Bizi izləyin

Layihə

DÜNƏNDƏN SABAHA: Uşaq-gənclər futbolunun inkişafı üçün “Sabah” modeli

blank

Ölkədə uşaq-gənclər futbolunun inkişafı üçün çalışan azsaylı klublardan biri “Sabah”dı. Gənc paytaxt təmsilçisi Premyer Liqada mübarizə aparan əsas komandası kimi uşaq komandalarına da diqqət yetirir.

 

“Sabah” 2018-ci ildə Premyer Liqaya vəsiqə qazanarkə lisenziya şərtlərindən birinin həlli üçün vacib addım atdı. Futbol akademiyasının mövcudluğu ilə bağlı məsələnin həllində klubun “Vətən” Respublika İxtisaslaşdırılmış Olimpiya Ehtiyatları Uşaq Gənclər Futbol Məktəbi ilə əməkdaşlığı böyük rol oynadı. Hazırda akademiyada 10 yaş qrupu üzrə komanda fəaliyyət göstərir (U-9, U-10, U-11, U-12, U-13, U-14, U-15, U-16, U-17 və U-19).

 

“Vətən” Futbol Məktəbi uşaq futbolunda özünəməxsus yerə malikdi. Hər il Azərbaycanda uşaqlar arasında keçirilən müxtəlif çempionat və turnirlərin mükafatçıları arasında mütəmadi olaraq bu məktəbinin komandalarına təsadüf olunur. “Sabah” Futbol Akademiyası məhz bu məktəbin bünövrəsi əsasında quruldu. Yeni akademiya da “Vətən” in uğurlu yolunu davam etdirdi və qısa müddətdə uşaq futbolunda öz yerini tutdu.

 

2018/19 mövsümündə “Sabah” akademiyasının komandaları AFFA-nın bayrağı altında keçirilən liqalarda 6 medal qazandı – 3 qızıl (U-10, U-14, U-17), 2 gümüş (U-11, U-16) və 1 bürünc (U-15). Bu, ölkədə ən yüksək nəticə idi. Bundan əlavə, akademiyanın futbolçuları fərdi mükafatlara da layiq görüldülər. Tariel Fərzəli (U-11), Nicat Məmmədov (U-14) və Vüsal Qəmbərov (U-17) ən yaxşı oyunçu, Akif Allahverdiyev (U-10), Emin Həbibov (U-14) və Kamran Şabıyev (U-16) ən yaxşı qapıçı, İslam Həsənov (U-11) isə feyr-pley mükafatına sahib çıxdı. COVİD-19 pandemiyası ilə əlaqədar erkən dayandırılan 2019/20 mövsümündə isə “Sabah” Futbol Akademiyasının komandaları 1 qızıl (U-17) və 1 gümüş (U-19) medal qazandılar. Daha kiçik yaş qruplarında yarışların nəticələri ümumiyyətlə ləğv olunduğundan, “Sabah” 2019/20 mövsümünü 2 medalla başa vurmalı oldu. Burda diqqət çəkən məqamlardan biri “Sabah”ın U-19 komandasının çempionat dayandırılarkən lider “Qəbələ”dən cüzi fərqlə geridə qalması idi.

 

Təəssüf ki, pandemiya 2020/21 mövsümündə uşaq futboluna daha böyük ziyan vurdu. Belə ki, bu mövsümdə yalnız iki yaş qrupu üzrə yarışlara icazə verildi ki, o da liqa yox, məhz kubok şəklində keçirildi. “Sabah”ın U-17 komandası yarışın  1/4 finalında mübarizəni dayandırdı, U-19 isə yalnız finalda uduzdu. Bundan əlavə, “Sabah”ın təmsilçisi olan komandalar son illərdə ölkədaxili müxtəlif turnirləri dəfələrlə medallarla başa vurdular.

 

Azərbaycanda uşaq futbolunun əsas problemlərindən biri azyaşlıların beynəlxalq təcrübə baxımından əziyyət çəkməsidi. Belə ki, ölkədə fəaliyyət göstərən futbol akademiyalarının komandaları beynəlxalq turnirlərdə ya iştirak etmədiyindən, ya da çox az iştirak etdiklərindən azyaşlılar bu istiqamətdə “axsayırlar”. Kiçik yaşlarında kifayət qədər beynəlxalq oyun təcrübəsi qazanmayan azyaşlılar, yaşa dolduqdan sonra çıxdıqları beynəlxalq oyunlarda bunun əziyyətini çəkir. Əvvəllər bu istiqamətdə bir neçə futbol akademiyası fəallıq göstərsə də, maliyyə problemləri prosesin mütəmadiliyinin qarşısını aldı.

