Ruslar və belaruslular su idman növləri üzrə yarışlara buraxıldılar

Ümumdünya Su İdmanı Bürosu rus və belaruslu atletlərinin yarışlarda neytral idmançı kimi iştirak etmələri üçün kriteriyaları razılaşdırıb.

Bu ölkənin su idman növlərində iştirakı ilə bağlı müzakirələr 5 aydan çox çəkib. Nəticədə onlar dünya çempionatından kənarda qalıblar. Kriteriyalar arasında ən diqqətçəkəni hər yarışda yalnız bir nəfərin iştirak edə bilməsidir.

Beləliklə, verilən qərara görə kriteriyalar aşağıdakılardır:

– Himn və bayraqsız, yalnız neytral status

– İdmançı heç bir güc strukturu ilə əlaqədə olmamalıdır

– İdmançı və məşqçi Ukraynadakı müharibəni dəstəkləməməlidir

– Yalnız fərdi yarışlar (bu isə voterpol komandalarının kənarda qalması deməkdir)

– Hər bir yarışda yalnız bir nəfər

– Geyimdə ölkənin rəmzlərini əks etdirən heç bir rəng olmamalıdır (yalnız ağ geyim)

– Mətbuat konfranslarında iştirak etməməli

– Son 12 ay ərzində götürülən dopinq testlərdən ən azı biri Rusiya və Belarusdan kənarda olmalıdır