Bu, komandanın Afrika Millətlər Kubokunun 1/8 finalında Konqo millisini 1:0 hesabı ilə məğlub etdiyi görüşdə reallaşıb. Buna qədər Luka Zidan qrup mərhələsində Sudan (3:0) və Burkina-Faso (1:0) yığmaları ilə matçlarda da qapısını toxunulmaz saxlamışdı. III turda baş tutan Ekvatorial Qvineya (3:1) ilə matçda isə Əlcəzair yığmasının qapısını Antoni Mandrea qorumuşdu.

Qeyd edək ki, Əlcəzair millisi 1/4 finalda Nigeriya ilə üz-üzə gələcək. Qarşılaşma yanvarın 10-da keçiriləcək.

Futbolinfo.az xəbər verir ki, əsas məqsəd müdafiənin mərkəzinə və hücum xəttinə legioner transfer etməkdir. Baş məşqçi Qurban Qurbanovun bəyəndiyi oyunçular var, klub rəhbərliyi hazırda keçidlərin reallaşması üçün cəhd göstərir.

Qış fasləsində futbolçu transfer etmək, yaxşı oyunçu tapmaq asan iş deyil. Qurbanovun sıradan oyunçulara diqqət göstərmədiyi də bəlllidir. Səviyyəsi ilə seçilən oyunçuları isə Azərbaycana gətirmək asn deyil. Bu səbəbdən hətta bəzən təklif olunan yüksək məbləğlər də transferlərin reallaşması üçün kifayət etmir. Lakin “Qarabağ” hazırda danışıq apardığı oyunçulardan bir mərkəz müdafiəçisinin və bir hüçumçunun transferini həll etmək üçün dayanmadan çalışır.

Təəssüf ki, yeni oyunçuları Avropa Liqası matçları üçün sifariş etmək olmayacaq. Yalnız komanda qrup mərhələsini adlayacağı halda bu mümkündür, ona isə inam azdır. “Qarabağ”ın əsas niyyəti “Sevilya”ya satışı tezliklə rəsmiləşəcək Olavio Juninyonu əvəzləmək və müdafiədəki çatışmazlığı yoluna qoymaqdır. Yeni oyunçular komandaya ölkədaxili yarışlarda uğur qazanmağa kömək etməli, eyni zamanda yeni avrokubok mövsümünəcən heyətə uyğunlaşmalıdırlar.

Bu gün Juninyonun “Qarabağ”dan gedişi komandanın zəifləyəcəyindən qorxanlar üçün pis xəbərdir. Lakin elə həmin Kadinin satılması da ağdamlılar üçün az qala faciə sayılırdı. Əvəzində Qurban Qurbanov daha döyüşkən komanda formalaşdırdı, mövcud oyun sistemində fərdlərin önəminə baxmayaraq, hansısa oyunçulardan asılılığın olmadığı aydınlaşdı.

“Qarabağ” avrokuboklarda normal futbol sərgiləyir. Nəticələr aşağı-yuxarı eyni olur və etiraf etmək lazımdır ki, ümumi ölkə futbolunun səviyyəsinə görə hətta boyundan hündürə tullanır. Azarkeşlər komandadan daha irəli getməsini istəyə bilər, elə klubdakı hər kəs də bunu arzulayır. Reallıq isə amansızdır. “Qarabağ”ın mövcud şəraitdə maksimumu məhz indi göstərdiyi nəticələrdir. Ağdam təmsilçisi qitənin ortabablarından olmaq üçün çalışır, daha yüksək nəticələr üçün ümumi ölkə futbolunun, rəqabətin səviyyəsi qalxmalıdır, klublar bilet satışından və s. pul qazanmalıdır, yüksək səviyyəli oyunçuların ölkəmizə gəlməsinə nail olunmalıdır.

Bütün bunlar “Qarabağ”ın təkbaşına bacaracağı işlər deyil. Ona görə də klub rəhbərliyi və Qurbanov əla işbirliyi sayəsində uğurlu çıxışla yanaşı digər variantı aktuallaşdırıblar. Başqa ölkələrdə o qədər də önəmsənməyən futbolçular gətirilir, ulduza çevrilir və satılır. “Qarabağ” istəsə, Julio Romao üçün 2 milyon avronu gözdən çıxaran “Ferentsvaroş”a “hə” deyər. Və ya Leandro Andrade üçün bundan da çox pul təklif edən Çin təmsilçisi ilə bazarlıq edə bilərdilər. Daha öncə İbrahima Vadji, Kvabena Ovusu da satılmışdı.

