Müsahibə
“Neftçi”nin yeni transferi Keyta və Zubirdən məsləhət alır
“Neftçi”nin yeni transferi Kilan Lebonun futbolinfo.az saytına müsahibəsi
– Artıq Azərbaycan çempionatında 4 oyun keçirmisən. Liqa barədə düşüncələrin necədir?
– Düşünürəm ki, çox yaxşı liqadır. Burada yüksək keyfiyyətlərə malik oyunçular var. Bu, məni çox təsirləndirdi.
– “Neftçi” qış fasiləsindən sonra 4 oyunda 7 xal qazanıb. Bunu yaxşı nəticə sayırsan?
– Düşünürəm ki, bu nəticələr yaxşı deyil. Eyni zamanda pis də sayılmamalıdır. Biz geriyə baxmamalıyıq və diqqətimizi çox vacib olacaq növbəti oyunlara yönəltməliyik.
– Burada öz hədəflərin nədir?
– “Neftçi” ilə kuboklar qazanmaq istəyirəm. Digər tərəfdən, özümü burada yaxşı tərəfdən göstərmək istəyirəm. Komandama hər cür kömək etmək niyyətindəyəm.
– Azarkeşlərin klubdan gözləntiləri böyükdür. Onları sevindirə biləcəksiz?
– Düşünürəm ki, böyük klubdan belə böyük gözləntilərin olması normaldır. Bu klubun tarixi var və qələbələr qazanıb, buna uyğun da davam etməlidir.
– Azərbaycan çempionatında heç də çox azarkeş yoxdur. Bu, səni narahat etmir?
– Təbii ki, stadionlarda azarkeşlərin çox olması xoşuma gəlir, mən də hər bir futbolçu kimi düşünürəm. Amma bu, mənim üçün problem deyil, onsuz da motivasiyamı tapa bilərəm.
– Əvvəl oynadığın Qazaxıstan liqası ilə Azərbaycan çempionatını necə müqayisə edə bilərsən?
– Məncə, bəli, Azərbaycan liqası Qazaxıstan çempionatından güclüdür. Orada olduğundan daha keyfiyyətli komandalar və keyfiyyətli oyunçular var.
– Ölkəmizdə oynayan tanışların var idi?
– Bəli, “Zirə”də çıxış edən Hamidu Keytadan məlumat almışdım. O, ölkə, şəhər və “Neftçi” haqqında çox yaxşı şeylər danışmışdı. Agentim də bu liqanı yaxşı bilir və bütün məlumatları verdi.
– “Qarabağ”da oynayan Abdulla Zubir də Fransadandır. Onunla görüşürsən?
– Çox tez-tez deyil, çünki bir-birimizi təzəcə tanıyırıq. Lakin o, çox yaxşı oğlandır və nəyəsə ehtiyacım olanda və ya burada hər hansı bir şey haqqında nəsə soruşmaq lazım olanda hazırdır, kömək edir.
FƏRİD
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”