– Üstündən bir neçə gün keçsə də, hələ də millimizin İsveçə böyükhesablı (0:6) məğlubiyyəti haqda danışılır. Ağır yenilginin səbəbi nə idi?

– Açıq şəkildə göründü ki, rəqibin oyunçuları bizim futbolçulardan daha hazırlıqlı idi. Üstəlik, millimiz tam əsas heyətlə çıxış etmirdi. Bu da böyükhesablı məğlubiyyətdə rol oynayan amillərdəndir. Çünki Azərbaycan yığması kimi komandalar maksimum dərəcədə əsas heyəti ilə oynamalıdır ki, bu cür məğlubiyyət qeydə alınmasın. Rəqibin gücünü də qeyd etməliyik.

– Həm son matçda, həm də Estoniya ilə Qəbələdəki görüşdə qapı xəttində Rza Cəfərov yer aldı. Onun çıxışı haqda nə deyə bilərsiniz? Yaxın gələcəkdə millinin əsas qolkiperi olmaq potensialı varmı?

– Rzanın hər iki görüşdə iştirakı müsbət məqamdır. Cəfərovun beynəlxalq təcrübəsi hələ kifayət qədər deyil. Amma belə oyunlarda həmin təcrübəni toplayacaq. Ümid edirəm ki, həm “Neftçi”nin, həm də millinin heyətində növbəti matçlarda da qapıda yer alacaq. Bu cür davam etsə, düşünürəm ki, onun üçün yaxşı olacaq. Çünki potensiallı qapıçıdır və gələcəkdə Azərbaycan millisinin “1 nömrəsi” ola bilər. Onu da əlavə edim ki, daha gənc olan, kifayət qədər keyfiyyətli qolkiperlərimiz də var. Bu isə 3-5 il ərzində millinin qapı xəttində yaxşı rəqabətin yaranacağından xəbər verir.

– Millətlər Liqasında D liqasına düşdük. Bu fiaskonun əsas günahkar(lar)ı kim(lər)dir?

– Bəli, D liqasına düşdük. Sözsüz ki, bu, xoşagəlməz hadisədir. “Cırtdan ölkələr”lə bir sırada olmaq üzücüdür. Lakin bu da bir mərhələdir. Zənnimcə, bu, dönüş nöqtəsi olacaq. Artıq irəliyə doğru addımlamağa başlamalıyıq.

– Millətlər Liqasında fiasko yaşayan yığmamızdan dünya çempionatının seçmə mərhələsində nə gözləyək?

– Millətlər Liqasında D liqasına yuvarlaşmışıqsa, dünya çempionatının seçmə mərhələsində qrupdan çıxmağı ancaq xəyal edə bilərik. Lakin D liqasına düşməyimiz bir təsadüf idi. Ümid edirəm ki, D liqasında keyfiyyətli futbol göstərərək yenidən C liqasına qayıdacağıq. Dünya çempionatının seçmə mərhələsindəki oyunumuzun da buna ümid verəcəyinə əminəm.

– Milli komandamızın nəticələrinin yaxşılaşması üçün çıxış yolunu nədə görürsünüz?

– Azərbaycan Premyer Liqasının rəqabətədayanıqlı çempionat olması vacibdir. Artıq aparıcı oyunçularımız, gənc futbolçularımız Avropanın müxtəlif klublarında çıxış etməlidirlər. Bu amillər əsas yığmamızın səviyyəsini kifayət qədər qaldıra bilər. Sözsüz ki, bu, 1-2 günün, ayın məsələsi deyil. Amma ən azından uğura apara biləcək istiqamət budur və bu istiqamət üzrə adekvat addımlar atmalıyıq.

ABBAS

– Yığmamız Millətlər Liqasının son turunda səfərdə İsveçə 0:6 hesabı ilə uduzdu. Ağır məğlubiyyəti nə ilə izah edərdiniz?

– Komandalar arasında səviyyə fərqi var idi, bu, açıq-aşkar görünürdü. Kobud səhvlər nəticəyə təsir etdi. Fikrimcə, oyuna daha yaxşı hazırlaşmaq olardı. Bəzi futbolçularda məsuliyyət aşağı səviyyədə idi. İsveçlə qarşılaşmada problemlərimizin çox olduğunu gördük. Zəif təsir bağışladıq. Daha çox və düzgün işləmək lazımdır.

