Ölkə futbolu
Hamı cavab gözləyir: AFFA klublara nə qədər büdcə ayıracaq?
AFFA-dan maliyyələşən Premyer Liqa klubları yeni mövsümün planlarını cızmağa hazırlaşır. Amma onlar qəti addım ata bilmir. Səbəb büdcələrinin hələ də dəqiqləşməməsidi.
“Şamaxı”, “Səbail”, eləcə də yeni mövsümdən Premyer Liqada çıxışa başlayacaq “Turan Tovuzla” “Kəpəz” baş məşqçi axtarır. Onlar eyni zamanda heyətini də gücləndirilməlidi. Lakin hansı büdcəyə sahib olacaqlarını bilmədiklərindən danışıqlara start vermək imkanları yoxdu. Aleksey Baqanı 5-6 əcnəbi transfer etməyə icazə alacaqları vədi ilə gətirən “Sumqayıt” rəhbərliyi də eyni durumdadı.
AFFA bu klubların hamısına kiçik büdcə vəd edib. Xüsusilə “Şamaxı”yla “Sumqayıt” əvvəlki illərlə müqayisədə daha az pul üzü görəcək. Qərb təmsilçilərinə isə öncə yarım milyon ayrılacağı söylənilib, sonradan bu vəsait 1.5 milyon manatadək artırılıb. Gəl ki, konkretlik yoxdu, bütün bunların hamısı sözdədi.
Hazırda UEFA-nın Konqresində olan AFFA rəhbərliyi gələn həftənin ilk iş günü klubları görüşə çağıracaq. Məhz orada kimə nə qədər büdcə ayrılacağı açıqlanacaq. Bu müddətədək SOCAR-la məsləhətləşmələr aparaılacaq, eləcə də beynəlxalq təşkilatlardan gələcək yardımların miqdarı müəyyənləşəcək. Məhz hər şey dəqiqləşdikdən sonra “əlaltı klublar”ın büdcəsi bilinəcək.
Lakin indi vəd edilənlə gələcəkdəki büdcələr fərqli də ola bilər. Hazırda AFFA ciddi islahatlar ərəfəsindədi. İndiki rəhbərliyin yola salınması üçün SOCAR futbola ayrılan maliyyəyə nəzarəti gücləndirib, miqdarı azaldıb. Rəhbərlik dəyişdikdən sonra yeni imkanlar açılması mümkündü.
- Premyer-liqa2024-02-01 20:39
Premyer Liqada qış bazarlığı – YENİLƏNİR
- Milli komanda2024-02-01 09:07
De Byazi: “Azərbaycan millisində hələ də maraqlı elementlər var”
- Ölkə futbolu2024-02-01 08:00
Qonaqların istədiyi kimi: Abasov matçdan öncə uduzmuşdu
- Dünya futbolu2024-02-01 15:47
Berdıyev lider komandanı “Sabah”a görə tərk edib?