Müsahibə
De Byazi: “Hər kəsin maksimumu istəməsi mənə normal görünmür”
Futbol üzrə Azərbaycan millisinin baş məşqçisi təyin ediləcəyi gözlənilən Canni De Byazi müsahibə verib.
Futbolinfo.az xəbər verir ki, “panorama.com.al”a danışan mütəxəssis, milliyə təyinatı, gözləntiləri və s. məsələlər barədə danışıb:
– Niyə Azərbaycan millisini seçdiz?
– Albaniyadan daha çətin şəraitdə özümü sınamaq istədim. Ümumi olaraq, ən azından Millətlər Liqasında belə bir fürsətimizin olacağına inanıram. Qrup mərhələsi asan olmayacaq.
– Fərq dedikdə, nələri nəzərdə tutursuz?
– Çünki komandaya məşqçilik etməyim üçün çox az vaxtım var, hətta məşqlər belə yoxdur. Avqustun ilk günlərində Azərbaycana gedəcəm və sentyabrın 5-dən oyunlar başlayacaq. Buna görə də, komandada olacağını düşündüyüm futbolçularla danışmalı, onları tanımalıyam.
– Albaniya millisindəki uğuru təkrarlaya bilərsiz?
– Təbii ki, bunu istəyirəm, amma hər bir vəziyyət fərqlidir. Üstəlik, Albaniya millisində çalışmaq üçün daha çox zamanım vardı.
– Ansi Aqolli məşqçilər heyətində olacaq?
– Aqollini yanımda aparacağıma ümid edirəm. İlin sonuna qədər “Nyu-York Kosmos”la müqaviləsi var. Görək onu heyətimizə gətirə biləcəmmi? Bu, çox vacibdir, çünki o, Azərbaycan futbolunu yaxşı bilir və çox ciddi insandır. Aqollini çox bəyənirəm.
– Azərbaycan millisində Albaniyadakından fərqli nə edəcəksiz?
– Hər anı yaşayacam və müsbət nəticə əldə etmək üçün ən etibarlı futbolçuların kim olduğunu qısa zamanda tapmağa çalışacam.
– Albaniya millisini Avropa çempionatının final mərhələsinə çıxardığınız üçün sizdən dünya çempionatına vəsiqə qazanmaq tələb oluna bilər. Bu amil sizi təzyiq altına sala bilər?
– Hər kəsin maksimumu istəməsi mənə normal görünmür. Düşünürəm ki, indi əsl vacib olan Millətlər Liqasında qrupundan çıxmaqdır.
– Azərbaycandan ümumi gözləntiləriniz nədir?
– Daha çox taktiki diqqət və oyun zamanı topla daha sürətli hərəkət vacibdir.
- Müsahibə2024-02-21 12:22
Rahil dolu tribunalardan zövq alır: “Azərbaycandan gəldiyimi deyəndə qəribə baxırdılar”
- Ölkə futbolu2024-02-21 13:38
Qurban Qurbanov: “İlk oyunun hesabı bizi aldatmamalıdır”
- Ölkə futbolu2024-02-21 08:34
Zubir Şotlandiyaya qayıdır?
- Ölkə futbolu2024-02-22 09:40
“Yığmaya əcnəbi mütəxəssisin gətirilməsi pul itkisidir”