– Millimiz son 2 oyunda İslandiyaya 0:5 hesabı ilə uduzdu, Ukrayna ilə 1:1 hesablı heç-heçə etdi. Yığmamızın bu matçlardakı nəticələrini necə dəyərləndirirsiniz?

– Açığı, oyunları canlı izləyə bilmədim, amma matçların icmalına baxmışam. Azərbaycan millisinin İslandiyaya qarşı görüşdə çıxışı yaxşı olmayıb. Düşünürəm ki, bu dövrdə Fernandu Santuş ilə hər şey çox çətin oldu, futbolçular onun ideyalarını tam başa düşmədilər və bu da vəziyyəti daha da çətinləşdirdi. Ukrayna ilə oyunöncəsi baş məşqçinin dəyişməsi yeni ruh gətirdi. Yeni baş məşqçi komandaya motivasiya verməyi bacardı və nəticə də daha yaxşı oldu. Ukrayna millisi səviyyəli komandadır, onlarla heç-heçə yaxşı nəticədir.

– Siz Azərbaycan yığmasında oynadığınız dönəmdə İslandiya ilə 1:1 hesablı heç-heçə etmişdiniz və qolu da cərimə zərbəsindən məhz siz vurmuşdunuz. Həmin vaxtla müqayisədə İslandiya yığması bizi 5:0 hesabı ilə məğlub edəcək qədər güclənib? Yoxsa Azərbaycan yığması daha da zəifləyib?

– Düşünürəm ki, hər ikisi baş verib: İslandiya yığması son illərdə inkişaf edib, Azərbaycan millisi isə xeyli geriləyib.

– Fernandu Santuşun Azərbaycan yığmasındakı fəaliyyətinin bu qədər uğursuz alınacağını gözləyirdiniz?

– Hər dəfə Azərbaycan millisinə yeni mütəxəssis gələndə onun qələbələr qazanacağına ümid edirəm. Təəssüf ki, cənab Santuşun ideyaları komandaya uyğun gəlmədi və nəticələr gözləniləndən çox aşağı oldu.

– Ukrayna ilə oyuna yığmamızı Ayxan Abbasov çıxartdı və nəticə uğurlu oldu. Razısınız ki, Azərbaycan millisinə yerli məşqçi rəhbərlik etməlidir? Bu vəzifəyə ən yaxşı namizəd kimi hesab edirsiniz?

– Düşünürəm ki, bu qədər xarici məşqçidən sonra Azərbaycan futbolunu yaxşı bilən yerli mütəxəssisə şans verməyin vaxtı çatıb. Tərlan Əhmədovun adını qeyd edərdim. Elə Ayxan Abbasov özü də namizədlərim sırasındadır, onun rəhbərliyi altında Azərbaycan yığması Ukraynaya qarşı çox yaxşı çıxış etdi. Digər namizədim Elmar Baxşıyev isə “Araz-Naxçıvan”da böyük işlər görür.

– “Qarabağ”ın Çempionlar Liqasının əsas mərhələsinə qələbə ilə başlaması xəbərini necə qarşıladınız? “Benfika” ilə görüşdə təmsilçimizdən qalibiyyət gözləyirdiniz?

– Bu qələbə mənim üçün xoş və sevindirici bir sürpriz oldu. “Qarabağ” möhtəşəm oyun sərgilədi və böyük qalibiyyətə imza atdı.

– Sizcə, “Qarabağ” ÇL-in Liqa mərhələsində neçə xal toplaya biləcək?

– “Benfika”ya qarşı bu möhtəşəm oyundan sonra insanın gözləntisi artır. Adamda bu fikir yaranır ki, çoxlu xal toplaya bilərlər. “Qarabağ”ın Liqa mərhələsində ən azı 12 xal yığacağına əminəm.