– Ağır məğlubiyyətlə Millətlər Liqasında D liqasına yuvarlanmağımız rəsmiləşdi. Bu halla üzləşəcəyimizi əvvəldən təxmin edirdiniz? Santuş Azərbaycana bunun üçün gətirilmişdi?

– İki ay öncə də demişdim ki, bu gedişlə D liqasına düşə bilərik. Axırda elə də oldu. Üzücü haldır. Artıq ümumi proqramı dəyişmək lazımdır. Günahkar axtarmağa ehtiyac yoxdur, hər şey göz qabağındadır. Fernandu Santuş əcnəbidir, müqaviləyə gəlib, ona sual-sorğu az olacaq. Ən pis halda, vidalaşacağıq.

– 0:6-dan və D liqasına yuvarlanmağımızdan sonra da hazırkı heyəti son illərin ən güclüsü adlandırmaq nə dərəcədə doğrudur?

– C liqasında qalmamağımız bizim üçün ağır zərbədir. Artıq D liqasına düşmüşük, bu vəziyyətdən necə çıxacağımız və buna nə qədər vaxt sərf edəcəyimiz maraqlıdır. Hazırkı heyətdə fərdi cəhətdən yaxşı oyunçular var. Amma futbol kollektiv şəklində oynanılır, bu uşaqları birləşdirməyi bacarmaq lazımdır.

– Millətlər Liqasında uğursuzluğa düçar olan milli komandamızdan dünya çempionatının seçmə mərhələsində nə gözləyək?

– Hazırda nəsə gözləmək çətindir. Daha yaxşı olmaq üçün çox vaxt lazımdır. Düzgün hazırlıq prosesləri keçirilməli, fundamental dəyişikliklər edilməlidir.

– Milli komandamızın nəticələrinin yaxşılaşması üçün çıxış yolunu konkret nədə görürsünüz?

– Sıfırdan başlamaq lazımdır. Uşaq futboluna çox diqqət yetirilməlidir. 3 ildən sonra oyunçu tapmaqda çətinlik çəkəcəyik, onda daha da pis nəticələr qeydə alınacaq. Mütəxəsislər bundan xəbərdardırlar. İndiki məqamda millimizin Santuş kimi məşqçilərə ehtiyacı yoxdur. İlk növbədə, stabillik yaratmaq lazımdır. İnkişaf uşaq futbolundan başlamalıdır. Bunları etsək, 6-7 ildən sonra bəhrəsini görəcəyik.

ABBAS

– Şahin Diniyevin istefasından sonra keçirdiyiniz ilk oyunda “Turan Tovuz”dan 1 xal almağı (1:1) bacardınız. Əslində, bu görüşdə 3 xal əldə etməyə də yaxın idiniz, ancaq hesabdakı üstünlüyünüzü qoruya bilmədiniz. Diniyevin istefası və “Turan Tovuz”la matçla bağlı fikirləriniz necədir?

– Şahin müəllimin gedişi haqda nəsə deməyim düz çıxmaz. “Turan Tovuz”la oyuna gəlincə, bu görüşə ciddi hazırlaşmışdıq. Məqsədimiz meydandan xal və ya xallarla ayrılmaq idi. Düzdür, hesabda önə keçmişdik, üstünlüyümüzü sonadək qoruya bilmədik. Amma əsas odur ki, uduzmadıq. Növbəti oyunlara hazırlaşacağıq.

– Bugünlərdə komandanın yeni baş məşqçisi rəsmən açıqlandı. Cavid Hüseynovun “Səbail”ə gəlişini necə qarşıladınız? Sizcə, Hüseynov komandanı çətin vəziyyətdən çıxara biləcək?

– Bəli, yeni baş məşqçimiz Cavid Hüseynov oldu. Bizim üzərimizə düşən onun verdiyi tapşırıqları tam məsuliyyətlə yerinə yetirməkdir. Çalışacağıq ki, uğurlu olsun.

