“Həftəboyu həmin məğlubiyyəti unutmağa çalışdıq” – “Zirə”nin futbolçusu

“Zirə”nin müdafiəçisi Slavik Alxasovun futbolinfo.az saytına müsahibəsi

• “Turan”la oyunda hesabda geri düşsəniz də, qalib gəldiniz. Matçla bağlı fikirlərin necədir?
• Çətin oyun olacağını bilirdik. Hava çox isdi idi, həm də süni meydança çətinlik yaradırdı. Hesabı rəqib açdı, amma toparlandıq, qələbə qollarını vurduq. 3 xala görə sevinirik.
• “Qarabağ”a 1:7 hesablı məğlubiyyətdən sonra komanda necə motivasiya oldu?
• Hər kəs üçün çox ağır məğlubiyyət idi. Həftəboyu həmin uğursuzluğu unutmağa çalışırdıq, “Turan Tovuz”la oyuna köklənirdik.
• 1:7 hesablı məğlubiyyətin səbəbin nədə görürsən?
• Futbolda belə hallar olur. Bəzən böyük hesabla uduzursan, bəzən udursan. Bu oyunun bir hissəsidir.
• “Zirə” hələ də çempionatda tam gücünü göstərə bilmir. Bununla razısan?
• Hələ hər şey irəlidədir. Bizim yaxşı kollektivimiz var. Özümüzə inanırıq, futbolçular olaraq yaxşı şeylər edə biləcəyimizə inanırıq.
• Qarşıda “Şamaxı” ilə oyun var və siz açıq-aşkar favoritsiz…
• Çətin oyun olacaq. Rəqib döyüşkən komandadır, gənc futbolçulardan ibarət heyətə sahibdir. Hər oyundakı kimi məqsədimiz qalib gəlməkdir.
• Azərbaycan yığmasının Slovakiya və Qazaxıstanla oyunları barədə nə deyə bilərsən?
• Son iki oyunda milli komanda yaxşı təsir bağışladı. 6 xal qazandı və buna görə futbolçulara alqış düşür.
• Təcrübəli futbolçu kimi necə düşünürsən Canni De Byazi yığmanın baş məşqçi postunda qalmalıdır?
• Bu mənə aid sual deyil.

AĞA