CAVAD

Təcrübəli mütəxəssis milli komanda və klub məşqçiləri arasında daim ünsiyyətin olmasının tərəfdarıdır: “Futbol elə bir oyundur ki, tək məşqçi və futbolçulardan asılı deyil. Cəmdə klublardır və futbolçular da həmin klublardan gəlir. O klublara sual vermək lazımdır ki, verdiyiniz oyunçular yığmaya necə təsir edəcək? Niyə klublarda az çıxış edirlər? Öz futbolçularına görə cavabdeh olmalıdırlar. Klub və milli məşqçiləri arasında daim ünsiyyət olmalıdır. Futbolçu klubdan milliyə, eləcə də millidən kluba hansı vəziyyətdə gedir? Bu haqda danışmaq lazımdır. Bu da baş məşqçinin səhvidir ki, klublarda az oynayan futbolçuları milliyə dəvət edir. Amma belə baxanda kimi çağırsın? Axı onlardan artığı Azərbaycanda yoxdur. Bunlar zəncirvari bir-biri ilə əlaqədardır. Əgər futbolçular klubda az oynayırsa, millidə də zəif çıxış edəcək. Bəli, biz zəifik. Amma zəif də İsveçi, Estoniyanı yalnız ürəklə oynasa, məğlub edə bilər. Deməzdim hamısı ürəksiz oynayırdı, lakin Estoniya ilə matçlarda bacardığımız qədər ən yaxşısını göstərməli idik. İndi D Liqasına düşdük. Orada da bizim kimilər var. Amma onları da udmaq üçün indidən plan hazırlamaq lazımdır. Klublarımıza baxdıqda demək olar ki, heç birində mərkəz müdafiəçisi, dayaq yarımmüdafiəçisi, hücumçu mövqelərində yerlilər oynamır. Mən klubları günahlandırmıram. Özüm də klubda işləmişəm. Amma klub rəhbərləri, məşqçilər fikirləşməlidir ki, heç olmasa, 1-2 Azərbaycan uşağını yaxşı hazırlasınlar. Yoxsa daha pis faciə olacaq”.

Mircavadov Fernandu Santuşun 2028-ci ilə qədər hər şeyi düzəldəcəyi fikrinə də münasibət bildirib: “Santuş hər şeyi düzəldəcəyini deyib. Mənə maraqlıdır ki, bunu kimlə edəcək? Elə bu gün millidə çıxış edən oyunçuların çoxunun 22-23 yaşı var. 4 il sonra da onlar olacaq. Əgər onlar bu yaşda “açılmayıbsa”, 4 il sonra da “açılan deyillər”. Lakin bu uşaqlar Avropa klublarında oynasalar, inkişaf ola bilər. Vallah, mən gürcülərə həsəd aparıram. U-21 milliləri Avropa Çempionatının finalına çıxıblar. Gürcüstan millisinin heyətindəki 26 nəfərin 23-ü xaricdə çıxış edir. Niyə bizdə eyni hal yaşanmır? Belə oyunla heç millimizin D Liqasında 6-7 xal qazanacağına inanmıram. Təşkilatçılıq AFFA-nın üzərindədir. Onlar da daim futbol adamları ilə bu barədə ünsiyyətdə olmalıdır. Digər əsas problemimiz isə meydançalarımızdır. Demək olar ki, bölgələrimizdə stadion yoxdur. Ən azından hazırda əllərində olan Lənkəran, İmişli stadionlarını təmir etmək lazımdır. Hər klubun öz stadionu olmalıdıdır. Əgər bir yaş qrupu digər yaş qrupunun vaxtına girməmək üçün meydançadan tez çıxır, bundan nə olacaq? Günə saatyarım məşqlə nə edə biləcəklər? Ona görə uşaqlar akademiyalarda qalmalıdırlar. Necə ki, əvvəl “Qəbələ”nin akademiyasında var idi. Şəxsən mən xaricdən legioner gətirib milliləşdirməyə razı deyiləm. Çünki onda vətən, millət sevgisi olmayacaq. Son olaraq onu demək istəyirəm ki, uşaqlara futbolu sevdirmək lazımdır. Oyunçunun topa sevgisi olmalıdır. O bilməlidir ki, futbolu sevir, oynamaq istəyir. Başqa dilləri öyrənib, xaricə gedib, özünü inkişaf etdirməsinə şərait yaradılmalıdır”.

