Dünya futbolu
Danilo daha iki il Turində qalacaq
“Yuventus” yeni imzaya hazırlaşır. Turinlilər Danilo ilə mövcud müqavilənin müddətini uzadacaq.
Futbolinfo.az xəbər verir ki, braziliyalı müdafiəçinin komandadan ayrılacağı gözlənilirdi. 2024-ci ilin yayına kimi olan futbolçunu gələn mövsüm azad agent kimi buraxmaq istəməyən “Yuventus”, oyunçu qalmaq istəməyəcəyi halda, mövsüm bitən kimi onu satacaqdı. Lakin danışıqlar müsbət nəticə verib və braziliyalı 2026-cı ilin yayında bitəcək yeni anlaşmaya razılaşıb.
Turinə 2019-cu ildə “Mançester Siti”dən gələn futbolçu ilə müqavilənin detalları həftə ərzində açıqlanmalıdı.