“Qarabağ”ın oyunçusuna “Sevilya” kimi qitə nəhənginin müştəri düşməsi artıq başqa leveldir. Bu, Avropa bazarına açılmaq, diqqət çəkmək, şərtləri diqtə etmək deməkdir. Juninyo ölkəmizdə oynamış ən səviyyəli legioner deyil, sadəcə, klubun ağıllı siyasəti sayəsində o, arzulanan oyunçuya çevrilib. Bu satış əməliyyatı transfer bazarında möhkəmlənmək, skautların daim diqqət mərkəzinə düşmək üçün növbəti şansdır. Xərcləri nəzərə alsaq, heç qitə yarışlarında mövsümə 4-5 milyon avro qazanmaq olmur, braziliyalının transferindən əldə olunan vəsait isə xalis gəlirdir.

“Qarabağ” nəticələr baxımından qürur mənbəymizdir. İndi klub futbol biznesində də önəmli işlər görür. Olavionun gedişinə üzülmək yox, yeni açılan cığırın işlək yola çevrilməsinə sevinmək lazımdır. Yerli futbolçularımızın da bu yolun yolçularına çevriləcəyinə ümid etmək lazımdır. Mahir Emreli azad agent kimi buraxılmışdı, cığıraçanlardan idi. Musa Qurbanlı yaxşı qiymətə satıldı, uyğunlaşa bilmədi, daha az məbləğə geri qaytarıldı. Hazırda Avropanın ortabab klublarında oynamaq gücündə olan Toral Bayramov, Elvin Cəfərquliyev, Nəriman Axundzadə var, Musanın da növbəti şansları olacaq.

Qurban Qurbanov risk edərək şans verdiyi, püxtələşdirdiyi bu futbolçuları artıq transfer olunmaları üçün yetişdirib. Legionerlərlə yanaşı, özümüzkülər üçün də qapılar açılacaq. Zamana ehtiyac var.

“Qarabağ” doğru yoldadır. Əcnəbilərə gələn hər təklifə görə onların maaşını artırmaq, saxlamağa çalışmaq, büdcəni zorlamaq, qiymət artımına getmək doğru deyil. Kadi getdi Juninyo gəldi, Juninyo gedəcək bir başqası gələcək. Bu işi konveyer halına salmaq, böyük futbol biznesindən həm də pul qazanmaq lazımdır. Juninyo satılmasa, “Qarabağ” nəticə baxımından partlayış etməyəcək, nəticələr elə indiki kimi olacaq. Lakin Olavionun gedişi həm maddi qazanc, həm ölkənin imicinə əlavə mübət xallar gətirəcək. Günlərdir İspaniya, Avropa mətbuatı “Qarabağ”dan, Azərbaycandan yazır. Həm pul qazanan, həm də ölkəni reklam edən “Qarabağ”ın rəhbərliyini yalnız alqışlamaq lazımdır.

FƏRİD

Futbolinfo.az xəbər verir ki, hazırlığını Bakıda davam etdirən bakılılar rumın yarımmüdafiəçi ilə müqaviləni tezliklə rəsmiləşdirəcək. Lakin öncə futbolçunun sabah tibbi müayinədən uğurla keçməsi lazımdır. Formallıqlar bitdikdən sonra hücumameylli oyunçu ilə ilyarımlıq müqavilə bağlanacaq.

Son mövsümü Kanadanın “Pasifik” klubunda keçirmiş 27 yaşlı futbolçu daha öncə bütün karyerasını vətənində davam etdirib. “Dinamo”, “Qaz Metan”, “Vitorul”, “Konkordiya”, “Botoşani” və “Arceş”də şıxış etmiş Andrey həmişə klubunu azad agent kimi tərk edib.

Futbolinfo.az-ın əldə etdiyi məlumata görə, braziliyalı tezliklə “Sevilya”ya qoşulacaq. İspanlar “Qarabağ”a 4 milyon avro ödəyəcək. Juninyo uğurlu olarsa, təmsilçimiz bonuslardan daha 1 milyon avro qazana biləcək.