GÜNAY SÜLEYMANOVA

– Millətlər Liqasında bu mövsüm Estoniya ilə keçirdiyimiz ikinci görüşdən də qələbə ilə ayrıla bilmədik. Qalibiyyət üçün nə çatışmadı?

– Əslində, oyun baxımından üstünlük bizim millinin tərəfində oldu. Oyuna və topa nəzarət tamamilə Azərbaycan yığmasının tərəfində idi. Real qol imkanları da əldə etdik. Sadəcə, epizodları məntiqi sonluğa çatdıra bilmədik. Məhz bu amil qələbəyə mane oldu. Rəqibin müdafiədən oynayacağı bəlli idi. Bunu eston futbolçuların matçöncəsi açıqlamalarından da anlamaq olurdu. Bizim futbolçular da bunu bilirdilər. Əfsuslar olsun ki, buna rəğmən, yenə də qalib gəlmək mümkün olmadı.

– Millətlər Liqasının cari mövsümündə 5 oyunda cəmi 1 xal qazanmışıq. Bu qədər uğursuz çıxış yəqin ki, sizin üçün də gözlənilməz oldu…

– Belə olacağını heç gözləmirdim. Ümid edirdim ki, ev oyunlarında bütün rəqiblərdən xallar ala biləcəyik. Ancaq əksini gördük.

– Qrupdakı son matçımızı bu gün səfərdə İsveç yığmasına qarşı keçirəcəyik. Evdə uduzduğumuz komanda ilə səfər görüşündə sensasiya etməyə gücümüz çatacaq?

– İsveçlə oyun bu mövsüm Millətlər Liqasında son matçdır. Komandamız bu görüşə rahat çıxmalıdır. Futbolçuların üzərindən təzyiqi götürmək lazımdır. Onlar turnir cədvəlini yaddan çıxartmalı və futboldan zövq almaq üçün oynamalıdırlar. Təbii ki, bunu məşqçinin verdiyi tapşırıqları yerinə yetirmək və taktikadan, strategiyadan çıxmamaq şərtilə etməlidirlər. Düşünürəm ki, bu halda milli İsveçdə yaxşı nəticəyə imza ata bilər.

– Fernandu Santuş Azərbaycana millimizi Millətlər Liqasında D liqasına düşürmək üçün gətirilmişdi?

– Yığmamızın C liqasından düşməmək üçün az da olsa, şansı qalıb. Bunun üçün mütləq səfərdə İsveçə qalib gəlmək lazımdır. D liqasına düşmək çox məyusedici olar.

– Hazırkı gedişat Santuşun səhv seçim olduğunu təsdiqləmir?

– Məşqçi seçimini AFFA edir. Şəxsən mənə görə, Santuşun gəlişindən sonra komandanın hücum xəttində inkişaf var. Bunu oyunlara əsasən deyirəm. Millimiz indi daha çox hücum edir. Digər tərəfdən, müdafiədə ciddi problemlər var.

ABBAS

C Liqasında 1-ci qrupda yer alan Azərbaycan yığması İsveçin qonağı olacaqsa, Türkiyə millisi A Liqasına vəsiqə uğrunda Monteneqro ilə qarşılaşacaq. “Ay-ulduzlular”a mərhələ adlamaq üçün bir xal da kifayət edir.

Almaniya və Niderlandın səfər oyunlarına çıxdığı gün əsas diqqət B Liqasının 1-ci qrupuna yönəlib. Burada bütün komandalar şansını son tura kimi saxlaya bilib.

UEFA Millətlər Liqası, 6-cı tur

A Liqası

3-cü qrup

23:45. Bosniya və Herseqovina – Niderland

23:45. Macarıstan – Almaniya

Xal: Almaniya – 13, Niderland – 8, Macarıstan – 5, Bosniya və Herseqovina – 1.

