Müsahibə
“Onlar oynamağa komanda tapacaqlar” – “Sabah”ın futbolçusu
“Sabah”ın futbolçusu Slavik Alxasovun futbolinfo.az-a müsahibəsi
- “Sabah” üçün mövsümü uğursuz saymaq olar? Komanda avrokuboklara vəsiqə əldə etmədi…
- Komandada son zamanlar yüksəliş var idi. Sadəcə avrokuboklara vəsiqə qazana bilmədiyimiz üçün yaxşı olmadı. Onu əldə etsəydik, uğurlu saymaq olardı.
- “Sumqayıt”la matçda komanda niyə qalib gələ bilmədi? Səncə, komandanız üçün bəxtsiz oyun idi?
- Futbolda belə hallar olur. Çox çalışdıq, meydanda döyüşdük, əlimizdən gələni etdik, amma 3 xal qazana bilmədik.
- Ümumiyyətlə, qarşılaşma həm maraqlı, həm qalmaqallı oldu. Amin Seydiyevə verilən qırmızı vərəqəni necə dəyərləndirirsən?
- Amin Seydiyevə sarı vərəqə verilsəydi, heç kim hakimi qınamyacaqdı. Çünki Zurab Oçiqava Aminin yaxınlığında idi. Bu son ümid folu deyildi.
- Uzun illərdir ki, Azərbaycan çempionatındasan. “Sabah”ın Avrokuboklardan məhrum olmasında hakimlərin nə qədər rolu oldu?
- Hakimlərdən danışmaq istəmirəm, çünki hərənin öz fikri var. Onlar da yüksək keyfiyyətli oyun idarə etmək istəyirlər. Baxıb qiymət vermək mənim üçün uyğun deyil.
- Yeni məşqçinin gəlişindən sonra komanda yaxşı oyun göstərməyə başladı, lakin nəticə olmadı. Demək olar ki, artıq növbəti mövsümün planları qurulmalıdır?
- İndidən nəsə demək çətindir. Amma Murad Musayev baş məşqçi olandan sonra komanda yüksəliş əldə etdi. Yəqin ki, növbəti mövsüm bundan da yaxşı nəticələr olacaq. Onu da zaman göstərər.
- Murad Musayev sənə çox oynamaq şansı vermir. Halbuki komandanın aparıcı üzvlərindən idin. Səncə, bunun səbəbi nədir?
- Birinci gələndə mən oynayırdım. Sonradan çox oyunlarda şans qazanmadım. Lakin Murad Musayevlə münasibətimiz çox yaxşıdır. Həmişə mənimlə danışır. Yəni bilirəm ki, vəziyyət nədir, nə deyil.
- Başqa komandalardan təkliflər var? Mövsüm sona yaxınlaşır. Çempionata da yeni klublar gəlir təkliflərin çox olması gözləniləndir.
- Mövsümün sonudur və təkliflər var. Baxaq görək necə olacaq. Komanda sayının çox olması superdir. Həm rəqabət güclənəcək, həm də oyun sayı çoxalacaq. Bu həm də kənarda qalan futbolçular üçün yaxşı şans olacaq. Onlar oynamağa komanda tapacaqlar.
CAVAD
- Müsahibə2024-02-02 11:07
Qurban Qurbanov: “Şəxsi maraqlara görə səhv qərar vermək olmaz”
- Ölkə futbolu2024-02-01 08:00
Qonaqların istədiyi kimi: Abasov matçdan öncə uduzmuşdu
- Premyer-liqa2024-02-02 15:51
Premyer Liqada qış bazarlığı – YENİLƏNİR
- Dünya futbolu2024-02-01 15:47
Berdıyev lider komandanı “Sabah”a görə tərk edib?