Müsahibə
Manafov Yunanıstandan erkən dönür: “Hər şey problem idi”
Bir müddət öncə “Səbail”dən ayrılaraq Yunanıstanın “Olimpiakos” (Volos) klubuna üz tutan azərbaycanlı futbolçu Turan Manafov artıq geri qayıdır. Futbolinfo.az-ın məlumatına görə, o, maddi problemlərdən dolayı geri dönür.
Belə ki, yunanlar Manafovla müqavilədə nəzərdə tutulan heç bir şərtə əməl etməyib. Bu suallarla futbolçunun özünə müraciət etdik. Gənc müdafiəçi məlumatları təsdiqlədi:
- Yunanıstandan artıq Bakıya qayıtmısan?
- Bəli, qayıdıram.
- Nə oldu, niyə Volos “Olimpiakos”unda möhkəmlənə bilmədin?
- Müqavilədə nəzərdə tutulan heç bir şərt yerinə yetirilmədi. Maddi problemlər, müalicəyə kömək etməməkləri… Bir sözlə, heç bir şey həll edilmirdi, heç bir şərtə əməl olunmurdu. Bu vəziyyətdə orda necə qalmaq olar?
- Yaşamaq üçün ev vermişdilər?
- Heç bir şey yox idi. Nə maaş var idi, nə ev, nə də müalicə olunmaq üçün şərait. Çox pis durumla üzləşmişdim. Bu səbəbdən qayıdıram.
- Bu komandanın qumar oynadığına dair söz-söhbətlər var?
- Siz bunu haradan eşitmisiz? Vallah, mənim qumar və ya başqa bir şeydən xəbərim yox idi. Komanda qumar oynayır, ya nəsə edir, bundan xəbərsizəm.
CAVAD
- Dünya futbolu2024-01-23 08:17
“Burqos”un futbolçusu Azərbaycana gəlir?
- Premyer-liqa2024-01-24 00:19
Premyer Liqada qış bazarlığı – YENİLƏNİR
- Ölkə futbolu2024-01-23 08:00
Vurulanlar eyni, sifariş verən eyni – Parisdə oturub Bakıda seçkiyə hazırlaşırlar
- Ölkə futbolu2024-01-23 17:48
UEFA “Qarabağ”a 1,5 milyon avro ayırdı