Müsahibə
Maksim Çex: “Seriya yaratmaq istəyirik”
“Səbail”in ukraynalı yarımmüdafiəçisi Maksim Çex futbolinfo.az saytına müsahibə verib. O, komandanın hazırkı durumundan, son oyundan və mövsümlə bağlı gözləntilərindən danışıb.
– Son oyunda “Neftçi”yə uduzdunuz…
– Komanda olaraq yaxşı idik. Baxmayaraq ki, 0:3 hesabı ilə məğlub olduq. Rəqib 2 qolunu penaltidən vurdu. Hesabda geridə olmağımıza baxmayaraq, mübarizə apardıq. Yaxşı epizodlarımız oldu, lakin təəssüf ki, yararlana bilmədik.
– Komandanızın durumu barədə düşüncələriniz necədir?
– Hazırki vəziyyət və turnir cədvəli bizi qane edə bilməz. Amma bu vəziyyətdən çıxmaq da öz əlimizdədir. Komanda şəklində bunun üzərində çalışırıq. Çox təcrübəli baş məşqçimiz var və o, bizə daim motivasiya verir.
– Sonuncu pillədən xilas olmaq üçün nə lazımdır?
– Məşqçilərimizin hər biri bizə dəstək olur. Yüksək keyfiyyətlə məşqlər keçilir. Tam ailə səmimiyyəti var. Ümid edirəm ki, növbəti oyunlarda uğurlu nəticələrimizlə azarkeşlərimizi sevindirəcəyik. Çünki onlar nəticədən aslı olmayaraq, hər oyun bizə dəstək olurlar.
– Qarşıda “Qəbələ” ilə matç var. Növbəti ev oyununda da qələbə qazana biləcəksiz?
– “Qəbələ” ilə oyuna da qələbə üçün çıxacağıq. Xallara ehtiyacımız var. Göstərdiyimiz oyun yaxşı nəticəyə layiqdir. “Qəbələ” ilə oyunda qələbə qazanmaq üçün komanda olaraq əlimizdən gələnin ən yaxşısını edəcəyik. Buna inanıram.
– Bu il evdə uğurlu oynamısız. Əminlik bununa bağlıdır?
– Düzdür, 2023-də ev oyunlarında uğurlu olmuşuq. Bu oyunda da uğuru davam etdirmək və seriya yaratmaq istəyirik.
AĞA
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”