– Cavid Hüseynovun rəhbərliyi altında ilk oyununuz “Qarabağ”a qarşı olacaq. Bu görüşdən yaxşı nəticə ilə ayrılmaq şansınız nə qədərdir?

– “Qarabağ”ın gücü hamıya bəllidir. Amma futbolda hər şey mümkündür. Artıq bu oyunun hazırlığına start vermişik. “Qarabağ”la görüşə ciddi şəkildə hazırlaşırıq.

– Hazırda turnir cədvəlində 9-cu pillədəsiniz və sonuncu yerdə olan “Kəpəz”i cəmi 1 xal qabaqlayırsınız. Bu, komandada Premyer Liqanı tərk etmək qorxusu, futbolçuların üzərində təzyiq yaradırmı?

– Hazırkı mövqeyimiz bizi də qane etmir. Amma düşdüyümüz vəziyyətdən çıxacağımıza inanıram. Təhlükəli zonadan tez bir zamanda çıxmaq lazımdır.

– Komandanın kapitanı olaraq necə düşünürsünüz, cari mövsümdəki xal itkilərinizin əsas səbəbi nədir?

– Keçmişlə yaşasaq, inkişaf edə bilmərik. Keçmiş keçmişdə qaldı, gələcəyə baxmaq lazımdır. Bundan sonra məsuliyyətli olsaq və işə yanaşmanı düzəltsək, nəticəsini görəcəyik.

– “Səbail”in əsas heyətində mütəmadi oynasanız da, nədənsə milliyə dəvət almırsınız. Bunun səbəbini nədə görürsünüz?

– Milli komanda hər bir azərbaycanlı futbolçu üçün qürur yeridir, yığmada olmaq fəxrdir. Bunu futbolçularımız dərk etməlidir. Qaldı ki mənim millidə olub-olmamağıma, bu barədə heç nə deyə bilmərəm. Yığmamıza qarşıdakı oyunlarda uğurlar arzu edirəm. Qələbə ilə Azərbaycan xalqını sevindirsinlər.

ABBAS

– Məğlubiyyəti necə şərh edərdin?

– Qırmızı vərəqəyə qədər hər şey yaxşı idi. Azlıqda qaldıqdan sonra oyun qırıldı. Matç haqqında deyəcəyim başqa bir şey yoxdur.

– Necə düşünürsən, hakimin sənə göstərdiyi hər iki sarı vərəqə doğru idi?

– Ardıcıl 3 oyunda qələbə qazana bilməyəndə emosional olursan. Xüsusən də bir gün qabaq azarkeşlərin gəlib bizi coşdurması, söhbət etmələri qarşılığında emosiyalara qapılırsan və daha yaxşı olmaq istəyirsən. İlk sarı vərəqədə kobudluq etməmişdim. Hakim nəyəsə rəqibə üstünlük verirdi. Lakin bəhanə etmək istəmirəm. Bu məğlubiyyətin əsas səbəbi qırmızı vərəqədir. Buna görə başımı aşağı salıb, dilxor olmayacağam. Çünki qarşıda hələ oyunlar var. Həm millidə, həm də klubda. Ümid edirəm ki, növbəti matçlarda daha yaxşı nəticələr üçün meydana çıxacağıq.

– Baş məşqçi komandanı meydanda azlıqda qoyduğun üçün sənə nəsə dedi?

– Yox, heç nə demədi. Uşaq deyilik, özümüz hər şeyi başa düşürük. Peşəkar futbolçuyuq. Bu haqda düşünəcəm. Bəlkə də həmin epizotda daha yaxşı ola bilərdi. Bir qədər ötürmə səhv getdi deyə əks-hücumdan narahat oldum və öz yerimdən o mövqeyə qaçdım ki, komandaya kömək edim. Rəqib futbolçu da həmin anda ağıllı davrandı. Mən düşündüm ki, sürət yığar, amma o dayandı. Cəriməni özü qazandı.

– Millətlər Liqasında 4 oyun, 4 məğlubiyyət. Heç vaxt belə uğursuz start olmamışdı. Bu haqda nə deyə bilərsən?