Razılaşmaya əsasən, Juninyonun sonradan başqa bir kluba transferi də “Qarabağ”a pul qazandıracaq. Belə ki, ağdamlılar imzalanmaq üzrə olan müqaviləyə növbəti satışdan 20 faizlik payın təmsilçimizə çatması haqda bənd saldıra bilib.

Futbolinfo.az xəbər verir ki, son çempion Yevgeni Kukseviçlə anlaşıb.

Rusiyalı mütəxəssislə müqavilə 5 ay+1 il müddətini əhatə edəcək.
O, müxtəlif illərdə Rusiyanın “Sibiryak” və “Norilski Nikel” komandalarını çalışdırıb. 53 yaşlı Kukseviç məşqçi kimi Rusiya çempionatının gümüş və bürünc medallarını, 2019/2020-ci il mövsümündə isə ölkə kubokunu qazanıb.

Mövsümə Vitali Borisovun rəhbərliyi altında başlayan “Araz-Naxçıvan”ı daha sonra Predraq Rayiç çalışdırıb. Komanda Yüksək Liqanın 8 turundan sonra 16 xalla 3-cü pillədə qərarlaşıb və lider “Baku Fire”dən 6 xal geri qalır.

Mənbənin məlumatına görə, danışıqlar başa çatmayıb. Amma hər iki tərəf Juninyonun qış transferində “Sevilya”nın oyunçusu olmaq istiqamətində vacib addımlar atır. “Sevilya” rəhbərliyi Azərbaycan çempionuna bir neçə təklif irəli sürüb. Onlar transferi yanvarda bitirmək üçün tələsirlər.

Düzdür, təkliflərin heç biri “Qarabağ”ın gözlədiyi kimi olmayıb. Amma ispanlar “Qarabağ”a son olaraq 4 milyon avro, üstəgəl bonuslar təklif edib. Razılıq əldə olunan kimi “Sevilya” brazilyalı ilə 3,5 illik müqavilə imzalamalıdır.

İspaniyanın “AS” nəşrinin yazdığına görə, “Sevilya” “Qarabağ”a təklif etdiyi məbləğin 3 milyonunu birdəfəlik, qalanını hissə-hissə ödəmək niyyətindədir.

Futbolinfo.az xəbər verir ki, rumıniyalı mütəxəssis karyerasını ölkəsində davam etdirəcək.

O, “Petrolul”la anlaşıb. Klubun rəsmi saytı Mutu ilə 2026-cı ilin iyununa qədər müqavilə imzalandığını açıqlayıb. Sabiq “Neftçi”li bu vəzifədə Mehmet Topalı əvəzləyib. Türkiyəli məşqçi bir neçə gün əvvəl istefaya göndərilib.

Mutu ötən mövsümün ilk yarısında “Neftçi”ni çalışdırıb. O, daha sonra Rumıniyada ÇFR-in baş məşqçisi təyin edilsə də, cəmi 70 gündən sonra istefa verib.

Samir Abasov artıq özü də başa düşür ki, dedikləri təkrarçılıqdır və bəhanəyə daha çox oxşayır. “Neftçi”nin bütün heyəti dəyişməsə, hər şey mənasızdır. Bu gedişlə baş məşqçi özü də yola salınacaq. Deyək ki, Abasov qışda yeni transferlər tələb edəcək. Axı, “Neftçi”nin 5-6 nəfəri birdən dəyişmək lüksü yoxdur. Üstəlik, Samir bəyin oyunçu seçimlərində nə qədər səriştəsiz olduğunu illərdir görürük.

“Kəpəz” matçın startında etdiyi iki fərdi səhvlə qələbəni öz əli ilə bakılılara verdi. Lakin ondan sonrakı dəqiqələrdə qələbəni qorumaq üçün “Neftçi” əcəl təri tökdü. Qonaqlar son saniyələrdə əlinə düşən real fürsəti qola çevirsəydi, indi tamam başqa məsələlərdən danışırdıq.

