Moyesin taleyi şənbə günü həll olunacaq

Devid Moyes istefa ərəfəsindədir. Onun baş məşqçisi olduğu “Vest Hem” şənbə günü evdə “Everton”u yenə bilməsə, yollar ayrılacaq.

Futbolinfo.az xəbər verir ki, olduqca uğursuz mövsüm keçirən “Vest Hem” hazırda 18-ci pillədədir. “Çəkicdöyənlər” yalnız özləri kimi 19 oyuna 15 xal toplayan “Everton”la “Sauthempton”u qabaqlayır. Məhz bu səbəbdən “Everton”la oyun böyük önəm kəsb edir. Rəhbərlik yalnız qələbəni qənaətbəxş nəticə sayacaq, əks halda Moyes istefaya göndəriləcək.

2017-18 ci illərdə qısa müddət “Vest Hem”də işləmiş Moyes ikinci gəlişində artıq 3 ili tamamlayıb. Onun gələn mövsümün sonunadək davam etməli olan müqaviləsi var. Lakin rəhbərlik ondan ümidi kəsib, heyətin kifayət qədər gücləndirilməsinə baxmayaraq, nəticələrin yaxşılaşmaması istefanı gündəmə gətirib.

Şənbə günü oynanılacaq matç “Everton” üçün də önəmlidir. Fərq ondadır ki, bu klubun rəhbərliyi Frank Lempardı istefya göndərməyəcəyini açıqlayıb.