Müsahibə
Şakir Seyidov 0:4-ün kubok oyununa təsir etməyəcəyini düşünür
“Turan Tovuz”un futbolçusu Şakir Seyidovun futbolinfo.az-a müsahibəsi
– Son turda “Neftçi”yə 0:4 hesablı məğlubiyyətin səbəbin nədə görürsən?
– Rəqibin gücünü nəzərə almaq lazımdır. Qış fasiləsindən sonra yaxşı formadadılar. Nəticələrində də bu, öz əksini tapır.
– Bu cür məğlubiyyəti gözləyirdin?
– Belə oyunlar inkişaf etməyimiz üçün yaxşıdır. Deyərdim ki, bizim üçün bir sınaq oldu.
– Kubokun yarımfinalında üz-üzə gələcəyiniz komandaya bu cür məğlubiyyət psixoloji olaraq sizə pis təsir etməyəcək?
– Kubokda ab-hava başqa cür olur. Orada hər şey, o cümlədən motivasiya fərqlidir. Düşünmürəm ki, təsir etsin. Finala çıxmaq üçün çalışağcağıq.
– Komanda 6-cı pillədən yuxarı qalxa biləcəkmi?
– Biz hər matçda qələbə üçün çıxırıq. Əlbəttə ki, daha yaxşısını etmək istəyirik.
– Qarşıda “Qəbələ” ilə matç var. Daha üst pilləyə qalxmaq üçün izləyicisi olduğunuz komandanı yenməyiniz vacibdir.
– Bizim xala ehtiyacımız var. Ehtiyatımızı artırmaq niyyətindəyik. Doğma azarkeşlər önündə meydana qalibiyyət üçün çıxacağıq. Çalışacağıq ki, onları sevindirək.
– Mövsüm yavaş-yavaş sona yaxınlaşır. Müqavilə ilə məxsus olduğun “Sabah”a dönmək istəyirsən, yoxsa “Turan Tovuz”da qalıb daha çox oynamaq istəyirsən?
– Hələ ki, bu mövsümü uğurla başa vurmaq istəyirəm.
FƏRİD