B Liqası

1-ci qrup

23:45. Albaniya – Ukrayna

23:45. Çexiya – Gürcüstan

Xal: Çexiya – 8, Gürcüstan – 7, Albaniya – 7, Ukrayna – 5.

4-cü qrup

23:45. Monteneqro – Türkiyə

23:45. İslandiya – Uels

Xal: Türkiyə – 11, Uels – 9, İslandiya – 7, Monteneqro – 0.

C Liqası

1-ci qrup

23:45. Slovakiya – Estoniya

23:45. İsveç – Azərbaycan

Xal: İsveç – 13, Slovakiya – 10, Estoniya – 4, Azərbaycan – 1.

D Liqası

2-ci qrup

23:45. Malta – Andorra

Xal: Moldova – 9, Malta – 6, Andorra – 0.

C Liqasının 1-ci qrupunda yer alan Azərbaycan millisi Qəbələ şəhər stadionunda Estoniyanı qəbul edəcək. Fernandu Santuşun rəhbərlik etdiyi yığmamız bu rəqiblə son görüşündə – 3-cü tur oyununda 1:3 hesabı ilə uduzub. Millimiz bu oyunda qələbə qazanmasa, D Liqasına yuvarlanacaq.

Türkiyə millisi qrupdakı əsas rəqibi Uelsi qəbuledəcəksə, bu gün həmçinin Almaniya Bosniya və Herseqovina ilə, Niderland Macarıstanla üz-üzə gələcək. Qonşu Gürcüstan isə Ukraynanı qonaq edəcək.

A Liqası

3-cü qrup

23:45. Almaniya – Bosniya və Herseqovina

23:45. Niderland – Macarıstan

Xal: Almaniya – 10, Niderland – 5, Macarıstan – 5, Bosniya və Herseqovina – 1.

B Liqası

1-ci qrup

21:00. Gürcüstan  – Ukrayna

23:45. Albaniya – Çexiya

Xal: Çexiya – 7, Gürcüstan – 6, Albaniya – 6, Ukrayna – 4.

4-cü qrup

21:00. Monteneqro – İslandiya

21:00. Türkiyə – Uels

Xal: Türkiyə – 10, Uels – 8, İslandiya – 4, Monteneqro – 0.

C Liqası

1-ci qrup

18:00. Azərbaycan – Estoniya

23:45. İsveç – Slovakiya

Xal: İsveç – 10, Slovakiya – 10, Estoniya – 3, Azərbaycan  – 0.

D Liqası

2-ci qrup

21:00. Andorra – Moldova

Xal: Moldova – 6 (3 oyun), Malta – 6 (3 oyun), Andorra – 0 (2 oyun).

Sabah Millətlər Liqasında qrup mərhələsinin son turu start götürəcək.

Futbolinfo.az xəbər verir ki, mütəxəssislər sabah keçiriləcək Azərbaycan – Estoniya matçı ilə bağlı da fikirlərini bölüşüblər.

Millimizdə Emin Mahmudov, Mahir Emreli və Renat Dadaşovun ciddi itki olduğu vurğulansa da, mütəxəssislərin fikrincə, estonlarda Marten Kuuskun yoxluğu daha ciddi təsir göstərə bilər. Üstəlik, estonların uzun səfərlər zamanı ciddi problem yaşamaları diqqətdən yayınmayıb. Bu mənada qarşılaşmanın Qəbələyə salınmasının qonaq komandaya ikiqat çətinlik yaradacağı güman edilir.

Maraqlıdır ki, əksər statistiklər komandamızın 2:1 hesablı qələbə qazanacağını düşünürlər.

Daha doğrusu, ilk oyun geridə qalıb və Fernandu Santuşun komandası Tallindən boynubükük vəziyyətdə qayıdıb. Halbuki, Canni de Byazinin başçılığı altında estonları doğma azarkeşləri önündə 2:0 hesabı ilə məğlub etmişdik. Amma hazırkı komanda uduzmaq bir kənara, qapısında 3 top görür. Ötən ayın 11-də qarşılaşdığımız rəqibin cavabını vermək üçün Qəbələdə bütün qüvvəmizi səfərbər etməliyik.