– Daha əvvəl də 5 oyun, 5 qələbə olmuşdu. Əlbəttə, məğlubiyyət adama təsir edir. Xüsusən də bu cür oyunlarda. Estoniyada matçın əvvəlində, Slovakiya ilə görüşün ikinci hissəsində üstün tərəf biz idik. Belə oyunlarda məğlub olanda adama toxunur. Xüsusilə də səbəbkar sən olduğun halda daha çox təsir edir. Slovakiya yüksək səviyyəli komandadır. Onların son Avropa çempionatında İngiltərə ilə oyunlarını hər kəs görüb. Xalqımızdan, rəhbərlikdən, komandadan üzr istəyirəm. Futbolda belə şeylər olur. Bilmirəm üzr istəmək nə dərəcə doğrudur? Sadəcə bilsinlər ki, futbolçuyuq, səhvlərimizi analiz edirik və daha yaxşı olmaq üçün çalışırıq.

– Noyabrdakı oyunlarda vəziyyəti dəyişmək mümkün olacaq?

– Son 2 oyunda, xüsusən də Estoniya ilə matçda əlimizdən gələni edəcəyik. Vəziyyəti düzəltmək öz əlimizdədir. Estonlara qarşı evdə oynayacağıq. Bu da üstünlükdür. Səhvlərimizi analiz edib qarşıdakı 2 matça daha yaxşı hazırlaşacağıq.

– “Nürnberq”də vəziyyətin necədir?

– Son qələbədən sonra yaxşıdır. Komandada pozitivlik artıb. Bu həftə derbi var. Ona hazırlaşacağıq. Çalışıram ki, komandaya daha tez adaptasiya olum. Zədədən qayıtdıqdan sonra son 2 oyunda start heyətində yer aldım. Uyğunlaşmağa başlamışam. Allah zədədən qorusun. Qalan şeylər düzələcək.

GÜNAY SÜLEYMANOVA

Millətlər Liqasının cari tsiklinin startında ardıcıl iki qrup oyunundakı məğlubiyyətdən sonra növbəti mərhələyə yüksəlmək şansımız möcqzəyə bərabərdir. Hətta 2-ci olmaq üçün də ümid yoxdur. Fernandu Santuşun qarşısında duran əsas vəzifə Estoniyada uduzmamaq və Slovakya ilə ev oyununda qələbə qazanmaqdır. Bu, turnir mövqeyi baxımından hər hansı böyük üstünlük verməyəcək, lakin sonuncu olmamaq, eyni zamanda uğursuzluq zolağından çıxmaq üçün vacibdir.

Lakin A milli komandanın təsadüfi qələbəs ilə ümumi ölkə futbolunun mənzərəsi dəyişməyəcək. İllərdir qalaqlanan problemlər, nizamsız iş, strategiyasızlıq, səriştəsizlik bu sahəni məhv edib, təəssüf ki, AFFA-nın yeni rəhbərliyi də eyni yolu gedir. Aşağı yaş rqupundan olan yığmalar məğlubiyyətləri sıralayırsa, deməli, sabaha da ümid yoxdur.

Və deyəsən, bu durum heç kimi narahat etmir. Ona görə də ölkə futbolunun böhrandan çıxarılması üçün hər hansı addım atılmır. AFFA prezidenti Rövşən Nəcəfin vaxtında uğursuzluq ən pik həddə çatıb. Onun ölkə futboluna rəhbərlik etdiyi 6 ay ərzində yığmalarımız ümumilikdə 44 oyuna çıxıb və bunlardan yalnız 3-də qələbə görüb. Nəcəfin vaxtında millilərimiz 33 məğlubiyyət alıb, 44 oyundan 41-də qələbəyə həsrət qalıb. Bu, yen rəhbərliyin də bir işə yaramadığını, bacarıqsız olduğunu göstərir. Qarşıdakı 10 gün ərzində bu statistikanın daha biabırçı mənzərəyə çevriləcəyinə əmin olun.

