Ölkə futbolu
“Səbail” dünənə dönür: faydasızlığı isbat olunan legioner niyə qaytarıldı?
Klublarımızda pul çoxalan kimi peşəkarlıq yaddan çıxır. Hamı bir ucdan transferləri sıralayır, say düzəldir. Futbolçunun keyfiyyəti, bacarığı yaddan çıxır.
“Səbail”də eyni vəziyyətdi. Sponsorlar büdcəni artırıb, geniş transfer imkanları yaradıb, klub rəsmiləri də heyəti əcnəbilərlə doldurmağa başlayıb. Təbii ki,komanda güclənməli, heyətini komplektləşdirməlidi. Söhbət “Səbail” kimi ötən mövsümün ən uğursuz, kasad heyətli komandasından gedirsə, çoxsaylı transferlər gözləniləndi.
Lakin bu, komandaya kimi gəldi götürməyə əsas vermir. Gələcək uğurları təmin etmək üçün futbolçular xüsusi dəqiqliklə seçilməlidi. “Səbail”də isə bu prinsip unudulub, say düzəltməklə, oyunçu keçidlərindən əldə olunan komisyon haqlarını cibə doldurmaqla məşğuldular. Səviyyəsi yetərli olmayan oyunçular heyətə qatılırsa, gizli sövdələşmələr də istisna olunmur.
“Səbail”in yeni hücumçusu Qoba Zakpa sirli qutudu. Fil Dişi Sahilindən olan oyunçunun 29 yaşına kimi yüksək səviyyəli bir komandada oynamaması öz yerində, son klubunda 54 oyuna cəmi 8 qol vurub. Bu o deməkdi ki, sözügedən forvard hər 7 matçdan 1 fərqlənir. Deməli, bayıllılar yeni mövsümdə bu hücumçudan cəmi 5 qol gözləsin.
Bəlkə də gəldiyi “Etnikos”la müqayisədə “Səbail”də ona fərqlənmək daha rahat olacaq. Lakin ilkin təəssüratın xoş olmadığını deməliyik.
Zakpanı əyani görmədiyimizdən bəlkə tələsməmək məsləhətdi. Amma Emil Martinov haqda eyni sözləri deyə bilməyəcəyik. Bu futbolçu 2018-19 mövsümündə “Səbail”də oynayıb, bacarıqsızlığına görə yola salınıb. Oyununu canlı izlədiyimzdən deyə bilərik ki, onun kimi dayaq yarımmüdafiəçiləri Azərbaycanda yetərincədi. Bu futbolçunu geri qaytarmaqdansa, hansısa gəncə güvənib daha çox fayda götürmək olar.
Ümidi doğrultmayan birinə 3 ildən sonra, 30 yaşında ikən qucaq açmaqda nə məntiq var? Həm də bu futbolçu son klubunda 2021-ci ildən bəri cəmi 9 matça çıxıb. Deməli, Emil yenə zəif oynayır, lakin kimlərsə onu “Səbail”ə sırımağı bacarır. Faydasız legioneri geri qaytarmaq klubun yox, yalnız bu transferdə şəxsi marağı olan adamların xeyrinə ola bilər.
Ümid edək ki, bu transferlər “Səbail”ə xeyirli olacaq. Amma düzü, çox çətin görünür.
- Ölkə futbolu2024-01-31 09:52
Veşoviç “Braqa”ilə cavab matçında oynaya biləcək
- Ölkə futbolu2024-01-31 10:27
“Səbail”ə yardım etdi, mövsümün sonunadək cəzalandı
- Premyer-liqa2024-02-01 20:39
Premyer Liqada qış bazarlığı – YENİLƏNİR
- Milli komanda2024-02-01 09:07
De Byazi: “Azərbaycan millisində hələ də maraqlı elementlər var”