Dünya futbolu
Nqolo Kante DÇ-2022-ni buraxacaq
“Çelsi”nin yarımmüdafiəçisi Nqolo Kante yenidən zədələnib.
Futbolinfo.az xarici KİV-ə istinadən xəbər verir ki, ötən həftə dizindəki zədənin təkrarlanmasından sonra Kante bir neçə həftə yaşıl meydanlardan kənarda qalmalıdır.
Beləliklə, futbolçu 2022-ci ildə Qətərdə keçiriləcək dünya çempionatını buraxma riski ilə üzləşib. “L’Equipe” nəşri DÇ-2018-dəki çempion heyətdə yer alan Kantenin növbəti mundialı buraxacağının dəqiqləşdiyini yazıb. “The Athletic”in xəbərində isə futbolçunun təxminən 3 ay yaşıl meydanlardan kənarda qalacağı bildirilir.
Fransa millisinin baş məşqçisi Didye Deşam 2022-ci il dünya çempionatı üçün heyəti noyabrın 9-da açıqlamalıdır.
Kante sonuncu dəfə avqustun 14-də meydana çıxıb. Daha əvvəl mediada “Çelsi”nin Kante ilə müqaviləni yeniləmək niyyətində olmadığı barədə məlumatlar yayılmışdı. London klubunun səbəblərindən biri də fransalı yarımmüdafiəçinin tez-tez zədələnməsidir. Kante 2022/23 mövsümündə cəmi iki oyun keçirib.
- Milli komanda2024-04-17 12:23
Yığmamızın baş məşqçi postuna isveçrəli namizəd
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”