Tite rəqslə bağlı tənqidlərə cavab verdi: “Bu, bizim həyat tərzimizdir”

“Bu, mənim şəxsi komandam deyil, Braziliya millisidir. Baş məşqçi kimi müəyyən öhdəliklərim var” – bu sözləri Braziliya yığmasının baş məşqçisi Tite deyib.

Futbolinfo.az xəbər verir ki, məşqçi onu Cənubi Koreya ilə oyun zamanı futbolçularla birlikdə rəqs etməsinə görə qınayanlara cavab verib: “Kimsəni təhqir etməmişik. Bu, bizim həyat tərzimizdir. Braziliya tarixini, mədəniyyətini, yaşam tərzini bilməyənlərin yanlış düşünməsi təbiidir. Başqa izah verməyəcəm”.

Tite hər şeyi futbolçuların, komandanın birliyi üçün etdiyini deyib: Mədəniyyətimizə, eyni zamanda çalışdığım komandaya sayqı duyuram. Bu, Braziliya mədəniyyətidir, bizim yaşam tərzimizdir. Birlikdə çalışdığım insanlar işlərin pərdə arxasında necə davam etdiyini bilir. Rəqs etməyim gərəkdirsə, bunu edirəm. Amma bir az fərdi məşq etməliyəm”.