Dünya futbolu
Teo Ernandes Milanı tərk etməyəcək
Teo Ernandes “Milan”ı tərk etmək istəmir. O, hətta yeni müqavilə imzalamağın da əleyhinə deyil.
Futbolinfo.az xəbər verir ki, bu barədə fransalı futbolçunun meneceri Manuel Qarsiya danışıb: “Hər futbolçunun tam ürəyincə olan bir komanda var. Teo hazırda məhz oradadır, bütün varlığı ilə “Milan”a bağlıdır. O, Milanı doğma evi bilir. Klubda hər şey ürəyincədir – azarkeş sevgisi var, klubdakı hər kəslə münasibətləri əladır. O, çox xoşbəxtdir. Hətta klub müqaviləni yeniləyib anlaşmanın müddətini artırmaq istəsə, Ernandes həvəslə razılaşar. O sonuna kimi “Milan”da qalmaq istəyir”.
2019-cu ilin yayında “Real”ı “Milan”a dəyişən ispan əsilli cinah müdafiəçisinin müqaviləsi 2026-cı ilin yayınadək nəzərdə tutulub. Fransa millisinin 25 yaşlı üzvü İtaliyada qalmaq üçün bir sıra təkliflərdən imtina edib.