Müsahibə
Hər iki komandada oynamış futbolçu: “Bu matçda “Qarabağ” daha şanslıdır”
“Çox maraqlı oyun olacaq. “Olimpiakos” son ayda bir çox transferlər edib. Yeni oyunçular var və artıq iki baş məşqçi dəyişiblər. Onlar Yunanıstanın böyük klubudur və Çempionlar Liqasında daim çıxış edən komandalardandır. Ona görə “Qarabağ”la matç çətin və gərgin olacaq” – bunu futbolinfo.az-a açıqlamasında “Olimpiakos” və “Qarabağ” klubunun sabiq yarımmüdafiəçisi Tarık Elyunusi deyib.
O, UEFA Avropa Liqasının qrup mərhələsinin 3-cü turunda baş tutacaq “Olimpiakos” – “Qarabağ” matçından danışıb: “Qarabağ” da çox yaxşı formadadır. Çox gözəl futbol oynayır. Çempionlar Liqasının təsnifat mərhələsində üst səviyyədə futbol sərgilədilər. “Sürix”lə matça baxmışdım və əla futbol oynadılar. Qrupda ən çətin komanda isə “Frayburq”dur. “Olimpiakos” da böyük komandadır və onların fantastik azarkeşləri var. Afinalıların üzərində daim təzyiq var və gərgin matç olacaq. Mən Azərbaycanı, Bakını sevirəm. Orada çox gözəl günlərim olub. “Qarabağ”a bu matçda uğurlar arzu edirəm”.
Elyunusi “Olimpiakos”un bu mövsüm zəif olması ilə bağlı Yunanıstan mətbuatında yayılan xəbərlərə belə münasibət bildirib: “Düşünürəm ki, yazılanlar doğrudur. Çünki yeni transferlər, baş məşqçilər komandanın sabitliyini pozub və bu, böyük problem yaradır. “Qarabağ”ın qələbə qazanmaq şansı daha çoxdur. “Olimpiakos” yeni baş məşqçi ilə cəmi bir oyun keçirib və “Levadiakos” üzərində 2:0 hesablı qələbə qazanıb. Azərbaycan klubunun isə heyəti son illərdə eynidir və sabitlik var. Bu baxımdan Qurban Qurbanovun komandası qalibiyyətə daha yaxındır. Amma bir məqam var ki, “Olimpiakos” evdə daha yaxşı çıxış edir. Avrobuboklarda onlar doğma arenada xüsusi oyun göstərməyə çalışır. İstənilən halda, “Qarabağ” hazırki durumda daha şanslı komandadır”.
Norveçli yarımmüdafiəçi “Qarabağ”ın “Nant” üzərində 3:0-lıq qələbəsindən və qrupdan çıxmaq şanslarından söz açıb: “Bu oyuna təəssüf ki, baxa bilmədim. Çünki hazırki olduğum yerdə oyuna baxmaq çətindir. Sonradan matçın icmalını izlədim və “Qarabağ”ın əla oyun göstərdiyini gördüm. Çox vacib qələbədir və növbəti mərhələyə çıxmaq üçün şans yaradır. Çox maraqlı qrupdur və 4 komandanın hər biri növbəti mərhələyə adlaya bilər. “Qarabağ”ın da bu cür şansı var. “Frayburq” digərlərindən daha güclüdür. Bunu görmək olar. “Qarabağ” çalışıb “Olimpiakos” səfərindən xalla qayıtmalıdır. Bu, onlara böyük şans yaradacaq. “Qarabağ” doğma meydanda “Olimpiakos”a qarşı daha yaxşı oyun göstərəcək”.
FƏRİD
- Ölkə futbolu2024-01-31 09:52
Veşoviç “Braqa”ilə cavab matçında oynaya biləcək
- Ölkə futbolu2024-01-31 10:27
“Səbail”ə yardım etdi, mövsümün sonunadək cəzalandı
- Premyer-liqa2024-02-01 20:39
Premyer Liqada qış bazarlığı – YENİLƏNİR
- Milli komanda2024-02-01 09:07
De Byazi: “Azərbaycan millisində hələ də maraqlı elementlər var”