“Kəpəz” çox bərbad futbol oynayır. Azər Bağırov komandanı toparlaya bilməsə, Premyer Liqada qalmaq mümkün olmayacaq. Heyət kifayət qədər zəifdir, bu legionerləri kimin və necə seçdiyi sual doğurur. Zəngin və daha bahalı heyəti olan “Neftçi” isə az qala bu komandanın da öhdəsindən gələ bilməyəcəkdi. Qələbə bakılıları aldatmasın, vəziyyət çox çətindir.

Abasov mətbuat konfranslarında bəzən məsuliyyəti başqalarının üstünə atır, qış fasiləsinə kimi ab-havanı korlamamaq üçün bəzən diplomatik danışır. Rəhbərlik baş məşqçini daim diqqətdə saxlamalıdır. Heyətlə bu qədər “oynamaq” xoş deyil, rotasiyalar komanda quruculuğuna ziyan verir. Sabit “11-lik”  müəyyənləşməli, ona zamanla kiçik dəyişikliklər edilməlidir. Samir bəy isə elə qərarlar verir ki, sanki oyunçu bolluğundan başını itirib.

Turun başa çatan 4 oyununda 8 komandadan 5-i qapı torunu silkələyə bilməyib. Zirədə üz-üzə gələn komandalar 0:0-a razılaşmaqla turun qeyri-məhsuldar keçməsinə töhfəsini verdi.

Avrokuboklara vəsiqə uğrunda mübarizə aparan rəqiblərinin duelində hesabı açan qalib gələcəkdi. Lakin meydanda elə mübarizə gedirdi ki, sanki komandalar 180 dəqiqə də oynasa, qol vurulmayacaq. Əsəbi, sərt, hətta kobud keçən qarşılaşmada qazanılan bir xal “Turan Tovuz” üçün pis nəticə sayıla bilməz. Əsas izləyici olan “Zirə” ilə 4 xallıq fərq qorundu. Amma bu bərabərlik turu qalib başa vuran “Sabah”ın işinə daha çox yaradı.

FƏRİD

Futbolinfo.az xəbər verir ki, ikinci oyun gününün ikinci görüşündə “Neftçi” “Kəpəz”i qəbul edib.

Qarşılaşma meydan sahiblərinin qələbəsiylə yekunlaşıb.

Xatırladaq ki, daha öncə keçirilmiş “Şamaxı” – “Səbail” və “Zirə” – “Turan Tovuz” oyunları qolsuz (0:0) bitib, “Araz-Naxçıvan” isə “Sabah”a 0:1 hesabıyla uduzub. Tura sabah keçiriləcək “Qarabağ” – “Sumqayıt” oyunu ilə yekun vurulacaq.

Misli Premyer Liqası
17-ci tur
15 dekabr

“Neftçi” – “Kəpəz” 2:1
Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə.
Bakı. “Neftçi Arena”, 18:30.

Neftçi: 1. Emil Balayev (k), 10. Filip Ozobiç, 3. Höccət Haqverdi, 13. Emil Səfərov, 47. Murad Məmmədov, 14. Edvin Kuç, 4. Mark Tamaş, 44. Yuri Matias, 24. Mustafa Sek, 20. Alfa Konte, 77. Yeqor Boqomolski
Ehtiyat oyunçular: 93. Rza Cəfərov, 30. Rustam Samigullin, 7. Azər Əliyev, 90. Ramil Şeydayev, 91. Ağadadaş Salyanski, 99. Ervin Koffi, 11. Kilan Lebon, 88. Andrey Ştoqrin
Baş məşqçi: Samir Abasov
Kəpəz: 1. Rojerio Santos, 11. Orxan Əliyev, 7. Ehtiram Şahverdiyev, 12. Turan Manafov, 5. Rauf Hüseynli, 26. Valdemar Almeyda, 29. Dioqo Verdaska, 78. Yeqor Kvalko (k), 3. Mahamadu Ba, 10. Karim Lkouça, 77. Viktor Braqa
Ehtiyat oyunçular: 22. Məmməd Hüseynov, 80. Tural Rzayev, 99. Əli Səmədov, 70. Nicat Suleymanov, 20. Mahir Həsənov, 21. Camal Cəfərov, 17. Ümid Səmədov, 15. Cavad Kərimov, 19. Lassana Ndiaye
Baş məşqçi: Azər Bağırov