Milli komanda
Millimizlə oyundan öncə İrlandiya yığmasında qalmaqal
Futbol üzrə İrlandiya yığması DÇ-2022-nin seçmə mərhələsi çərçivəsində Bakıda Azərbaycan millisinə qarşı keçirəcəyi oyundan öncə problemlə üzləşib.
Futbolinfo.az xəbər verir ki, bu barədə RTE telekanalının sabiq eksperti Eymon Danfi “Sundayworld” nəşrinə açıqlamasında deyib.
Onun sözlərinə görə, qarşıdakı matçlar üçün komandaya dəvət almış 26 futbolçudan 8-i koronavirus əleyhinə peyvənd olunmaqdan imtina edib. Onlar komanda yoldaşları Kallum Robinsonun vaksinlə bağlı etirafından sonra bu fikrə düşüblər.
İngiltərənin “Vest Bromviç” klubunda çıxış edən Robinson peyvənd olunmayacağını söyləyib və bunu özünün şəxsi seçimi adlandırıb. O, daha əvvəl 2 dəfə koronavirusa yoluxduğunu da təkzib etməyib.
Qeyd edək ki, İrlandiya millisi oktyabrın 9-da Bakı Olimpiya Stadionunda Azərbaycan yığmasının qonağı olacaq, oktyabrın 12-də isə Dublindəki “Aviva” stadionunda Qətəri qəbul edəcək.
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Ölkə futbolu2024-04-19 08:00
Juninyoya Niderlanddan da müştəri çıxdı
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi