“Nant” bizdən üstün deyildi” – Bəhlul Mustafazadə

“Qarabağ”ın müdafiəçisi Bəhlul Mustafazadənin futbolinfo.az saytına müsahibəsi

• Avropa Liqasınsa “Nant”a uduzdunuz. Oyun barədə fikirlərin necədir?
• Rəqibin gücünə bələd idik. Evdə 3:0 qələbə qazansaq da, məlum idi ki, çətin olacaq. Oyuna yaxşı başladıq, yaxşı oyun keçirdik. Amma son dəqiqələrdə qol buraxdıq. Buna görə çox məyusuq. Deməyə çox söz yoxdur.
• Bakıdakı 3:0-lıq qələbədən sonra hər kəs sizi bu matçın da favoriti görürdü. Rəqib sizi nədə üstələdi?
• Fikrimcə, onlar bizi heç bir şeydə üstələmədi. Oyun planında üstün heç nə yox idi. Biz onlardan daha üstün oynadıq. Sadəcə 1:1 bizi qane edirdi deyə, hesabı qorumağa çalışdıq. Bundan istifadə edən rəqib qol vurdu. Sadəcə bir epizodda üstələdilər və belə nəticə oldu.
• Bu oyundan sonra hər kəs “Qarabağ” üçün Konfrans Liqasının daha yaxşı olduğunu və orada daha irəli gedə biləcəyini deyir. Sən necə düşünürsən?
• Bununla qətiyyən razı deyiləm. Avropa Liqasında oynamaq şansımız olacaqsa, davam etmək imkanımız olacaqsa, bunu edəcəyik. Biz peşəkar idmançılarıq, özümüzə hörmət edirik və yüksək hədəflər üçün çalışırıq. Tarix yazmağa çalışırıq. Bunu istədik və səfərdə olmadı. Ümid edirəm ki, evdə alınacaq.
• Son uğurlu oyunlarda Bədavi Hüseynovla çıxış edirdin, bu dəfə Kevin Medina ilə tandem təşkil etdiniz. Bu oyununa təsir etdi?
• Yox, heç bir çətinlik olmadı. İkisi də təcrübəli futbolçudur və bu cür oyunlara bələddirlər. Yaxşı da oyun alındı.
• Növbəti oyun evdə “Frayburq”ladır. Rəqib qrup liderliyini təmin edib və böyük ehtimalla Bakıya ikinci heyətlə gələcək. Bu, sizə üstünlük qazandıracaq?
• Yəni hansı heyətlə gələcəyini bilmirəm, heç bunu düşünməyin zamanı da deyil. Öz oyunumuzu oynamağa, qələbə qazanmağa çalışacağıq. Ümid edirəm ki, tarix yazacağıq.

AĞA