Ölkə futbolu
İntizamlı müdafiə olunanların günü
Eyforiyadan ayılmaq, daha ciddi yanaşmaq üçün yaxşı nəticədi. “Viktoriya” sübut etdi ki, bu qədər aşağılanası komanda deyil. “Qarabağ”a rəqib olanda çexləri kağız üstündə sıradan çıxaran azarkeşlər, yəqin ki, indi fərli düşünür.
Plzenlilər gözlədiyimiz kimi, amma gözlədiyimizdən daha çox intizamlı oynadı. Rəqib “Qarabağ”ı ən son dəqiqliyə kimi analiz etmişdi və komanda halında müdafiə olunmağın mükəmməl nümunəsini göstərdi. Ağdamlıların bütün futbolçularına qarşı birəbir oynamaq, bütün düşüncəsi yalnız “Qarabağ”ı oynatmamaq olan “Viktoriya” bunu bacardı.
Amma bu, çexlərin maksimumu idi. “Qarabağ” bu qədər sərt müdafiəyə rəğmən, bir neçə qol vəziyyəti yaradıb, rəqibə eyni şansı vermədisə, cavab matçına daha çox ümid etmək olar. Evdə “açılmağa” məcbur olacaq plzenliləri cəzalandırmaq mümkündü. Yəqin ki, səfərdəki görüşdə Qurban Qurbanov Filip Ozobiçi hücumun arxasına qaytarmaqla hücumda texnikalı oyunçuların sayını çoxaldacaq, bu isə müdafiəni yarmaq üçün daha geniş imkanlar verəcək. Necə ki, dünən son dəqiqələrdə bunu etdi.
“Viktoriya” ardıcıl 4 matçdan sonra dünən ilk dəfə qələbəyə həsrət qaldı. “Qarabağ”ın ev heç-heçələrindən sonra səfərdə daha yaxşı oynadığını, rəqibi əyani görüb analiz etdikdən sonra cavab matçlarına fərqli yanaşdığını nəzərə alsaq, hələ ümid bitməyib. İlk matçda rəqibin təhlükəli olduğu standart vəziyyətlərə imkan yaratmamaq, qapı önündə epizod verməmək sıradan iş deyildi.
Kiçik məqam kimi görünə bilər, amma “Qarabağ”ın dünən ən böyük uğuru rəqib müdafiəçi Lukaş Heydanı cəzalı duruma salması oldu. Kapitanın yoxluğunda rəqibin müdafiə intizamı mütləq pozulacaq, sistem eyni qalsa da, müdafiə zəncirində halqalardan biri dəyişəcək. Deməli, daha cəsarətlə oynayıb Plzendə qol vurmaq, vəziyyəti xeyrimizə dəyişmək mümkündü.
Rəqib fiziki cəhətdən çox güclüdü. Atletik futbolçuları meydanda “güləşməyi” bacarır və Qurbanov buna qarşı mütləq tədbirlər görəcək. Amma səfərdəki oyunda nəticəni daha çox xırda nüanslar həll edəcək. Bütün sürprizlərə hazır olmaq, ən əsası, inamı itirməmək lazımdı. “Viktoriya” əvvəlki rəqiblərdən güclü deyil, sadəcə, daha sərt müdafiə olunmağı bacaran intiazamlı komandadı. “Qarabağ”ın heyət potensialı fantastik olmasa da, bu rəqibi keçməyə yetərlidi. Qalır düzgün oynamaq, daha diqqətli olmaq, rəqibi səhvə məcbur etmək və bir az da bəxtə ümid bağlamaq.
Çempionlar Liqasının qrupuna bir oyunluq yol qalıb. Çexiyadakı matç əlavə vaxta, hətta penaltilər seriyasına kimi də uzana bilər. Maksimal konsentrasiya, mövsümün final oyununa hazırlaşırmış kimi məsuliyyət lazımdı. “Qarabağ”ın bunu bacaracağına ümid edirik. Dünən əl-qolu bağlanan Kadi Borgeslə Abdulla Zubir fərdi bacarıqlarını nümayiş etdirə bilsə, “Viktoriya”nı Avropa Liqasına göndərmək mümkün olacaq. Oyunun alınmasından da çox şey asılıdı. Matçın startının necə alınmasından asılı olaraq, Plzendə daha fərqli oyun görə bilərik. Ən yaxşısına ümid edək…
FƏRİD
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?