İspaniya millisi olimpiya turnirinin seçmə mərhələsi üçün heyətini açıqlayıb.
Tanınmışlar arasında “Makkabi”nin pleymeykeri Lorenzo Braun, “Memfis”in hücumçusu Santi Aldama, “Real”ın üzvləri – müdafiəçi Serxio Yul və hücumçu Rudi Fernandes, “Panatinaikos”un hücumçusu Xuan Hernanqomez və onun qardaşı, “Barselona”nın mərkəz basketbolçusu Gilyermo var.
Ən diqqətçəkən məqam isə Riki Rubionun heyətdən kənarda qalmasıdır.
Xatırladaq ki, seçmə turnir iyulun 2-dən 7-dək Valensiyada keçiriləcək. İspaniya Livan və Anqola ilə A qrupunda yer alıb.
