Dünya futbolu
Klozedən 20 il sonra gələn het-trik
Qonsalo Ramos 20 illik həsrətə son qoydu. Portuqaliya millisinin üzvü 2002-ci ildən bu yana start heyətdə yer aldığı ilk matçda het-trk edən ilk futbolçu oldu. Son belə uğur Almaniya millisinin üzvü Miroslav Klozeyə məxsus idi.
Futbolinfo.az xəbər verir ki, Ramosun dünyaya gəldiyi ildə ilk peşəkar müqaviləsini bağlayan Pepe də tarixə düşdü. 39 yaş 283 günlüyündə qol vuran müdafiəçi Kriştianu Ronaldoya məxsus rekordu yenilədi. İndi Pepe portuqaliyalıların mundiallardakı ən qoca qolçusudu. Ronaldo isə həm də sahibi olduğu ən gənc qolçu ünvanını daşımağa davam edir.
O da maraqlıdı ki, Ramosun het-trik etdiyi İsveçrəylə matçda (6:1) Kriştianu ehtiyatda qalmışdı. Ronaldo pley-off matçlarında qol vura bilməmək ənənəsini davam etdirərkən Qonsalo artıq ilk matçındaca 3 dəfə fərqlənib.