Premyer-liqa
“Kəpəz”lə “Qəbələ”nin 23-cü dueli
Misli Premyer Liqasında qış fasiləsi başa çatır.
Futbolinfo.az xəbər verir ki, mövsümün ikinci yarısı 19-cu turun oyunları ilə başlayacaq.
“Qəbələ” turun ilk matçında meydana çıxacaq. “Qırmızı-qaralar” yanvarın 24-də “Kəpəz”in qonağı olacaq.
Gəncədə baş tutacaq görüş komandaların 23-cü dueli kimi tarixə düşəcək. “Qəbələ” indiyədək 22 dəfə “Kəpəz”lə qarşılaşıb. Əvvəlki oyunların hamısı Premyer Liqa çərçivəsində baş tutub.
Bu matçlarda üstünlük “Qəbələ”nin tərəfindədir. Aktivində 10 qələbə olan “qırmızı-qaralar” 6 heç-heçə edib və eyni sayda məğlubiyyət alıb. Bu komanda top fərqində də öndədir – 29-17. Gəncəlilərlə duellərdə Baqali Dabo və Filip Ozobiç daha çox – hərəyə 3 qol vurub.
Səfərdə 4 qələbə və 3 heç-heçəsi olan “Qəbələ” 4 məğlubiyyət alıb. Rəqib meydanında 14 qola sevinən “Qəbələ” futbolçuları 11 top buraxıb.
Yanvarın 24-də Gəncə şəhər stadionunda baş tutacaq “Kəpəz” – “Qəbələ” matçına saat 14:00-da start veriləcək.
- Ölkə futbolu2024-01-15 13:34
“Qarabağ” milyonluq təklifdən imtina etdi
- Ölkə futbolu2024-01-16 08:00
“Neftçi” italiyalı hücumçu transfer edir – 400 min avroya
- Ölkə futbolu2024-01-16 12:15
Tanzaniya kartı: Konfransın martın sonuna saxlanılmasında məqsəd var
- Ölkə futbolu2024-01-15 20:29
Qurban Qurbanovdan transfer açıqlaması