Millinin qələbə qazanmaq üçün motivasiyası var. Doğrudur, bu qələbə bizə sadəcə, reytinqdə 1-2 pillə irəliləmək şansı qazandıra bilər. Amma həm də daha aşağı liqaya düşməmək üçün azı 2 top fərqi ilə qələbə vacibdir.

İstənilən halda, bu oyuna ciddi hazırlaşmaq və qələbə qazanmaq həvəsini qoruyub saxlamalıyıq. Amma bizim ötən ay təhlil etdiyimiz Estoniya millisininə yenidən  “lupa” ilə nəzər salmaq motivasiyamız nə dərəcədə yüksək ola bilər ki? Bir ay ərzində bu komandada nə dəyişəcək ki? Sadəcə, həmin oyunun işığında rəqibi yenidən saf-cürük edə bilərik.

Tallində bizə qarşı meydanda olan ilk “11-liy”ə nəzər salsaq, heyətdə ciddi dəyişikliyin olmadığını görərik. Sadəcə, Buxarest “Rapid”inin yarımmüdafiəçisi Mattias Kayt bu dəfə zədə səbəbindən düşərgəyə dəvət olunmayıb. Heyət açıqlanandan sonra Estoniya millisinin baş məşqçisi Yürgen Henn daha bir dəyişiklik etmək məcburiyyətində qalıb. Belə ki, eyni səbəbdən Polşanın “Katovitse” komandasının arxa xətt oyunçusu Myarten Kuusk heyətdən çıxarılıb. Onu “Flora”nın müdafiəçisi Ekro-Yonne Tıuqyas əvəzləyib. Kaytdan fərqli, Kuusk bizə qarşı ilk oyunu ehtiyat oyunçular skamyasından izləmişdi.

Böyük ehtimalla, estonlar bizə qarşı ilk oyunda hansı heyətlə meydana çıxmışdılarsa, aşağı-yuxarı yenə də eyni “11-lik”lə mübarizə aparacaq. Qapıda “Arsenal”dan “Valyadolid”ə icarəyə verilən Karol Yakob Heyn qərarlaşacaq. La Liqada komandasının bütün oyunlarında meydana çıxan 22 yaşlı qapıçı 25 top buraxıb ki, bu da hazırda İspaniya çempionatında ən pis göstəricidir. Amma bizimlə oyundan sonra “Valyadolid”də 4 oyuna çıxan Heyn ardıcıl 2 matçın hərəsində 2, növbəti 2 görüşün hərəsində isə 1 top buraxıb. 4 oyuna 6 qol heç də autsayder komandanın qapıçısı üçün pis göstərici deyil.  Amma bizim dərdimiz Estoniyanın qapıçısı deyil axı…

Əsas problem bu komandanın müdafiə “4-lüy”ünə çətin anlar yaşatmaqdır ki, Tallindəki matçda biz bunu qismən bacardıq. Niyə qismən, çünki səfərdəki matçda onların qapısı qarşısında təhlükəli vəziyyətlər yaradırdıq. Amma yeganə qolumuzu penaltidən vurmuşuqsa, deməli, öz işimizin öhdəsindən gələ bilməmişik. Etiraf etmək lazımdır ki, estonların mərkəz müdafiəçiləri Karol Metslə Yoonas Tamm yüksək səviyyəli futbolçulardır. Mets Bundesliqada çıxış edən “Sankt-Pauli”nin əsas heyət üzvlərindən biridir. Onun komandası bu mövsüm 10 oyuna 12 top buraxıb ki, burada Karolun da böyük rolu var.

