Dünya futbolu
Milanda Leao böhranı davam edir
“Milan”da Rafael Leaoyla bağlı müəmma davam edir. Klubla yeni müqavilə imzalaması düyünə düşən oyunçu haqda müxtəlif söz-söhbətlər gəzir.
Futbolinfo.az xəbər verir ki, portuqalıyalı klubla maliyyə məsələlərində ortaq məxrəcə gələ bilmir. Prosesin uzanması isə şayiələrə səbəb olur. İtaliya mətbuatı cinah hücumçusunun Milandan getməyə çalışması barədə yazır. Guya ki, o, yeni müqavilədən birdəfəlik imtina və satılmasını tələb edib.
Klub rəhbərliyi bunları təkzib edir. Onlar sadəcə, müzakirələrin uzndığını bildirir. Belə ki, futbolçunun tələbi ilə “Milan”ın təklifi arasında ciddi fərq var, amma anlaşmağa ümid edirlər.
Bu haqda son günlər o qədər çox yazılıb ki, axırda Leaonun vəkili açıqlama verməyə məcbur olub: “Rafael haqda bir çox saxta xəbər var. Yeni müqavilənin hamını razı salması üçün birlikdə çalışırıq. Leaonun öncəliyi dəyişmədi – o, “Milan”da qalmaq istəyir”.
23 yaşlı Anqola əsilli portuqaliyalının İtaliya klubu ilə ilyarımlıq müqaviləsi qalır. Qitə nəhənglərinin müştəri düşdüyü istedadlı oyunçunu itirməmək üçün “Milan” uzunmüddətli yeni müqavilə bağlamağa çalışır.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”