Müsahibə
Henri qolunu məşqlərdə işləyibmiş: “Məşqçinin məni düşündüyü kimi etdim”
“Turan Tovuz”un yarımmüdafiəçisi Henri Okebuqvunun futbolinfo.az saytına müsahibəsi
- “Səbail”lə evdə 2:2-lik heç-heçə etdiniz. Nəticədən razısan?
- Çox çətin oyun oldu. Çünki “Səbail” bizə çox yaxın oynayırdı. Biz ilk hissəni yaxşı keçirdik. Amma ikinci hissədə kifayət qədər yaxşı deyildik. Bu səbəbdən “Səbail” qol vurub hesabı bərabərləşdirdi.
- İki dəfə hesabda önə keçsəniz də, bunu qoruya bilmədiniz. Səbəbini nədə görürsən?
- Biz ikinci hissədə konsetrasiyanı itirdik. Çoxlu səhvlər etdik və nəticədə oyun heç-heçə bitdi.
- “Neftçi” Bakıda bərabərlikdən sonra azarkeşlərdə ümid yaranmışdı ki, “Turan Tovuz” evdə daha yaxşı oynayacaq və “Səbail” kimi komandalara qalib gələcək…
- Azərbaycan Premyer Liqasında zəif komanda yoxdur. Hər oyundan əvvəl rəqiblərimizi analiz edirik. Çalışırıq, daha yaxşı olmaq istəyirik. Təəssüf ki, “Səbail” üzərində qalibiyyət qazana bilmədik, amma işləməyə davam edəcəyik.
- Oyunda gözəl qolla fərqləndin. Qolunu necə şərh edərsən?
- Oyundan iki gün əvvəl məşqçimiz bizi zərbələr üzərində çalışdırırdı. Həmin məşqdə fikrimcə, ən yaxşı mən idim. Oyunda da top mənim qarşıma gələndə məşqçinin məni düşündüyü kimi etdim və gözəl qol alındı (gülür).
- Tovuzdakı futbol ab-havası səni qane edir?
- Tovuz şəhəri gözəldir və həqiqətən buranı bəyənirəm. Sakit şəhərdir. Azarkeşlərə gəlincə, onlar möhtəşəmdir və hər oyun əla dəstək göstərirlər.
- Matçın 69-cu dəqiqəsində rəqib futbolçu Mazurek komanda yoldaşın Turan Vəlizadəyə qarşı kobud oynadı. Səncə, orada qırmızı var idi?
- Düşünürəm ki, bəli, orada qırmızı vərəqə var idi.
- Növbəti oyununuz lider və çempionatın ən yaxşısı “Qarabağ”a qarşıdır. Bu matçdan hansı nəticə sizi qane edəcək?
- Bizi çox çətin qarşılaşma gözləyir. Məşqlərdə çox yüksək səviyyədə çalışırıq. Əlimizdən gələnin ən yaxşısını edəcəyik.
AĞA
- Müsahibə2024-02-02 11:07
Qurban Qurbanov: “Şəxsi maraqlara görə səhv qərar vermək olmaz”
- Premyer-liqa2024-02-02 15:51
Premyer Liqada qış bazarlığı – YENİLƏNİR
- Ölkə futbolu2024-02-02 08:00
“Qarabağ”ın yola saldıqları: Bütün istefalar çempiona darmadağından sonra reallaşıb
- Ölkə futbolu2024-02-03 13:16
Bojoviç “Srvena Zvezda”dan tanıdığı hücumçunu “Neftçi”yə gətirir