A milli: 1 qələbə, 3 məğlubiyyət, top fərqi – 5:10

Albaniya – Azərbaycan 3:1

Azərbaycan – Qazaxıstan 3:2

Azərbaycan – İsveç 1:3

Slovakiya – Azərbaycan 2:0

U-21: 1 heç-heçə, 3 məğlubiyyət, top fərqi – 2:7

Slovakiya – Azərbaycan 3:2

Azərbaycan – Bolqarıstan 0:0

Lüksemburq – Azərbaycan 2:0

Azərbaycan – Serbiya 0:2

U-19: 1 qələbə, 1 heç-heçə, 4 məğlubiyyət, top fərqi – 3:14

Azərbaycan – Qazaxıstan 2:0

Azərbaycan – Türkiyə (U-20) 0:5

Moldova – Azərbaycan 1:1

Şotlandiya – Azərbaycan 2:0

Niderland – Azərbaycan 3:0

Uels – Azərbaycan 3:0

U-17: 3 heç-heçə, 4 məğlubiyyət, top fərqi – 4:17

Belarus – Azərbaycan 4:0

Özbəkistan – Azərbaycan 2:0

Tacikistan – Azərbaycan 2:2 (penaltilərlə 1:3)

Albaniya – Azərbaycan 1:1

Albaniya – Azərbaycan 4:1

Türkiyə – Azərbaycan 4:0

Türkiyə – Azərbaycan 0:0

U-16: 1 heç-heçə, 2 məğlubiyyət, top fərqi – 0:9

Türkmənistan – Azərbaycan 3:0

Türkiyə – Azərbaycan 6:0

Qırğızıstan – Azərbaycan 0:0 (penaltilərlə 4:2)

U-15: 3 məğlubiyyət, top fərqi – 2:7

Belarus – Azərbaycan 2:1

Rusiya – Azərbaycan 3:1

Qazaxıstan – Azərbaycan 2:0

Qadın yığması: 1 qələbə, 1 heç-heçə, 4 məğlubiyyət, top fərqi – 2:14

Macarıstan – Azərbaycan 1:1

Azərbaycan – İsveçrə 0:4

Türkiyə – Azərbaycan 1:0

Azərbaycan – Türkiyə 1:0

Azərbaycan – Macarıstan 0:5

İsveçrə – Azərbaycan 3:0

U-19, qadınlar: 3 məğlubiyyət, top fərqi – 0:9

Monteneqro – Azərbaycan 4:0

Bolqarıstan – Azərbaycan 1:0

Latviya – Azərbaycan 4:0

U-17, qadınlar: 1 heç-heçə, 4 məğlubiyyət, top fərqi – 3:15

Belarus – Azərbaycan 3:1

Qazaxıstan – Azərbaycan 2:2 (penaltilərlə 4:1)

Türkiyə – Azərbaycan 4:0

Gürcüstan – Azərbaycan 4:0

Gürcüstan – Azərbaycan 2:0

U-15, qadınlar: 3 məğlubiyyət, top fərqi – 2:19

Belarus – Azərbaycan 8:1

Özbəkistan – Azərbaycan 2:1

Rusiya – Azərbaycan 9:0

Cəmi: 44 oyun, 3 qələbə, 8 heç-heçə, 33 məğlubiyyət, top fərqi – 23:121.

Futbolinfo.az saytının məlumatına görə, bu iki görüş millimizin bəzi futbolçuları üçün əlamətdar ola bilər. Xüsusən də 3 oyunçu yığmanın heyətində debüt etmək fürsəti qazanıb. Bunlar Aydın Bayramov, Zamiq Əliyev və Vadim Abdullayevdir.

Zədəsini sağaltdıqdan sonra yenidən heyətə dəvət alan Mahir Emreli milli forma altında 50 oyun sayına çata bilər. Hücumçu qarşıdakı hər iki qarşılaşmada meydana çıxsa, Bakıda Slovakiya ilə qarşılaşma onun yubileyi ilə yadda qalacaq.

Rahil Məmmədov və Ozan Can Kökçü də qarşıdakı görüşü səbirsizliklə gözləyirlər. Çünki Məmmədov indiyə qədər 19, Kökçü isə 9 dəfə meydana çıxıb. Daha bir matçda iştirak onların yubileyini qeyd etməsi deməkdir. Emin Mahmudov isə bir qol vurmaqla milli komanda tarixinin bombardiri ünvanını ələ keçirəcək.

