Ölkə futbolu
“Gent”i məğlub etməyin yolunu göstərdi: “Fantastik deyillər”
“Qəbələ” və “Səbail”in sabiq futbolçusu Nikolas Raysel UEFA Konfrans Liqasının 1/16 final mərhələsində baş tutacaq “Qarabağ” – “Gent” oyunundan danışıb. Futbolinfo.az saytına açıqlama verən forvard Azərbaycan təmsilçisini daha şanslı sayıb.
Belçikada “Union”, “Ostende”, “Rozelar” klublarında çıxış etmiş, hazırda bu ölkənin “Dender” klubunda oynayan hücumçu “Genti” də analiz edib: “Bu iki komanda yaxşı futbol oynamağa çalışır. Çoxlu hücumlarla açıq futbol izləyə bilərik. “Qarabağ”ın səviyyəsi ortadadır. “Gent” də Belçikada hər mövsüm ilk “5-lik” üçün oynayır. Amma əminəm ki, “Qarabağ”ın qalib gəlmək və növbəti mərhələyə çıxmaq şansı çoxdur. “Gent” 3 müdafiəçi ilə oynayır. Cinahlarda da çoxala bilirlər. Uzun ötürmələrdən istifadə edib tez-tez cinah dəyişirlər. Yaxşı yarımmüdafiəçiləri var və istedadlı futbolçulara sahibdirlər. Lakin bütün bunlara baxmayaraq, “Qarabağ” təcrübəsi ilə qalib gələ bilər və Azərbaycan təmsilçisini daha şanslı sayıram. Belçikalılar yaxşı komandadır, amma fantastik deyillər. Onların bəzi çətinlikləri var. “Qarabağ” yaxşı hücumlar qurur, topu itirdikdən sonra pressinq edib onu alır. Sürətli şəkildə hücumlara çıxırlar. Onlar bu cür oynasalar, daha asan olacaq. 3 müdafiəli sistemə qarşı belə oyunu davam etdirmək lazımdır”.
- Müsahibə2024-02-02 11:07
Qurban Qurbanov: “Şəxsi maraqlara görə səhv qərar vermək olmaz”
- Premyer-liqa2024-02-02 15:51
Premyer Liqada qış bazarlığı – YENİLƏNİR
- Ölkə futbolu2024-02-02 08:00
“Qarabağ”ın yola saldıqları: Bütün istefalar çempiona darmadağından sonra reallaşıb
- Ölkə futbolu2024-02-03 13:16
Bojoviç “Srvena Zvezda”dan tanıdığı hücumçunu “Neftçi”yə gətirir