 

“Sabah” Futbol Akademiyası fəaliyyətə başladığı müddətdən indiyə kimi bu istiqamətdə müəyyən addımlar atıb. Fəaliyyətə başladığı il “Sabah”ın U-12 komandası Xorvatiyada təşkil olunan və bir neçə ölkə təmsilçisinin qatıldığı “Dalmatinko” kubokunda, bundan 1 il sonra isə U-14 komandası Gürcüstanın Tiflis şəhərində keçirilən “Audi Cup”da iştirak etdi. Tiflisdə “Sabah”ın azyaşlıları İtaliyanın “Verona”, İspaniyanın “Levante” kimi klublarından olan həmyaşıdları ilə qarşılaşdılar.

 

2019-cu ilin yayında isə “Sabah” Azərbaycan futbolu üçün böyük maraq doğuran əməkdaşlığa start verdi. Belə ki, “Sabah” Futbol Akademiyası nəinki Xorvatiyanın, Balkan ölkələrinin ən böyük futbol akademiyalarından birinə malik “Dinamo” Zaqreb Futbol Akademiyası ilə əməkdaşlıq müqaviləsi bağladı. Bu cür məşhur futbol akademiyası ilə əməkdaşlıq “Sabah”a böyük perspektivlər vəd edir.

 

Əməkdaşlıq müqaviləsinin detallarına əsasən, Bakı təmsilçisinin futbol akademiyası Zaqreb klubunun akademiyasının təcrübəsindən bəhrələnəcək. Bu əməkdaşlıq “Sabah”a yeni oyunçular yetişdirmək, klubun akademiyasının məşqçilərinin təcrübəsini artırmaq istiqamətində böyük imkanlar verəcək. Klublar arasında imzalanmış müqaviləyə əsasən, “Sabah” FA-nın və “Vətən” FM-nin sistemini “Dinamo” FA müəyyənləşdirəcək. Məhz Zaqreb təmsilçisinin akademiyasından cəlb olunmuş mütəxəssislər akademiyada yeni, Avropa standartlarına uyğun sistemin formalaşmasını təşkil edəcəklər.

 

“Sabah” və “Dinamo” arasında əməkdaşlıq bir neçə istiqaməti əhatə edir. 2019-cu ildə bağlanmış əməkdaşlıq müqaviləsinə əsasən, aşağıdakıların həyata keçirilməsi nəzərdə tutulmuşdu:

– “Dinamo” Futbol Akademiyasının mütəxəssisi Adino Mustedanaqiç “Sabah” Futbol Akademiyasının koordinatoru olacaq. O, yeni sistemin akademiyaya tətbiq edilməsinə birbaşa nəzarət edəcək.

– Mustedanaqiçlə yanaşı, fiziki hazırlıq üzrə mütəxəssis və bir məşqçi ilə müqavilə bağlanacaq. Hər 3 mütəxəssis ölkəmizdə yaşayaraq, akademiyada daimi fəaliyyət göstərəcəklər.

– Əməkdaşlıq çərçivəsində “Dinamo” FA-nın məşqçilərinin akademiyada çalışması, öz biliklərini yerli məşqçilərlə paylaşması planlaşdırılır.

– Akademiyanın uşaqları “Dinamo” FA-da təcrübə keçmək fürsəti qazanacaqlar.

– “Sabah”ın aşağı yaş qrupları “Dinamo”nun təşkil etdiyi nüfuzlu turnirlərdə iştirak etmək imkanı əldə edəcəklər. “Dinamo” FA-nın sistemi tədricən “Sabah” FA və “Vətən” FM-a  tətbiq ediləcək.

 

Əməkdaşlıq imzalandıqdan sonra müqavilədə qeyd olunduğu kimi, “Dinamo” Futbol Akademiyasının mütəxəssisi Adino Mustedanaqiç “Sabah” Futbol Akademiyasında baş koordinator kimi fəaliyyətə başladı. Bundan əlavə, müqavilədə vurğulandığı kimi, fiziki hazırlıq üzrə mütəxəssis və məşqçi (Mario Vudanoviç və İva Vudanoviç) akademiyaya cəlb edildi. Əməkdaşlıq çərçivəsində ilkin addımlar atıldıqdan sonra, bütün dünyada COVİD-19 pandemiyasının yayılması bu istiqamətdə işlərin davam etdirilməsinə mane oldu. Xüsusilə, “Sabah” FA-nın futbolçu və məşqçi heyətinin “Dinamo”da təcrübə keçməsi və komandaların bu ölkədəki turnirlərdə iştirakı müvəqqəti olaraq təxirə salındı.