Bədavi Hüseynov – 73 oyun (1 qol)

Ramil Şeydayev – 65 (10)

Emin Mahmudov – 50 (14)

Mahir Emreli – 48 (6)

Anton Krivotsyuk – 37 (1)

Renat Dadaşov – 32 (4)

Bəhlul Mustafazadə – 31 (1)

Toral Bayramov – 25 (2)

Coşqun Diniyev – 25 (0)

Aleksey İsayev – 24 (1)

Elvin Cəfərquliyev – 23 (1)

Abbas Hüseynov – 23 (0)

Rahil Məmmədov – 19 (0)

Qismət Alıyev – 11 (0)

Ozan Can Kökçü – 9 (0)

Rüstəm Əhmədzadə – 8 (0)

Ceyhun Nuriyev – 6 (0)

Şəhriyar Əliyev  – 4 (0)

Mehdi Cənnətov – 3 (-6)

Xəyal Nəcəfov – 2 (0)

Rza Cəfərov – 1 (0)

Aydın Bayramov – 0 (0)

Zamiq Əliyev – 0 (0)

Vadim Abdullayev – 0 (0)

– Millətlər Liqasının 3-cü turunda Azərbaycana qarşı oynayacaqsız. Matç barədə düşüncələriniz necədir?

– Düşünürəm ki, bərabər oyun olacaq. Çünki hər iki komanda təxminən eyni səviyyədədir. Ona görə də bərabərsəviyyəli matç keçəcəyini fikirləşirəm.

– Evdə oynayacağınız üçün qələbə qazanmaq şansınızın çox olduğunu fikirləşirsiz?

– Bu barədə dəqiq nəsə deyə bilmərəm. Çünki hər şey meydanda həll olunur. 90 dəqiqə bitəndən sonra bu barədə danışmaq olar. Kimin daha güclü olduğunu meydanda görəcəyik.

– Ötən il Avropa çempionatının seçmə mərhələsində üz-üzə gəlmişdiniz. Evdə Azərbaycana uduzdunuz. Həmin matçı xatırlayırsız?

– Əlbəttə ki, həmin oyun yadımdadır. Evdə bu rəqibə 0:2 hesabı ilə uduzmuşduq. Amma artıq həmin oyun da, həmin oyunla bağlı hər şey də geridə qalıb. Biz artıq qarşıdakı matça baxmalıyıq.

– Həmin matçın intiqamını almaq barədə düşünürsünüz?

– Bu cür demək istəməzdim. Çünki doğru düşüncə deyil. Biz hər oyunda meydana yalnız qələbə üçün çıxırıq. Rəqibin kimliyindən asılı olmayaraq, qalib gəlmək istəyirik. Növbəti görüş də buna bənzər olacaq.

– İsveç və Slovakiyanı aşkar favorit saymaq olar? Estoniya və Azərbaycanın sürpriz şansı yoxdur?

– Düşünürəm ki, dediyiniz komandalar favoritdir. Onların bu qrupu lider kimi başa vurmaq şansı böyükdür.

– Azərbaycan yığmasının heyətindən hansısa oyunçu yadınızda qalıb? Məsələn, sizin üçün təhlükə yaradacaq futbolçu kimdir?

– Yox, bu barədə heç bir düşüncəm yoxdur və bilmirəm ki, kim daha təhlükəlidir.

FƏRİD

– Söhbətə “Neftçi” ilə matça qədərki uğursuz seriyadan başlayaq. Komandanız 4 oyun idi ki, uduzurdu. Bu nə ilə bağlı idi?

– Həmin seriyanın üzərində dayanmamalı, o oyunları unutmalıyıq. Onu deyə bilərəm ki, ardıcıl məğlubiyyətlərdən düzgün nəticə çıxartdıq və yolumuza davam edirik. Keçmiş yenilgilər haqda yox, ancaq irəliləmək barədə düşünürük.

– Ardıcıl məğlubiyyətlər seriyasına, nəhayət, “Neftçi” ilə matçda son qoya bildiniz. Hesabı açan tərəf olduğunuzu nəzərə alsaq, bu görüşdə qələbə qazanmağa da yaxın idiniz. Hesabdakı üstünlüyü qorumaq üçün “Sumqayıt”da nə çatmadı?

