Cim Ratkliff “Mançester Yunayted”i alarsa, “Nitsa”nın sahibi olduğu səhmlərini satmalı olacaq. İngiltərə klubu uğrunda qətərli investorlarla yarışan iş adamı buna hazırdır.
Futbolinfo.az xəbər verir ki, Ratkliff Mançester klubunu almaq üçün Qleyzerlər ailəsi ilə təmasları genişləndirib və hər cür fədakarlğa hazırdır. Onun Fransa təmsilçisindən imtina etməyə hazırlaşmasının səbəbi də budur.
Qaydalara görə, Çempionlar Liqasında eyni şəxsə bağlı olan iki klub mübarizə apara bilməz. Ratkliff də MY-yə görə “Nitsa”dan uzaqlaşmağa hazırdır. Mövsümün sonuna kimi İngiltərə klubunu almaq mümkün olsa, Fransa təmsilçisiin sahibi dəyişəcək.
