Dünya futbolu
Jota üzr istədi
Dioqo Jota Oliver Skippdən üzr istəyib. “Liverpul”un oyunçusu bu addımı “Tottenhem”lə son oyunda (4:3) başverənlərə görə atıb.
Futbolinfo.az xəbər verir ki, mersisaydlıların portuqaliyalı ulduzu rəqibinə qarşı təhlükəli oynamış, hakimin qəzəbinə tuş gəlməmişdi. Və o, son dəqiqələrdə komandasının qələbə qolunu vurmuşdu. İngiltərə mətbuatı həmin epizoda görə Jotanın meydandan qovulması gərəkdiyini yazır.
Jota bunları deyib: “Yaxşı epizod deyildi. Rəqibi zədələmək niyyətim yox idi. Düzdü, ayağım futbolçunun başına tuş gəldi, amma niyyətim topa oynamaq idi. Skippdən üzr istəyirəm – bunu meydanda da dedim. Amma edə biləcəyim başqa bir şey yoxdur. Həmin epizodda qırmızı vərəqənin verilməməsi doğru idi. Topa toxundum və rəqibə zərər vermək niyyətim yox idi”.