Dünya futbolu
“Mançester Siti”də narazılıq başladı – futbolçular Qvardiolaya qarşı
“Mançester Siti”dən maraqlı xəbərlər gəlir. İngiltərə mətbuatına inansaq, bəzi oyunçularla baş məşqçi Xosep Qvardiola arasında problemlər yaranıb.
Futbolinfo.az xəbər verir ki, Bernardo Silva, Joao Kanselo, İlkay Gündoğan, Emerik Laport və Kayl Uolker çalışdırıcının onlara münasibətindən narazıdır. İspan məşqçinin yeni transferlərə daha yaxşı münasibət göstərdiyini əsas gətirən bu futbolçular komandadan getmək istəyir.
Bernardo Silvanın “Barselona”ya keçmək istədiyi çoxdan bəllidir. Qışda buna nail olmayan İspaniya klubu arzusunu yayda həyata keçirəcək. Çoxdandır İngiltərədən ayrılmaq istəyən İlkay Gündoğan da eyni marşrutu seçə bilər. Joao Kanselo isə heyətdən kənar qalması ilə barışa bilmir. Qvardiolanın portuqaliyalını Entso Fernandesin transferinin bir hissəsi kimi “Benfika”ya göndərmək istəməsi onu əsəbləşdirib. Laportla Uolkerin də narazılıq üçün səbəbləri var.
“Arsenal”la çempionluq yarışında olan komandada birliyin pozulması klub rəhbərliyini də narahat edir. Onlar vəziyyəti izah etmək üçün Qvardioladan görüş istəyib.
- Premyer-liqa2024-01-30 11:17
Premyer Liqada qış bazarlığı – YENİLƏNİR
- Premyer-liqa2024-01-28 19:23
“Neftçi”dən “Qəbələ” üzərində inamlı qələbə
- Milli komanda2024-01-29 10:40
Vaqif Cavadov milli komandaya təyinat alacaq
- Ölkə futbolu2024-01-29 08:00
“Qarabağ”ın izləyicisi yenə dəyişdi, xal fərqi 15-ə çatdı