 

Lakin hər iki akademiyanın əməkdaşlığında COVİD-19-la bağlı yaranmış durğunluqdan sonra bu il növbəti addımlar atıldı. Mövcud vəziyyətlə bağlı yaranmış imkanlar çərçivəsində əməkdaşlıq müqaviləsində yer almış müddəalar davam etdirilməkdədir. Digər 2 mütəxəssisdən fərqli olaraq, Adino Mustedanaqiç hazırda da akademiyanın baş koordinatoru olaraq öz işini davam etdirir.

 

Xorvat mütəxəssis “Dinamo” ilə təcrübə proqramının gələcəkdə də davam etdirləcəyini bildirir: “Dinamo” ilə “Sabah” arasında olan əməkdaşlığı çox müsbət dəyərləndirirəm. “Sabah” FA-nın 2 futbolçusu Həmzəalı Mikayılov və Xəyal Əliyev bir müddət öncə Zaqrebə, “Dinamo” Futbol Akademiyasına təcrübə proqramı çərçivəsində yollandılar. Bu, “Dinamo” ilə əməkdaşlıq müqaviləsinin bir parçasıdır. Futbolçular orda olduqları müddətdə “Dinamo” FA-nın müvafiq komandalarında məşq keçdilər, oyunlara çıxdılar. Fikrimcə, bu, həmin futbolçuların karyerasında əvəzsiz təcrübə oldu. Gələcəkdə başqa futbolçuların da bu cür təcrübə məqsədilə Zaqrebə yola salınması nəzərdə tutulub”.

 

“Sabah” ölkə daxilində seleksiya işlərinə də ciddi önəm verir. 2019-cu ilin sonlarında akademiyanın məşqçilər heyəti Azərbaycanın Saatlı, İmişli və Salyan rayonlarında seleksiya xarakterli məşqlər keçdilər. Klub rəsmi səhifələri vasitəsilə seleksiya məşqləri ilə bağlı əvvəlcədən məlumat da yaymışdı. Böyük marağa səbəb olan seleksiya xarakterli məşqlərin ardından bir neçə azyaşlı Bakıya, “Sabah”ın Futbol Akademiyasının məşqlərinə cəlb edilmişdi. Lakin “Dinamo” ilə əməkdaşlıqda olduğu kimi, bu istiqamətdə də COVİD-19-la yaratdığı məhdudiyyətlərə görə müvəqqəti fasilə yarandı.

 

Hazırda “Sabah” FA-nın komandalarından U-8, U-9, U-10, U-11 komandaları “Vətən” FM-nin bazasında, U-12, U-13, U-14 komandaları keçmiş “Neftçi” bazada, U-15, U-16, U-17 komandaları Bakı Olimpiya Stadionunun ehtiyat meydançalarında, U-19 komandası isə Binə qəsəbə stadionunda məşq keçirlər.

 

AĞA

blank
Reklam
Şərh et

Leave a Reply

Sizin e-poçt ünvanınız dərc edilməyəcəkdir.

blank
Ölkə futbolu2022-07-06 16:24

“Sabah”ın rəqibləri bəlli oldu

blank
Digər idman növləri2022-07-06 16:17

Madriddə Teymur Rəcəbova bürünc medalı Mahir Məmmədov təqdim etdi

blank
Ölkə futbolu2022-07-06 16:08

“Azərbaycanda hər kəs Ukraynanı dəstəkləyir” – Anatoli Nuriyev

blank
Dünya futbolu2022-07-06 15:40

“Qarabağ”ın rəqibi futbolçusunu Çexiya klubuna satdı

blank
Dünya futbolu2022-07-06 15:26

Super Liqa klubundan bir yeni transfer və yeni müqavilə

blank
Dünya futbolu2022-07-06 14:36

Futbolçulara məsləhət: Bu 7 ölkənin klublarına getməyin!

blank
Digər idman növləri2022-07-06 14:12

Ağır Atletika Federasiyasında yeni təyinatlar

blank
Dünya futbolu2022-07-06 13:45

Məşhur məşqçi “Əl-İttihad”da

blank
Dünya futbolu2022-07-06 13:04

“İnter”də yeni müdafiəçi

blank
Ölkə futbolu2022-07-06 12:42

“Zirə” ilə oyunadək görüləsi işlər çoxdur” – “Makkabi”nin baş məşqçisi

blank
Digər idman növləri2022-07-06 12:21

Cüdoçularımız Ankarada təlim-məşq toplanışında

blank
Ölkə futbolu2022-07-06 12:00

ÇL: Azərbaycan çempionu oyunlarını bu iki ölkədən birində keçirəcək

blank
Digər idman növləri2022-07-06 11:43

Azərbaycan atleti Fransada qızıl medal qazandı

blank
Dünya futbolu2022-07-06 11:22

Daha bir braziliyalı futbolçu Azərbaycandan təklif alıb

blank
Ölkə futbolu2022-07-06 11:10

“Zirə”nin Türkiyədə ikinci sınağı – YENİLƏNİR

blank
Müsahibə2022-07-06 11:05

Süleymanov cavab matçını gözləməyi məsləhət bilir: “Bu inamı “Qarabağ” öz oyunu ilə yaradıb”

