Dünya futbolu
“Messi Barselona şəhərinə və kluba aşiqdir”
“Barselona”nın vitse-prezidenti Rafael Yuste Lionel Messini komandaya qaytarmaq istədiklərini etiraf edib. O, İspaniya mətbuatına müsahibəsində argentinalının dönüşü üçün mümkün olanı edəcəklərini bildirib.
Yuste Messi ilə danışıqları davam etdirdiklərini gizlətməyib: “Leo ilə tez-tez danışır, onun geri dönməsini istəyirik. O və ailəsi onlara nə qədər bağlı olduğumuzu bilirlər. Təəssüf ki, bir zamanlar uğurlu alınmayan müzakirələrimiz oldu və onun acısı hələ ürəyimdədir. Təbii ki, geri dönməsini istəyirik və əksər azarkeşlərimiz də bu arzudadır. Məncə, belə gözəl hekayələr nikbin bitməlidir. Bunun üçün çalışırıq”.
Vitse-prezident daha sonra bunları əlavə edib: “Bu, təbii bir şeydir. Bir insanı sevirsinizsə, onunla əlaqələr kəsilsə də, sevməyə davam edirsiz. Leo da Barselona şəhərinə və kluba aşiqdir. Onların qovuşacağına inanıram. Görək onu geri qaytara biləcəyikmi? Klub prezidentinin Messinin atası ilə görüşdüyü doğrudur, aralarında gözəl münasibət var. Ancaq bu dəqiqə Messi barədə danışmaq mənim üçün çətindir. PSJ-nin sözlərimi səhv anlamasını istəmirəm”.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…