Dünya futbolu
Qvardiol “Çelsi”dən növbəti dəvəti gözləyir
“Leypsiq”in müdafiəçisi Yoşko Qvardiol “Çelsi”yə keçə bilməməsinə görə məyus olub. Xorvatiya yığmasının üzvü müsahibəsində bunu etiraf etməkdən çəkinməyib.
Futbolinfo.az xəbər verir ki, 21 yaşlı mərkəz müdafiəçisi Almaniya klubunun onu satmayacağını öncədən söylədiyini bildirib: “Hələ transfer pəncərəsi açılmamış “Leypsiq” rəsmiləri mənə ehtiyacları olduğunu, heç yerə buraxmayacaqlarını bildirmişdi. Onların qərarını anlayışla qarşılayıram, 2027-ci ilin yayına kimi müqaviləm var. Bununla belə, getməyi çox istəyirdim, çünki “Çelsi” kimi nəhəng klubdan çox sərfəli təklif almışdım”.
İki il öncə yetirməsi olduğu Zaqreb “Dinamo”sundan “Leypsiq”ə transfer olunan futbolçu mövsüm bitdikdən sonra yeni təklif alacağına ümid edir: “Bundesliqada bir il keçirmişdim, növbəti mövsümü də sonadək burada keçirəcəm. Amma yayda getmək istəyirəm. Ümid edirəm ki, komanda yoldaşım Kristofer Nkunkunu transfer edən londonlular yenə məni yada salacaq”.
- Premyer-liqa2024-02-02 15:51
Premyer Liqada qış bazarlığı – YENİLƏNİR
- Ölkə futbolu2024-02-01 08:00
Qonaqların istədiyi kimi: Abasov matçdan öncə uduzmuşdu
- Müsahibə2024-02-02 11:07
Qurban Qurbanov: “Şəxsi maraqlara görə səhv qərar vermək olmaz”
- Milli komanda2024-02-01 09:07
De Byazi: “Azərbaycan millisində hələ də maraqlı elementlər var”