Bolqarıstanın “Botev” klubunda çıxış edən Yoonas Tamm da pis müdafiəçi deyil. Cinah müdafiəçilərinin isə parlaq çıxış etdiyini söyləmək olmaz. Hər halda, biz hücum qurarkən onların qərarlaşdıqları mövqelərdən sıza bilirdik. Qapımızda gördüyümüz 3 topdan yalnız 1-də onların qərarlaşdığı cinahdan zərbə yedik. Amma oyunçuların qiymətləndirilməsində Maksim Paskotsi ilə Mixail Şenninq-Larsen yüksək bal alıb. Maraqlıdır ki, bu iki oyunçu mərkəz müdafiəçiləridən daha yaxşı qiymətə layiq görülüb. Deməli, biz onları səhvə məcbur edə bilməmişik. Qəbələdə ya onları daha da təzyiq altında saxlamalı, ya da ki hücumlarımızı daha zəif nöqtələrindən qurmalıyıq.

Dayaq yarımmüdafiəçiləri “Levadiya”lı Mixkel Aynsalu ilə Niderlandın “Dordext” klubundan Rokko Robert Şeyn Estoniya millisinin bizə qarşı ən etibarlı “bunker”i oldu. Qətiyyən onların arxasından sıza bilmədik. Çox vaxt bu iki oyunçu hücumumuzu ilk fazada boğmağı bacardı. Hətta bu azmış kimi Şeyn 2-ci, Aynsalu isə 3-cü qolun ötürmə müəllifi oldu. Hətta Şeyn komandasının 3-cü qolunu da vurdu. Yəqin ki, Santuş bundan nəticə çıxartmağı bacarıb və onu da öyrəndi ki, dayaq yarımmüdafiəçiləri necə oynamalıdır.

Təbii ki, Santuşun məşqçilik stajı qədər haradasa Estoniya yığmasının məşqçisi Yürgen Hennin yaşı var. Santuşa nəyisə göstərmək ayıb olar. Amma onlara yenə də əl-qol açmağa imkan versək, bu dəfə də xal üzünə həsrət qala bilərik.

Estonların cinah hücumçularına gəlincə, sağda qərarlaşan “Levadiya”lı Yoan Yakovlevə xüsusi diqqət ayırmaq lazımdır. Bu futbolçu meydanda olduğu 68 dəqiqə boyunca bizim sol cinahımızı təhlükə altında saxladı, üstəlik, qol da vurdu. Hətta onu əvəzləyən “Qəbələ”dən tanıdığımız Sergey Zenyov belə o effekti vermədi. Zenyovun bu dəfə meydana çıxıb-çıxmayacağını söyləyə bilmərik, amma o, Qəbələki stadionunun hər qarışına bələddir. Amma çətin ki, 35 yaşlı futbolçu 90 dəqiqə oynamaq imkanı qazansın. Sadəcə, Heyn onu məhsuldar hücumçusunun olmamasına görə start heyətində meydana buraxa bilər.  Çünki ilk oyunda Honkonqun “Li Man” komandasının forvardı Henri Ayner ümidləri doğrultmadı. Hətta iş o həddə çatdı ki, Heyn bizə qarşı dayaq yarımmüdafiəçisi mövqeyində çıxış Aynsalunu İsveçlə matçda sürpriz şəkildə irəlidə oynatdı. Sol cinahda isə Çexiyanın “Slovaçko” komandasının üzvü Vlasi Sinyavskiyə də diqqət ayrımaq lazımdır.

Məlum məsələdir ki, bizimlə oyunda estonlar yenə də müdafiədən oynayacaq və Tallindəki matçda olduğu kimi uzun ötürmələrdən istifadə edəcəklər. Onlarla səfər matçında qapımıza vurulan 1-ci və 2-ci qol məhz bu uzun ötürmələri sayəsəndə reallaşdı. Santuş buna çarə tapmalıdır. Onlar bizə ya belə, ya da standart vəziyyətlərdən qol vura bilər. Yenə də eyni səhvləri təkrarlasaq, qrupu sonuncu pillədə bitərəcəyik. Qol vurmaq üçün daha aqressiv oynamalıyıq. Çünki hücum qurmaq problemimiz olmayacaq. Düzdür, Mahir Emreli və Renat Dadaşov qarşıdakı matçı buraxacaq, amma onları əvəz edənlər vəzifənin öhdəsindən gəlməlidir.

