Müsahibə
“Onlar bizə qarşı daha aqressiv oynayacaqlar” – Adil Nağıyev
Azərbaycan Premyer Liqasının 22-ci turunda “Qəbələ” üzərində qələbə qazanan “Səbail”in ilk qolunun müəllifi Adil Nağıyevin futbolinfo.az-a müsahibəsi
- “Qəbələ” üzərində 3:0 hesablı qələbəni gözləyirdiniz?
- Biz bu matça dönüş nöqtəsi kimi baxırdır. Qələbə qazanmaq üçün meydana çıxmışdıq. Gözəl oyunla layiqli qalibiyyət əldə etdik. Təbii ki, buna görə çox sevinirəm.
- “Səbail”in durumu bəllidir, komanda yaxşı vəziyyətdə deyil. Bu qələbələrin sizə köməyi dəyəcək?
- Daha çox psixoloji olaraq bu qələbənin bizə köməyi dəyəcək. Motivasiyamız artacaq. Fikrimcə, bu qalibiyyətdən sonra futbolçular, məşqçilər hamı inamlı olacaq. Daha yaxşı olmağımız üçün böyük stimuldur.
- Yəni son pillədən xilas olmaq yolunda bir başlanğıc saymaq olar?
- Əlbəttə ki, bunu biz də düşünürük. İnanmaq istəyirəm ki, biz daha da yaxşı olacağıq. Komanda şəklində motivasiyadan, 3:0-dan ruhlanıb nəticələrimizi yaxşılaşdıra bilərik.
- Matçda hesabı açdın və qələbədə demək olar ki, bu qolun rolu böyük oldu…
- Əlbəttə ki, qol vurduğum üçün xoşbəxtəm. Həm qol vurdum, həm komanda qalib gəldi. Amma əsas vacib məqam odur ki, komanda yaxşı futbol oynadı. Gözəl qollar vurduq, nəticə də əldə etdik.
- “Səbail”in gələcək durumu ilə bağlı ümidlər necədir? Yaxşıya doğru dəyişəcəyi inandırıcıdır?
- Əlbəttə ki, rəhbərlik gələn mövsüm üçün daha iddialı komanda görmək istəyir. Bunun üçün nə şərait lazımdırsa, hamısını etməyə hazır olduğunu bildirdib. İndidən dəqiqə nəsə demək çətindir. Mövsümün sonunda hər şeyə aydınlıq gələcək.
- Sonuncu qələbədən sonra rəhbərlik komanda ilə görüşdü?
- Əlbəttə, soyunub-geyinmə otağına gəldi, bizi təbrik etdi və növbəti oyunlar üçün də inamlı olduğunu dedi.
- Qarşıda “Zirə” ilə matç var…
- “Zirə” güclü komandadır. Son turda məğlub olublar. Düşünürəm ki, buna görə də qarşıda ağır və çətin oyun bizi gözləyir. Ora yaxşı nəticə üçün gedəcəyik.
- Elə məğlub olmaqları matçın əhəmiyyətini onlar üçün artırır. Düşünürsən ki, rəqib ikiqat güclə oynayacaq?
- Əlbəttə ki, bizlə oyunda onlar daha ciddi və aqressiv olacaqlar. Çünki “Zirə”ni yalnız 3 xal qane edəcək. Amma bizə də qələbə lazımdır, əlimizi yanımıza salmayacağıq. Yaxşı nəticə üçün meydana çıxacağıq.
CAVAD
- Milli komanda2024-04-17 12:23
Yığmamızın baş məşqçi postuna isveçrəli namizəd
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- Müsahibə2024-04-17 16:07
Sekidika çempionatın səviyyəsindən razıdır: “İstənilən komandanı məğlub etmək olar”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi