızın Quba şəhərini təmsil edəcək olması bizim üçün böyük qürur və sevinc mənbəyidir.

Bu dəyişiklik təkcə klubun adının yenilənməsi deyil, həm də region futbolunun inkişafı, yerli istedadların üzə çıxarılması və Qubada futbol ənənələrinin daha da gücləndirilməsi baxımından yeni mərhələnin başlanğıcıdır”.

Xatırladaq ki, “Səbail”in “Quba”ya çevriləcəyi ilə bağlı ilk xəbəri “Futbolinfo” hələ 3 ay öncə xəbər vermişdi.