“Transfer etməyən yeganə komanda “Qəbələ” oldu”

“Çempionatın ikinci hissəsinə hazırlaşırıq və məqsəd birinci yarıdan daha yaxşı olmaqdı”. Bunu futbolinfo.az-a açıqlamasında “Qəbələ”nin hücumçusu Felipe Santos deyib.

O, komandanın Antalyada yaxşı hazırlıq keçdiyini qeyd edib: “Yaxşı hazırlıq keçmişik. Düşünürəm ki, bizim üçün faydalı bir toplanış oldu”.

Santos komandanın transfer etməməsinə toxunub: “Məşqçi heyəti bilir ki, bizim futboçulara ehtiyacımız var. Amma əlimizdə olan oyunçularla ən yaxşısını edəcəyik. Əgər yenilər gəlsələr, çox xoş qarşılanacaqlar”.

Forvard qarşıdakı hədəflərindən də danışıb: “Ən çətini “Qarabağ”a qarşı oynadığımız kimi intensivliyi qoruyub saxlamaq olacaq. Çünki komandalar gücləndi, heyətə oyunçu qatdılar və transfer etməyən yeganə komanda “Qəbələ” oldu”.