– Qol epizodlarının sayına görə biz qələbəyə daha yaxın idik. Ancaq “Sumqayıt” kimi, “Neftçi” də meydana sərfəli nəticə üçün çıxmışdı. Çünki hər iki komanda son matçlarda istədiyi nəticələri qazana bilməmişdi. Buna görə də hər iki tərəfin məqsədi qalib gəlmək idi.

– Son vaxtlar fərdi olaraq çox yaxşı formadasınız. Bunu Azərbaycan yığmasının heyətində Millətlər Liqasının ilk 2 turunda, həmçinin “Sumqayıt”ın “qara zolaq”da olduğu dönəmdə etdiyiniz qurtarışlarla isbatladınız. Performansınızın daha da yaxşılaşması və özünəinam hissinizin artması nə ilə bağlıdır?

– Hamısı “Sumqayıt”ın qapıçı məşqçisi Anar Niftəliyevin zəhmətinin nəticəsidir. Bu suala cavab olaraq çox şeyi qeyd edə bilərəm. Amma ilk növbədə məşqçimizin əziyyətini vurğulamaq istəyirəm.

– Növbəti turda “Sumqayıt”ı “Qarabağ”la ağır sınaq gözləyir…

– “Qarabağ”ın “Sumqayıt”la matçda favorit sayılması sirr deyil. Ancaq fədakarcasına oynasaq və meydanın hər qarışı uğrunda mübarizə aparsaq, müsbət nəticə əldə edə biləcəyik.

– “Sumqayıt” 8 turdan sonra 7 xalla turnir cədvəlinin 7-ci pilləsində qərarlaşıb. Yuxarı yerlərdə olmamağınızın səbəbi nədir və komandanızın üst pillələrə qalxmaq potensialı varmı?

– Mən turnir cədvəlinə baxmıram, ancaq növbəti oyun haqda düşünürəm. Hələ çempionatın ilk dövrəsi gedir, bizi uzun marafon gözləyir. Kritik bir durum yoxdur, qarşıdakı turlarda vəziyyət dəyişə bilər. Məqsədimizə doğru addımlayacağıq.

– Azərbaycan yığması oktyabr ayında Millətlər Liqasında növbəti oyunlarını keçirəcək. Həmin görüşlər üçün millidən dəvət gözləyirsiniz? Sizcə, qarşıdakı matçlarda da yığmanın baş məşqçisi Fernandu Santuş sizə start heyətdə şans verəcək?

– Yığmaya dəvət almaq hər bir futbolçunun can atdığı şeydir. Yenidən milliyə çağırılmaq mənə qismət olsa, sevinərəm. Baş məşqçinin siyahısında yer alacağım təqdirdə, yığmanın yaxşı nəticələrə nail olması üçün əlimdən gələni edəcəyəm.

ABBAS

Futbolinfo.az AFFA-nın saytına istinadən xəbər verir ki, yığma komanda Lixtenşteyn millisi ilə qarşılaşacaq.

Martın 26-da keçiriləcək görüş Bakı vaxtı ilə saat 19:00-da başlayacaq.

Azərbaycan millisi toplanış zamanı növbəti yoldaşlıq oyununda Malta yığması ilə qarşılaşacaq. Martın 30-da keçiriləcək görüş Bakı vaxtı ilə saat 21:00-da başlayacaq.

Futbolinfo.az AFFA-nın saytına istinadən xəbər verir ki, Xorvatiyanın Osiek şəhərindəki “Qradsk vrt Arena”da Azərbaycan yığmasının iştirakı ilə keçiriləcək ilk iki oyunu İtaliyadan olan hakimlər idarə edəcək:

Xorvatiya – Azərbaycan
29 yanvar. Osiek. “Qradsk vrt Arena”. Saat 23:00
Hakimlər: Angelo Galante, Nikola Manzione, Alessandro Malfer

Azərbaycan – Rusiya
30 yanvar. Osiek. “Qradsk vrt Arena”. Saat 20:00
Hakimlər: Alessandro Malfer, Angelo Galante, Çiara Perona