Estoniya ilə indiyəqədərki oyunlarımız:

1. 15.02.1996. Larnaka. Yoldaşlıq oyunu. Estoniya – Azərbaycan 0:0

2. 01.03.1997. Larnaka. Yoldaşlıq oyunu. Estoniya – Azərbaycan 2:0

3. 04.06.1997. Vilyandi. Yoldaşlıq oyunu. Estoniya – Azərbaycan 1:0

4. 16.05.1998. Vilyandi. Beynəlxalq turnir. Estoniya – Azərbaycan 0:0

5. 28.11.1998. Gəncə. Yoldaşlıq oyunu. Azərbaycan – Estoniya 2:1

6. 06.03.1999. Larnaka. Yoldaşlıq oyunu. Azərbaycan – Estoniya 2:2

7. 03.07.2002. Kuressaare. Yoldaşlıq oyunu. Estoniya – Azərbaycan 0:0

8. 15.11.2013. Tallin. Yoldaşlıq oyunu. Estoniya – Azərbaycan 2:1

9. 17.06.2023. Bakı. AÇ seçmə mərhələ. Azərbaycan – Estoniya 1:1

10. 13.10.2023. Tallin. AÇ seçmə mərhələ. Estoniya – Azərbaycan 0:2

11. 11.10.2024. Tallin. UEFA Millətlər Liqası. Estoniya – Azərbaycan 3:1

AĞA

Futbolinfo.az saytının məlumatına görə, bu, Estoniyaya qarşı keçiriləcək qarşıdakı görüşdən asılı olacaq.

Estonlarla Qəbələdəki qarşılaşmada 3 futbolçumuz xüsusi diqqətli oynamalıdır. Belə ki, Toral Bayramov, Elvin Cəfərquliyev və Amin Seydiyev noyabrın 16-dakı oyunda sarı vərəqə alsalar, cəzalı duruma düşəcəklər və İsveç səfərində baş məşqçinin sərəncamında olmayacaqlar.

İsveç millisi isə noyabrın 16-da Slovakiya ilə ev matçında eyni halla üzləşə bilər. Skandinavların 4 üzvünün cəzalı duruma düşməsi üçün prinsipial görüşdə sarı vərəqə alması kifayət edəcək. Bunlar müdafiəçilər İsak Hien, Ken Sema, yarımmüdafiəçilər Anton Saletros və Yesper Karlströmdür.

Qeyd edək ki, noyabrın 19-da keçiriləcək İsveç – Azərbaycan oyunu Bakı vaxtı ilə saat 23:45-də başlayacaq.

Futbolinfo.az xəbər verir ki, Santuş Kamran Ağayevdən imtina edib. Qapıçılar üzrə məşqçi olan yığmamızın sabiq üzvü hazırlıq zamanı ofsaydda qalır. 70 yaşlı portuqaliyalı onu düşərgədə formal olaraq saxlayır, işi isə özü ilə gətirdiyi Fernando Justino görür. Ağayev bu durumdan məmnun olmasa da, maaşını tam aldığı üçün səsini çıxarmır.

Bu, Santuşun yerlilərə qarşı ilk belə güvənsizliyi deyil. Təyinatından həmən sonra uzun müddət millidə işləmiş Arif Əsədovla vidalaşan əcnəbi mütəxəssis indiyədək ona əvəzedici seçməyib.

Futbolinfo.az xəbər verir ki, bu barədə AFFA-nın mətbuat xidməti məlumat yayıb.

Bildirilib ki, mətbuat konfransında milli komandamızın UEFA Millətlər Liqası çərçivəsində noyabrın 16-da Qəbələdə Estoniya və noyabrın 19-da səfərdə İsveç yığması ilə oyunlar üçün heyəti açıqlanacaq.