blank
Digər idman növləri2022-07-06 10:40

Azərbaycan üzgüçüsü AÇ-nin finalında

blank
Ölkə futbolu2022-07-06 10:21

“Qarabağ” üstün olsa da, 100 faizlik qol şansı yox idi”

blank
Ölkə futbolu2022-07-06 10:00

“Lex”in kapitanı: “Qələbənin mükəmməl yolunu tapdığımızı hiss etdik”

blank
Ölkə futbolu2022-07-06 09:43

“Neftçi” Türkiyə klubuna qarşı – YENİLƏNİR

blank
Dünya futbolu2022-07-06 09:36

Çempionlar Liqasında daha 7 oyun – YENİLƏNİR

blank
Ölkə futbolu2022-07-06 09:00

Təşvişə düşmədən… “Sürix”i Bakıya gətirmək lazımdı

blank
Ölkə futbolu2022-07-06 02:02

“Onu uzun müddətdir izləyirdim” – Elmar Baxşıyev

blank
Ölkə futbolu2022-07-06 01:36

“Hər kəs meydanda qalib gəlmək istəyirdi” – “Lex”in baş məşqçisi

blank
Dünya futbolu2022-07-06 00:44

ÇL: “Malmö” və “Ludoqorets”dən qələbə

blank
Ölkə futbolu2022-07-06 00:29

Qurban Qurbanov: “Səfərdə hücum futbolu oynadıqsa…”

blank
Ölkə futbolu2022-07-05 23:51

“Qarabağ” “Lex”ə ilk oyunda məğlub oldu

blank
Dünya futbolu2022-07-05 23:31

KL: 1-ci təsnifat mərhələsi heç-heçələrlə başladı

blank
Dünya futbolu2022-07-05 23:06

“Fənərbaxça” “Qəbələ”nin rəqibini darmadağın etdi

blank
Dünya futbolu2022-07-05 22:32

“Zirə”nin rəqibindən yeni müqavilə və darmadağın

blank
Dünya futbolu2022-07-05 21:56

“Beşiktaş”da yeni hücumçu

blank
Dünya futbolu2022-07-05 21:21

“Mançester Siti”dən “Lids”ə

blank
Digər idman növləri2022-07-05 20:55

Məmmədyarov və Rəcəbov üçün Mayami sınağı

blank
Digər idman növləri2022-07-05 20:00

İslamiada: Azərbaycanın daha iki komandasının rəqibləri bəlli oldu

blank
Ölkə futbolu2022-07-05 19:24

“Qəbələ” Super Liqa klubuna uduzdu

blank
Dünya futbolu2022-07-05 19:14

Braziliyalı futbolçu Azərbaycandan təklif alıb

blank
Dünya futbolu2022-07-05 18:50

Belçika millisinin hücumçusu “Milan”da

blank
Ölkə futbolu2022-07-05 18:25

“Zirə” yeni transferini təqdim etdi

blank
Dünya futbolu2022-07-05 17:41

“Mançester Yunayted”dən yeni transfer

blank
Ölkə futbolu2022-07-05 17:20

“Qarabağ”ın futbolçusu “Zirə”də – Rəsmi

blank
Ölkə futbolu2022-07-05 17:00

Feras Abu Akal rəsmən “Qəbələ”də!

blank
Dünya futbolu2022-07-05 16:41

PSJ yeni baş məşqçisini rəsmən açıqladı

blank
Digər idman növləri2022-07-05 16:21

“İnanıram ki, hər iki yarışda uğurlu çıxış edəcəyik”

blank
Ölkə futbolu2022-07-05 16:00

İcra başçısı “Kəpəz” rəhbərliyi ilə görüşdü

blank
Dünya futbolu2022-07-05 15:40

“Qəbələ”nin rəqibində bir ciddi itki, bir yeni müqavilə

blank
Ölkə futbolu2022-07-05 15:21

“Lex”i Bakıda əsl cəhənnəm gözləyir”

blank
Dünya futbolu2022-07-05 15:00

Poçettino PSJ-dən getdi – Rəsmi

blank
Ölkə futbolu2022-07-05 14:43

Avrokuboklar üçün pul mükafatları açıqlandı

blank
Ölkə futbolu2022-07-05 14:20

“Səbail” 2 yoxlama oyunu keçirəcək

blank
Dünya futbolu2022-07-05 14:03

Fanatlar Prosineçkiyə görə yeni baş məşqçini mətbuat konfransından qovdu – VİDEO